السلام عليكم
اخواني واخواني اعضاء منتدى عروس
مالي غيركم تساعدوني...ماعرف كيف ابدا ...مشكلتي في الحياه هي "" امي"" ....... ما تتخيلون كيف قلبي يتقطع وانا اكتب هالجمله... ادري انه الامهات المفروض مصدر الحنان .. الراحه .. السعاده..:no:... انا امي غير
بكل اختصار...امي تكرهني... ماتحب لي الخير..يمكن تغار مني!!!!!!!!
اذا لكم نفس تقرون مشكلتي بعد الكلام اللي كتبته فهي كالتالي:
انا البنت الوحيده بين ثمان اولاد... من يوم صغيره كنت دلوعه ابوي.. وعمي.. واخواني... ماذكر في طفولتي اني حبيت الانسانه الي يابتني.. يعني كانها مالها اثر ولا وجود في حياتي.. ابوي كان مالي قلبي بحبه هو انسان رائع رائع بمعنى الكلمه ما تتخيلون كيف احبه. .. بس للاسف طبيعه عمله تتطلب انه يسافر داااااااائمما.. فكنت ماشوفه في فتره مراهقتي الا يوم او يومين في الاسبوع.. واحيانا يمر الشهر ما نشوفه... ويكون خارج البلد..
هني بديت احتك بامي...كانت دايما تعصب علي.. واحيانا تضربني... لدرجه اني كرهتها... صدقوني كرهتها... ونزل مستواي الدراسي... صرت اطلع من العشر الاوائل بعد ماكنت الاولى على المدرسه....صرت انطوائيه.. سلبيه... كل ما ايلس بروحي اصيح بشكل هستيري...عمرها امي ما يت تسال عني في المدرسه.. ولا اتعب عمرها توديني المستشفى اذا مرضت.. كانت يدتي تقوم بهالشي... عديت فتره مراهقتي.. وانا ولا مره يلست معاها يلسه وديه....عمرها ما نصحتني...ولا وجهتني ولا علمتني شي...ولا مره في حياتي دار بينا موضوع نتكلم فيه.........
يعني مثل العدايل في البيت.. كل وحده ما تكلم الثانيه.. لدرجه اني ما اناديها امي...
انا ما انكر اني ما احتاجها.. كم عانيت.. وخاصه الحين هالفتره اجهز لعرسي...تخيلو..الوضع كيف قاسي
والله اني قاعده اكتب ودموعي على خدي...اذا كلمتني تكلمني من بعيد ..حتى اسمي ما تقوله.. احسها اذا اهتمت بسالفه تجهيزي ما بتهتم عشاني انا.. لا.. اللي يهمها الناس ... وعرض الزهبه.. والحريم ... والاشياء الظاهريه...
اشوفها تهتم بعمرها..ليل ونهار تحط خلطات على ويهها..ماتخلي عياده جلديه...اللي يشوفها يقول هيه العروس .. من كثر ماهي مهتمه في نفسها..ولامره نصحتني اهتم في نفسي ولا شي.... احسها تتشمت اذا طلعت لي حبه صغيره في ويهي...
ما تحسون انه هالشي يقهر؟والا انا مبالغه؟؟؟ انا كنت متجاهله الموضوع من زمان بس الحين كل ما يقرب عرسي احس بالحزن اكثر واكثر واكثر.....لييش امي غير عن الامهات؟؟
ولين متى بنكون جيه؟؟ وشو اقول لريلي اذا قالي ليش امج ماتكلمج؟وليش ما تزقرينها امي؟
كل ربيعاتي يشوفني محظوظه...
مايدرون .. انه قلبي متقطع.. وكل ما يلس بروحي اقعد اصيح.......
احس اني وحيده في هالدنيا... مشكلتي ماحب اشكي لحد.. بالعكس ابين الناس اني مرتاحه ... حتى اقرب الناس لي مايدرون شو فقلبي...
