ساعدوني عندي مشكله

وعليكم السلام


طبعا انتي قلتي ان الكام كان على سبيل الغشمره.. ولكن ماقلتي شو كان هالكلام ؟

لانه هالكلام يمكن اثر في نفسيتها او احسست انها اهينت من قبل اعز البنات لديها وهي لم تكن متووقعه هالشيء..

فكوونها ان قالت لج كلام امام البنات اوعلى حسب كلامك..( انها اذلني بس انا ماعجبتني ماعاملتها لي جدام ربعنا كلهم)..

وانتي قلتي( مستحيل اني اروح لها مره ثانيه )

اولا : انتي اخطيتي في حق البنت مرتين..

- المره الاولى عندما اتغشمرت معها وهي زعلت.. هني تكوونين خلطتي والبادئه..

-المره الثانية : انج قلتي ماروح لها مستحيل .. والغلط من البداية كان عليج والمفرووض تتحملين وتتوقعين يمكن انها تغلط عليج.. لانه اذا ماتحبين الاهانه فلاتهيني احد..

صح او خطأ؟


اذا المشكله الحين شووي مثل مايقوولوون حااره..يعني كل متشدد برايه او هي ماتبغي تتصالح معااج.. خلي المشكله شووي اياام لحد ماتبرد السالفه ..

ولاتقوولين اي شيء غلط جداام اربيعااتج عليهاا.. وشووفي من اقرب النااس من صديقاتها تتووددلها.. فكلميها ولكن من دوون ماتحس صديقتج انها تريد الصلح..

وقيسي نبض احساسها بالصداقه مثلا من خلال صديقاتها المقرباات.. شو بيكوون رده فعلهاا تجاهج..!! اذا كان وتقوول مثلا مالي خلق اتكلم او مابغي اسمع عنهااا..اذا خلي المشكله وخلي كل شيء في حاله..

لان بعد ماتبرد السالفه ان شاء الله ترجعووون صديقاات من اول وتالي.. ومثل ماذكرتج اذا تحبينها لاتتكلمين عنها بالسووء جدام الاخريات الا انج تحبينها.. وخلي الكلام يووصل لهاا انج تحبينها..



والسموووووووحه..

السلام عليكم

اختي حتي لو هي اللي غلطانه برضه انت صلحيها لان قال الله عز وجل ( ان الله يحب المحسنين)

فاحسني اليها

واتصلي بها وكلميها

وكمان الرسول قال لايحق لمؤم ان يهجر اخاه فوق ثلاثه ايام او كما قال صلي اله عليه وسلم

فاحسني وابدي انت مره تانيه

عزيزتي الحين السالفة حارة اشوي ويمكن صديقتك مجروحة خليها تهدأ وبعدين سلمي عليها لأن السلام لرسول الله عليه افضل الصلاة والسلام ردت السلام كان بها ما ردت حاولي مرة ثالثة واشوي اشوي بتهدأ الأمور وبتردون مثل اول وهذا درس لج عشان ما تتمادين في المزاح وتقولين كلام ما تدرين شنو ردة فعله علي الناس اوزني كلامج قبل ما تنطقين ابه عشان ما تمرين بهالموقف مرة ثانية بس انتي صبري علي صديقتك ولا تستعجلي وخلي بالك يمكن في بعض صديقاتك يحبوا يصطادون في الماء العكر يعني يوصل لج كلام او يوصلون لها كلام فخلي بالج وصيري ذكية واذكري صديقتج دائمآ بالخصال الزينة وانج اتحبينها وما بتلاقين مثلها وبخصوص دراستج لا تضيعين مستقبلج عشان اي احد في الدنيا محد بينفعج الا شهادتك اللي ابها اتحققين كياتك وترسمين مستقبلك لا تقولين مالي نفس ادرس لا افرضي صديقتج ركبت راسها وما رضت تتصالحين معاها شنو بتستفيدين بتخسرين دراستج وينزل مستواك ومثل ما فهمت انت في اخر مرحلة يعني المجموع مهم عشان تقرري اي كلية بتروحي تدرسي وفي الختام اتمني لج التوفيق قي دراستك مع تحقيق اعلي الدرجات والله يصلح فيما بينكم انتي وصديقتج ولا يفرق بينكم

COCOmademoisell
طالبة الجنه

ام مهير

مشكورين خواتي على المرور بس على فكره ياأم مهير الظتهر انتي فهمتيني غلط يوم اني قلت ماراح اروح لها انا ماقلت هالكلام الاعقب اهيه ماهانتني جدام البنات

وعلى العموم اانا قلت بنتظر كم يوم بعد راح اتصل لها واكلمها

نــبع الكوثر

حبيبتي انتي لا تزعلين كثير

انتي سويتي الي عليك والباقي على الله ثم عليها ..

بس انا عندي وجهة نظر .. دام هذي صديقتك ما تحملت غشمرتك ..

كيف بتقدرين تصليحين الامر .. الصراحه انا ما اعرف السبب عدل ..

لن المفروض هي ما تذلك قدام ربيعاتك .. لانه عيب ومب من الاخلاق الطيبه ..

الله يهديها يا رب ..

وانتي ولا عليك الي يتصرف هذي التصرفات ما بتقدرين تعيشين معاه كثير ..

والله يوفقكبدراستك ولا تزعلين وحطي دراستك اهم شي ..

اوكي حبيبتي .. درااااستك اهم من كل شي .. هي مستقبلك ..

والله يوفقك يا رب ..

اتمنى اكون قدرت اساعدك ولو بالشيء القليل ..

مشكوره على الرد يامهره
وان شاء الله يوفقج دنيا وآخره

نفس الموقف اللي صار معاي بس انه اللي كنت زعلانه منها بالمدرسه

ولا حتى فكرت انها تصالحني
الله يسامحها

تدرين عشان شنو عشان احاتيها وما اسوي زين بالامتحان(فيه صديقات حسودين ترى)..

بعد انتي صيري احس منها وروحي لها وان فشلتج مرة ثانيه طوفي يمها وسلمي وخليها تحس على دمها

ودمتي

والله يا أختي أنا ما زيد على الي قالوه الأخوات بس لا تظنين أن صديقتج مرتاحه بالوضع
أنا متاكده أنها متأثره مثلج وتتمنى اليوم الي تصالحج فيه ما عليه تحمليها شوي لأنها
أظن أنها حساسه وايد تجاهج علشان جذيه زعلت بسرعه منج تبين فكره حلوه ومجربه
لمثل هاي المواقف شوفيها يوم بتكون واقفه مكان ولاتخلينها هي تشوفج وبسرعه فاجئيها
وضميها بحضنج وقوليلها وايد أشتقت لج يالزعاله صدقيني بتتصالحون بدون كلام وبترتاحون
بعد والله يطمن بالج ويحفضلج صديقج

rosena
ولهيب مشكورين على المرور والمساعده

الله يوفقكم ان شاء الله