على إيش توحمتي

هلا اختي نسمة الحياة موضوعج حلو
وانا عن نفسي كل ما اهل زوجي ايون عندي او انا اروح عندهم اتعب وااااااااايد وحتى اذا زوجي راح عند اهله ورجع بعد وانتي بكرامه ارجع واتعب وااااااايد
واول شي اتوحمة عليه وماكنت ادري اني حامل هو صالونة اللحم وبعد فتره كنت اطلب الروبيان بدرجه فضيعه والحين الثلج
ويالله يابنات كل وحده اتقوالنا عن نفسها


مع تحياتي : اختكم شواقي

السلام عليكم

والله انا بصراحه كنت اتعب اكثر شي الصبح والحمدالله ما تعبت من رائحه معينه ولا من شي عادي

بس كنت اتوحم على اللبن المثلج والليمون وايد كنت احبه بس كنت اكثر الليمون بالسلطه لان و باكله جي مع الملح
شفايفي تتقطع وكنت احب السمبوسه واكره اكره اكل المطاعم بشكل فضيع يعني كل اكلي لازم من اكل البيت
الحمدالله شي زين اكل اليت احسن

وعلى قولت خواتي بنت فقر تتوحم على لبن وسمبوسه هههههههههههههههههههههههههه

بس هذا كان وحامي

الحمدالله

ههههههههههههه:D2
شواقي - alhalwa6_6
كل هذا توحمتوا عليه ... :D2

مشكورة على مروركم إللي نور الموضوع

بصراحة انا ما كنت اتوقع اني حامل لأن كان عندي شوية مشاكل:s,,,,بس مره حسيت اني نفسي بالكستناء وشميت ريحتها قوية بانفي وما خطر على بالي شي بس وحده سمعتني وقالتلي مبرووك اكيد انت حامل وفعلا فحصت وما صدقت اني حامل والحمد لله هلأ ابني عمرة 9 شهور وعقبال الثاني يا رب:o
وعقبال العايزييين

أنا للحين ما جربت بس بقول لكم عن امي وعن صديقاتي

امي كانت تكره ريحة العطور اللي استخدمتها قبل حملها وبعد الحمل صارت تحب اكل البسكويت المالح بشكل مو طبيعي لا وتاكله مع الجبن بعد !!!

وحدة من صديقاتي في حملها الأول ببنتها صارت تكره تشوف او تشم ريحة زوجها والحين حملها االثاني نفس الشي بس اخف من قبل

وحدة من قرايبنا صارت تحب تاكل غبار !!! تخيلوا تجمع الغبار من على اثاثها وبعدين تاكله ,,, عاد المسكينة تقول اجلس ساعة ادور وانظف عشان اجمع كمية بسيطة

بصراحة الوحم حالة غريبة

الله يعينكم يالحوامل

لما حملت كنا برمضان وماكنت متوقعة اني أكون حامل لأن كان عندي إلتهاب ، وكل يوم كنت اقوم الصبح احس بلوعة بس الحمد لله ماكنت أرجع وكل يوم بعد الفطور آقول لهم ماراح اكثر اليوم من الكباب والسمبوسة لأن تطلع روحي الصبح يثقل علي ( وبنت الناس حامل وماتدري بالدنيا)..

كرهت اشم العطور من زوجي، وبعد ماولدت آنه كرهت العطور الي أستخدمتها بالحمل..:pain:

الشي المضحك، لما كنت حامل سافرت لبنان والحين من أشوف الصور او الفيديو او حد يقول باروح لبنان احس بلوعة,,,,:eek2::eek2::eek2:

ياعيني عليكم ياصبايا ..

فعلاً الوحام صعب .. والأصعب لما الوحدة ماتكون طايقة تشم ريحة زوجها .. ( احراج للزوج(r) ) ..

ذكرتيني يارومي بأمي .. لما كانت أمي حامل بالطفل الثاني ، توحمت على الفراولة .. وسبحان الله لما ولدت طلع الوحام على ظهر أخي .. وإلى لآن موجودة في ظهره ..

بصراحة انا في ولدي الأول توحمت على اني آكل كل شئ كل شوي وانا ابغى حاجة غبر واللي جربتها خلاص ماأكلها مرة ثانية طبعا اكثر شئ في الفواكة والمقبلات بس بصراحة هذا الوحم جاب نتيجة ولدي طلع دبدوب وصحة حلوة :up:

اما حملي الثاني (( ادعولي ربي يسهل ولادتي هذا الشهر )) كان الوحم ثقيل دم طبعا كرهت زوجي يعني ماحب اكلمه ولا أجلس معاه بس اهم شئ عندي لازم يكون موجود في البيت حتى لو يقعد بغرفة لوحده (( نذاله ) :D2

طبعا عطره وع ماأبغى اشمه ولو حصلي اكسرة كان سويتها بس هو خبى العطر في السيارة
وكنت اموت على الكرز ونفسي فية لدرجة مرة بكيت وانا صايمة ( وحمي في رمضان ) ابغى كرز ومارتحت لين طلعت اللي في معدتي
ومرات كنت أحصل كرز بس خارجي واكل منة بس ارضى نفسي :cry:

ياللة حالات غريبة اللة يعينا عليها ............................