امي.. مصدر تعاستي
ح
25-04-2005 | 09:43 PM
b
25-04-2005 | 10:02 PM
عزيزتي حزن مكبوت
الله يبعد عنج الحزن ان شاءالله
قصتج تعور القلب وما أقول إلا الله يعينج
والله مادري شو أقولج!!
بس اذا ابوج رائع ماشاءالله عليه ليش ما تكلمينه وتوضحين العلاقة بينج وبين امج مادري احس مو كل بنت تقدر تفتح قلبها لأبوها بس مادري شو بالنسبة لج؟!
انزين ما عندج خالات عمات بنات عم حد قريب منج يحاول يتقرب من امج ويعرف شو اللي في خاطرها وليش تعاملج جذي!!
دوم ادعي الله يقرب قلوبكم لبعض وصلي صلاة الليل
الله يهدي امج ان شاءالله ويعوض عليج في حياااتج
ومبروووك العرس مقدما
الله يبعد عنج الحزن ان شاءالله
قصتج تعور القلب وما أقول إلا الله يعينج
والله مادري شو أقولج!!
بس اذا ابوج رائع ماشاءالله عليه ليش ما تكلمينه وتوضحين العلاقة بينج وبين امج مادري احس مو كل بنت تقدر تفتح قلبها لأبوها بس مادري شو بالنسبة لج؟!
انزين ما عندج خالات عمات بنات عم حد قريب منج يحاول يتقرب من امج ويعرف شو اللي في خاطرها وليش تعاملج جذي!!
دوم ادعي الله يقرب قلوبكم لبعض وصلي صلاة الليل
الله يهدي امج ان شاءالله ويعوض عليج في حياااتج
ومبروووك العرس مقدما
ش
25-04-2005 | 10:24 PM
[CENTER]أنا أقول لو تجلسين معها وهي فاضية
وتكلمينها تقولين لهــا كلام حلووو
تقولين يا يمــه ,, محتاجة لدعاك , أنا خايفة من اللي جاي وما عندي غيرك يا يمه
حسسيها انه ما عندك غــيرها
قوليلها ما راح انساك ومن هالكلام يعنـــــي
ما أعتقد ما راح تحس
لأنها مهما يكون أ مـــ ك
أتمنى لك التوفيق ولاتنسين الدعاء ثم الدعاء ثم الدعاء
الأول والأخير هو الدعاء مع ربك
تحياتي
وتكلمينها تقولين لهــا كلام حلووو
تقولين يا يمــه ,, محتاجة لدعاك , أنا خايفة من اللي جاي وما عندي غيرك يا يمه
حسسيها انه ما عندك غــيرها
قوليلها ما راح انساك ومن هالكلام يعنـــــي
ما أعتقد ما راح تحس
لأنها مهما يكون أ مـــ ك
أتمنى لك التوفيق ولاتنسين الدعاء ثم الدعاء ثم الدعاء
الأول والأخير هو الدعاء مع ربك
تحياتي
P
25-04-2005 | 10:27 PM
مهما كان هذي أمك صح إنها غلطانه في تعاملها معاكي على حسب كلامك ....
بس هذي أمك لازم تطيعيها وماتزعليها أبداً وحتى إذا حاولت تستفزك لاتبيني إنك زعلانه منها
وفاتحيها في الموضوع وقولي يماما ليه ؟؟؟
انتي كذا معايه ( أنا أحبك وبنتك الوحيده حسسيني بحنانك .... يعني يرضيكي أتزوج وابعد عنك ونا قلبي عمرو ماحس بحنانك
)
وحاولي تتقربي لأمك جربي بوسيها على راسها وضميها وووو:cry:
صدقيني حتتأثر وتتغير معاكي
وإذا ماتغيرت معاكي قولي ايش انا بنت الجيران ولا بنتك
لو انا مكانك ماخلي نفسي على الوضع هذا ابداً لازم اسوي اي شي حتى لو كان بالقوه
امنياتي لك بالتوفيق
بس هذي أمك لازم تطيعيها وماتزعليها أبداً وحتى إذا حاولت تستفزك لاتبيني إنك زعلانه منها
وفاتحيها في الموضوع وقولي يماما ليه ؟؟؟
انتي كذا معايه ( أنا أحبك وبنتك الوحيده حسسيني بحنانك .... يعني يرضيكي أتزوج وابعد عنك ونا قلبي عمرو ماحس بحنانك
)
وحاولي تتقربي لأمك جربي بوسيها على راسها وضميها وووو:cry:
صدقيني حتتأثر وتتغير معاكي
وإذا ماتغيرت معاكي قولي ايش انا بنت الجيران ولا بنتك
لو انا مكانك ماخلي نفسي على الوضع هذا ابداً لازم اسوي اي شي حتى لو كان بالقوه
امنياتي لك بالتوفيق
ح
25-04-2005 | 11:02 PM
شكرا لتفاعلكم السريع معاي....
بس الحلول اللي تقولونها مستحيله:sad:....... انا طبعي عنيده.. واعرف انه هالصفه موب حلوه فيني.بس ماقدر اقولها ...
بس الحلول اللي تقولونها مستحيله:sad:....... انا طبعي عنيده.. واعرف انه هالصفه موب حلوه فيني.بس ماقدر اقولها ...
ا
26-04-2005 | 12:33 AM
إدعي دائما اللهم ألف بين قلوبنا ومهما سوت أمك يظل رضاها من رضا الله عز وجل
وعليك بالدعاء في جوف الليل .......والله يوفقك ومبروك العرس مقدما
ا
27-04-2005 | 10:51 PM
أحس كثير من الامهات تغير من بناتها..احس الفرق بينك وبين امك مش كبير..يعني بحدود عشرين سنة..اذا توقعي صح فكثير
من الامهات تعامل بناتها كدة..وحدة قريبتنا بينها وبين بنتها الكبيرة 19 سنة..وعندها ماشاء الله بنات كثيييييير كلهم شابات..
لو تشوفي كيف تشتمهم وتذمهم قدام الناس..يعني مين بيقرب لبناتها اللي على وش زواج من كلامها هذا..احسن شي اهتمي
بالتجهيز لزواجك وماعليكي منها..لاتكدري خاطرك وان شاء الله بكرة يكون لك بيت لوحدك..ما اقول هذا الكلام عشان احرض
البنات على امهاتهم لاااااااااااااا..بس فعلا في امهات مافي فايدة معاهم خصوصا اذا كان بينها وبين بنتها مش كثير..الله يهديها
ويحنن قلبها عليكي..
من الامهات تعامل بناتها كدة..وحدة قريبتنا بينها وبين بنتها الكبيرة 19 سنة..وعندها ماشاء الله بنات كثيييييير كلهم شابات..
لو تشوفي كيف تشتمهم وتذمهم قدام الناس..يعني مين بيقرب لبناتها اللي على وش زواج من كلامها هذا..احسن شي اهتمي
بالتجهيز لزواجك وماعليكي منها..لاتكدري خاطرك وان شاء الله بكرة يكون لك بيت لوحدك..ما اقول هذا الكلام عشان احرض
البنات على امهاتهم لاااااااااااااا..بس فعلا في امهات مافي فايدة معاهم خصوصا اذا كان بينها وبين بنتها مش كثير..الله يهديها
ويحنن قلبها عليكي..