انه امي توحمت وهي حامل بي في يذب مال النخل (القطعه الحلوة البيضه في النخله)

والحين عندي بقعه بيضه نفسها صغيرة ببطني

ههههههه

والله حاله

السلام عليكم
اما بالنسبة لي بحملي الاول ما كنت احب العطور اللي يستخدمها زوجي و ما كنت اقول له حتى اني كنت اكره العطور اللي كان يستخدمها بعد الولادة,وبعدين قلت له
وهو قال ليش ما كنت تقولين؟ وما كنت احب اي شي الا اني كنت احيانا احب الاكلات الحارة يعني اللي فيها فلفل حار

وبالنسبة لهذا الحمل ما احب العطور بعد بس هذه المرة قلت لزوجي لاتخلي عطور والا راح تطلع روحي :pain:
وما احب اكل البيت اكره ريحة المطبخ وبالذات ريحة اللحم و الدجاج

وعندي صدقتي ولدت من كم شهر,كانت تاكل الرز من غير طهي:pain:وكانت بس تاكل وتقول هي تقعد الساعة 3 بالليل وتاكل يعني راسها بالثلاجة دايما:D2 ابنها طلع حيل دبدوب

ههههههههههههههههههههه

والله ضحكتوني ياخوات .. عليكم وحااااااااااااااام ... (r)

بس أكيد معذورين ... وأكيد أزواجكم يعذروكم .. ويحسون فيكم ..

الله يستر كيف راح يكون وحااامي (r)

هلا عزيزاتي بصراحة الموصوع شيق جدا تبون تعرفون بشو توحمت في حملي الاول كنت اكره اشم ريحت زوجي والمسكين يكون توه مخلص متسبح اخليه مرة ثانيه يدخل للتويلت ويتحمم مرة ثانيه لاني اشم ريحته مب حلوه لملمت عطوره ورميتهم في الزباله المهم تحملني كثير
اما الحمل الثاني كنت اتوحم على الرمل الناعم كنت اخلطه مع
الماي واجففه واحطه بالشنطه عشان يتعطر وبعدين اكله وتوحمت ماطيق ام ريلي بنوب كله اهاوشها على الرغم انها زينه وياي بس قدرت الوضع وكنت اغار على زوجي كثير واكنت كل دقيقه ادق عليه وين انت ومن شفت ارجع البيت مع من تكلمت في الدوام وحامي دفش كثير وبالذات على زوجي واهله ...والحمدلله عدت على خير

بصراحة انا لسة اتوحم

مش طايقة ريحة زوجي ولا برفاناته حتى اللي كنت باحبها واموت فيها ولا أى ريحة برفان تانية

الأول توحمت على الخوخ وبعدين على المشمش وبعدين على الجوافة وبعدين على البطيخ (ههههههههه كل ما اشوف حاجة او اسمع عنها اتوحم عليها- فرصة بقى)

السلام عليكم ورحمة الله وبركاته

مشكورة يا الغالية على الموضوع

انا بصراحة توحمت بحملي الاول على التوت وللأسف في الوقت نفسة ما لقيته حفيت

وحفى زوجي ونحن ندوره بس للأسف ما لقيته وسبحان الله طلعت رسمة توته كبيرة

على ايد ولد وسوده ومحببه بطريقة التوت فعلا ... وسبحان الله شكلها فعلا توته

على ذراعة اليسار وسبحان الله كل ما كبر كبرت وزاد حجمها أول ما شفتها على

ذراعة قلت الحمدالله انها كا طلعت على وجهه شوهته ....

أختك العتب

السلام عليكم 

أنا اولا حامل بالتاسع بعد اسبوعين موعد ولادتي بس عندي مشكلة ادعولي تنحل البيبي موراضي ينزل راسه ويلف :(
انا يالغاليات كنت أموووووووووووووووووووت على الفلفل الحار ( الشطة) بأنواعها حتى الجبن ودي لو فيه فلفل ، هاهاهاهاها والله هونتوا علي المشكلة اللي انا فيها ، المهم وكنت أموووت على الشيبسي وكرهت زوجي وكنت اتضايق شوي لما ( يبوسني) هاهاهاهاها ما أحب شواربه هذا كان اول شهرين لي بعدين انا اول حملي كنت برمضان فكنت ما اطيق اكل بيت زوجي واكرهم كره وييييييييييييييييييييييييييييييه ذكرتوني ، حتى من الفشله كنت انام ببيتنا علشان ما اكل عندهم ، بعدين امي قالتلهم اهي متضايقا من ريحة البيت :) ، وكنت ابكي لاتفه الاسباب :) وبس من دشيت الرابع راحوا بس ضلت اللوعة من اول حمالي الي الرابع.


تحياتي

أما أنا الآن بالسابع الله يهون علي وعلى كل حامل ...

توحمت بعطر نبتون من زهور الريف توني شريته ... وما جلست إلا شهر ومعد أبغى أشم ريحته كلش

للآن لو أشمه على وحده ممكن أخذ القنينة وأكسرها ..

هههههههههههههههههههه
:D2:D2:D2:D2
والله ضحكتوني ياخوات ... وخصوصاً الأخت الدموع الباسمه إللي توحمت على الرمل الناعم (ههههه)
:D2

كل وحده وحامها غير عن الثانية .. ( إللي توحمت على الحامض ، وإللي توحمت على ريحة الكستناء ، والكرز ،والفلفل الحار ، والتوت والبطيخ والمشمش ، وعطر نيبتون ..... )

بس الظاهر الأغلبية متفقين على نفس الوحام ( كره الزوج ، وخصوصاً ريحته )

غريبة ... ليش الوحده بس تحمل تتضايق من ريحة زوجها ؟؟؟ سبحان الله


يالله وين باقي الأخوات الحوامل وإللي كانوا حوامل .. خلينا ندردش مع بعض ..
ونشوف أحوال بعض..


آه نسيت ... أشكر كل الأخوات إللي شاركوا معي .. وحبوا الموضوع ..