n
03-05-2005 | 03:28 AM
وعليكم السلام ورحمة الله
اختي الله يعينج انا مثلج عانيت من هالشي مع ان في اختلاف بالوضع شوي يعني انا كبرت وربيت ولا حد قالي هذا صح ولا هذا غلط سوي هالشي ولا تسوي هالشي بمعنى ثاني ربيت بروحي مع ان عندي خوات اكبر مني بس كان لهم عالمهم الخاص همهم ربيعاتهم
محد قالي حافظي على صلاتج او قومي صلي او شو دراستج
محد قالي ذاكري ولا حد قالي هذا غلط هذا ما يصير
مريت بحاله من التوهان محد يعرف فيها غير ربي ادور حد ينصحني بس بشكل صامت يعني استويت انطوائيه بشكل الحين يضربون بي المثل بين الاهل بالانطوائيه والعزله
تمنيت حد يضربني على الاقل احس اني موجوده
تدرين وين لقيت الحل لقيته بالقرب من الله والقراية احب اقرى كل شي يطيح بايدي والله عاطني خيال واسع يصبرني على اي شي يضايق فيني
الله عوضني عن حنان الام بنوع من القناعه والايمان بامر الله والتسليم به صحيح عانيت بس القرب من الله ريحني بشكل كبير
انا ما الوم امي لانها مثل بعض الامهات ما يعرفون يشكلون علاقات مع عيالهم بشكل صحيح يعني في قلبها اكيد مثلي مثل خواتي
ترى الايمان بقضاء الله خيره وشره يريح النفوس كل شي يصيبنا امر من الله نصبر وناخذ اجره
ادعيلج ان الله يعوضج بزوجج ويكون كل دنيتج ان شالله تتوفقين وتكوني ام صالحه وحنونه
تحياتي
اختي الله يعينج انا مثلج عانيت من هالشي مع ان في اختلاف بالوضع شوي يعني انا كبرت وربيت ولا حد قالي هذا صح ولا هذا غلط سوي هالشي ولا تسوي هالشي بمعنى ثاني ربيت بروحي مع ان عندي خوات اكبر مني بس كان لهم عالمهم الخاص همهم ربيعاتهم
محد قالي حافظي على صلاتج او قومي صلي او شو دراستج
محد قالي ذاكري ولا حد قالي هذا غلط هذا ما يصير
مريت بحاله من التوهان محد يعرف فيها غير ربي ادور حد ينصحني بس بشكل صامت يعني استويت انطوائيه بشكل الحين يضربون بي المثل بين الاهل بالانطوائيه والعزله
تمنيت حد يضربني على الاقل احس اني موجوده
تدرين وين لقيت الحل لقيته بالقرب من الله والقراية احب اقرى كل شي يطيح بايدي والله عاطني خيال واسع يصبرني على اي شي يضايق فيني
الله عوضني عن حنان الام بنوع من القناعه والايمان بامر الله والتسليم به صحيح عانيت بس القرب من الله ريحني بشكل كبير
انا ما الوم امي لانها مثل بعض الامهات ما يعرفون يشكلون علاقات مع عيالهم بشكل صحيح يعني في قلبها اكيد مثلي مثل خواتي
ترى الايمان بقضاء الله خيره وشره يريح النفوس كل شي يصيبنا امر من الله نصبر وناخذ اجره
ادعيلج ان الله يعوضج بزوجج ويكون كل دنيتج ان شالله تتوفقين وتكوني ام صالحه وحنونه
تحياتي
ف
03-05-2005 | 04:30 AM
[grade="00008B FF6347 008000 4B0082"]عورتي قلبي .. معليش هذه أمك مهما كانت .. واستمري في الدعاء وخصوصا آخر الليل [/grade]
%
03-05-2005 | 04:50 AM
ماادري وش اقولك ........
بس ابي أسألك سؤال .. كيف تحملتي هالسنين كلها ؟؟
وسؤال هذا ماوراه إلا شي واحد .. ليه انتي مابتديتي بدالها
يعني بدل لاتكلمك انتي كلميها
بدل لا تضحك معك انتي اضحكي معها
يعني زي كذا فيه بعض الامهات مايعرفون يتعاملون مع عيالهم وخاصه اذا هي بنت بين عيال
لأنها عندها عيال وااااجد فااكثر تعاملها معهم ..
أذكري الله وادعي ربك وخلي لعنااااااااد عنك وتراااه مب نافعك ..
وشدراك انتي يمكن هي بعد تقول كذا عنك بخاطرها وانتي ماتدرين
المفروووض تفتحين معها الموضووع مايصير تكون علاقة البنت بأمها كذا ..
مهما كانت هذي امك انتي المفروض اللي تبدين ..
انتي حاولي والاعناد هذا خليه على جنب شووي عطيه عطله
وروحي جربي مع امك .. وردي علينا طمنيناااا ..
الله يوفقك ويهديك انتي وامك ويجمع بينكم في خير .. ومبرووووووووووووووووك الزوااااج ..
بس ابي أسألك سؤال .. كيف تحملتي هالسنين كلها ؟؟
وسؤال هذا ماوراه إلا شي واحد .. ليه انتي مابتديتي بدالها
يعني بدل لاتكلمك انتي كلميها
بدل لا تضحك معك انتي اضحكي معها
يعني زي كذا فيه بعض الامهات مايعرفون يتعاملون مع عيالهم وخاصه اذا هي بنت بين عيال
لأنها عندها عيال وااااجد فااكثر تعاملها معهم ..
أذكري الله وادعي ربك وخلي لعنااااااااد عنك وتراااه مب نافعك ..
وشدراك انتي يمكن هي بعد تقول كذا عنك بخاطرها وانتي ماتدرين
المفروووض تفتحين معها الموضووع مايصير تكون علاقة البنت بأمها كذا ..
مهما كانت هذي امك انتي المفروض اللي تبدين ..
انتي حاولي والاعناد هذا خليه على جنب شووي عطيه عطله
وروحي جربي مع امك .. وردي علينا طمنيناااا ..
الله يوفقك ويهديك انتي وامك ويجمع بينكم في خير .. ومبرووووووووووووووووك الزوااااج ..
ر
03-05-2005 | 06:41 AM
روحي بسرعه وارتمي في حضن امج وابكي وقوليلها معاناتج ،، هذي امج مهما صار وهي تحبج ومستحييييييييييييييييييييييييل في ام ما تحب عيالها ،، يمكن في مواقف على مر السنين باعدت بينكم بس والله العظيم نصيحه روحي وصيحي واحضنيها وقوليلها ياامــــــــــــــــــي ..
وبعدين تقولين انتي عنيده ... عنيده على جنتج ونارج .... امج جنتج ونارج والجنه تحت ريلها ... سمعتي (الجنه تحت أقدامهـــــــا)
حبيبتي مافي قلب احن عن قلب ام .... يمكن قلبها مغلف بغشاوه بس اكسري هذي الغشاوه بالحب وباللي قلتلج عليه ...
وبعدين تقولين انتي عنيده ... عنيده على جنتج ونارج .... امج جنتج ونارج والجنه تحت ريلها ... سمعتي (الجنه تحت أقدامهـــــــا)
حبيبتي مافي قلب احن عن قلب ام .... يمكن قلبها مغلف بغشاوه بس اكسري هذي الغشاوه بالحب وباللي قلتلج عليه ...
ب
03-05-2005 | 09:33 AM
عزيزتي مهما كان هاذي امج لازم انتي تبدين لاتحطين فبالج انها ربيعتج او اختج عشان اتعاندينها
وصدقيني بتتقرب منج حاول تخدمينها في اي شيء
وعن التجربة االام تتعلق في بنتها اكثر بعد الزواج صدقيني وانتي حاولي تستغلين الفرص
والله يوفقج
وصدقيني بتتقرب منج حاول تخدمينها في اي شيء
وعن التجربة االام تتعلق في بنتها اكثر بعد الزواج صدقيني وانتي حاولي تستغلين الفرص
والله يوفقج
ع
05-05-2005 | 03:08 AM
بسم الله الرحمن الرحيم
والصلاة والسلام على اشرف المرسلين سيدنا محمد وعلى اله وصحبه اجمعين
اختي كما هو واضح من اسمك حزن مكبوت ولعدة سنوات طويله ,هذا اولا كله يسبب لك امرا نفسيه
انتي بغنى عنها
عزيزتي كيف نتقرب من الاخرين ؟كيف نقوم من سلوكنا ؟سواء تعاملنا مع قريب ام بعيد؟
كيف اريد من والدتي التقرب مني وانا حتى لا ابدي اي استعداد للتعاون ؟
قال تعالى في سورة البقرة
(ان الله لا يغير ما بقوم حتى يغيروا ما بانفسهم)
اذا ان كنت اريد من والدتي ان تتغير او اي كان من حولي في هذه الحالة هي التي من يجب ان تتغير لا الاخرين
انا ابدأ واتغير واسعى بالدعاء وادعو من الله ان يهديني الى الطريق الصحيح وان يهدي لي والدتي ...الخ
بعد الدعاء انا اسعى جاهده ان اطبق واكسر تلك الحواجز التي تشعري انها صعب ازالتها وان تتقربي الى والدتك الطيبة وتقولي لها كلمة حلوة ربما يذيب ويرقق قلبها عليك ,فلا تدري ان الله على كل شيء قدير
تحياتي لك...
والصلاة والسلام على اشرف المرسلين سيدنا محمد وعلى اله وصحبه اجمعين
اختي كما هو واضح من اسمك حزن مكبوت ولعدة سنوات طويله ,هذا اولا كله يسبب لك امرا نفسيه
انتي بغنى عنها
عزيزتي كيف نتقرب من الاخرين ؟كيف نقوم من سلوكنا ؟سواء تعاملنا مع قريب ام بعيد؟
كيف اريد من والدتي التقرب مني وانا حتى لا ابدي اي استعداد للتعاون ؟
قال تعالى في سورة البقرة
(ان الله لا يغير ما بقوم حتى يغيروا ما بانفسهم)
اذا ان كنت اريد من والدتي ان تتغير او اي كان من حولي في هذه الحالة هي التي من يجب ان تتغير لا الاخرين
انا ابدأ واتغير واسعى بالدعاء وادعو من الله ان يهديني الى الطريق الصحيح وان يهدي لي والدتي ...الخ
بعد الدعاء انا اسعى جاهده ان اطبق واكسر تلك الحواجز التي تشعري انها صعب ازالتها وان تتقربي الى والدتك الطيبة وتقولي لها كلمة حلوة ربما يذيب ويرقق قلبها عليك ,فلا تدري ان الله على كل شيء قدير
تحياتي لك...
م
05-05-2005 | 06:45 PM
ممممممممممم
1- عليكي بالدعاء والصلاة والتقرب الى الله دائما حتى يخفف من حدة الغضب الي في داخلك
2- لانك عنيده وما تقدري تواجهي اقترح بكتابة رسالة لامك تشرحين من خلالها كل ما تشعري فضفضي يعني صدقيني رح تقرأها امك وتيجيكي ركض وتضمك لصدرها ووقتها خذي حنان غير شكل.
3- اذا موضوع الراسة فاشل، اتكلمي مع اقرب اخ لك خليه يكون واسطة بينكم.
4- حاولي انك تتدخلي في حياتها الشخصيه الي تبعدها عنك يعني شفتيها تحط ماسكات على وجهها ومنهمكة روحي ساعديها وقوليلها انا بحطلك وحطي شوي علة وجهها وشوي على وجهك وضحكي
5- قوليلها نفسي اسويلك مساج يا امي تعالي احسك تعبانه.
يعني شوفي الامور الي هي تحبها شاركيها فيها صدقيني تتقربوا لبعض
وطمنيني عنك يا حلوه
1- عليكي بالدعاء والصلاة والتقرب الى الله دائما حتى يخفف من حدة الغضب الي في داخلك
2- لانك عنيده وما تقدري تواجهي اقترح بكتابة رسالة لامك تشرحين من خلالها كل ما تشعري فضفضي يعني صدقيني رح تقرأها امك وتيجيكي ركض وتضمك لصدرها ووقتها خذي حنان غير شكل.
3- اذا موضوع الراسة فاشل، اتكلمي مع اقرب اخ لك خليه يكون واسطة بينكم.
4- حاولي انك تتدخلي في حياتها الشخصيه الي تبعدها عنك يعني شفتيها تحط ماسكات على وجهها ومنهمكة روحي ساعديها وقوليلها انا بحطلك وحطي شوي علة وجهها وشوي على وجهك وضحكي
5- قوليلها نفسي اسويلك مساج يا امي تعالي احسك تعبانه.
يعني شوفي الامور الي هي تحبها شاركيها فيها صدقيني تتقربوا لبعض
وطمنيني عنك يا حلوه
ا
05-05-2005 | 07:03 PM
بصراحه ماشاء الله عليك انت فعلا انسانه خلوقه والدليل إنك مابينت لأحد علاقتك المتوتره مع أمك
وطبعا انت ماتقدرين تغيرين الحين بعد كل ها السنين وكل الكلام اللي قالوه لك الاخوات رائع
حاولي تجيبي لها هديه قيمة مميزه وحطيها على الكومدين جنب سريرها واكتبي معاه كرت يحزنها شويه
مثلا اكتبي : أمي الحبيبه مااتخيل إني ببتعد عنك وأعيش بدونك في بيت وحدي لكن انا متأكدة انك تدعي لي بالتوفيق
وانك بتشتاقين لي مثل مابشتاق لك
وعليك مثل ماقالوا الاخوات الدعاء ثم الدعاء وبالذات دعاء النجم الساطع
الله يوفقك ويسعدك آمين
ت
05-05-2005 | 08:18 PM
السلام عليكم
فكرة الاخت الماضي الجميل حلوة ويمكن تحنن قلب امك عليك
بس احب اقولك كون امك جافة معاك يمكن انها ماتعرف شلون
تعبر عن مشاعر الحب والحنان للبنت خصوصا بين الاولاد
فانصحك بالدعاء وتخففي من عصبيتك خلال تجهيزك لعرسك
فكرة الاخت الماضي الجميل حلوة ويمكن تحنن قلب امك عليك
بس احب اقولك كون امك جافة معاك يمكن انها ماتعرف شلون
تعبر عن مشاعر الحب والحنان للبنت خصوصا بين الاولاد
فانصحك بالدعاء وتخففي من عصبيتك خلال تجهيزك لعرسك
ا
05-05-2005 | 08:48 PM
حزن مكبوت ...حبيبتي أباقولج والله احس فيج ..بس فكري امج ليش استوت جيه ؟ليش تغيرت ؟ومتى؟ ...انا اقولج ..يوم بديتي تكبرين ..تكبر معاج شخصيتج ..اكيد يايوم وقلتيلها لاتدخلين فيني ..لانج عنيده بسوين الى في راسج ..ومن هذا المبدى أبتدت المشاكل ..وبعد لانج عنيده خاطرج تتأسفين بس تحسين أنج بتجرحين كرامتج ..وكل واحد منكم قام يحط في الخاطر ولزم يكبر هذا الشي وياكم وبعد يمكن يستمر سنين ...أّذا محد كسر هذا الشي ..فأنا أقولج أنتي بدي وكسري الحاجز ورتاحي ..وصدقيني امج نفس الشعور ...بس ماتعرف كيف تعبر أنها تهتم فيج ..تهتم في الزهبه وترتيب عشان تتقرب ..نفس ماقالت اختي..الماضي الجميل ..أشتري .. هديه..((نقي شي أمج تحبه )). وكتبي رساله بس مش اي رساله رساله عنوانها سامحيني..وكتبي كل الي في خاطرج أن شاء الله توصل صفحتين ..ترى والله الدنيا ادور فكري في عيالج والله دعاء الام مستجاب ولازم قبل ماتطلعين تكون أمج راضيه عليج ..والله يوفقج في حياتج...