صندل العرس يا بنات الامارات....!!

مرحبا
حبيبتي بالنسبة لصندل العروس لا تتقيدين بمكان معين المهم دوري لك شي " مريييييييييييييييييييييييح "
تصدقين اختي اشترت صندلها من محل في مركز البستان يبيع شنط وبالصدفة حصلنا عنده صنادل حلوة
واشترينا لاختي ولعروس اخوي من عنده صندلين لونهن ابيض وفيهن كريستال وسعرهن وايد معقول الواحد كان ب150 درهم تقريبا

والله؟؟ وااااايد زيييييييييييييين!!! مشكورة عزيزتي :)

ربنا يتمم بخير

مشكوووورة Rosena.. :)

السلام عليكم ورحمة الله وبركاته
حبيبتي ألف مبروك مقدما وكان ودنا نحظر العرس .. لكن ما شي نصيب ..
المهم لا تفكرين في الشي الغالي .. بس فكري في الشي المريح .. لأنه أصلا ما راح ينشاف ..
اسألي مجرب .. تراني توهقت يوم عرسي سرت وفكرت أشتري من الغالي .. وفعلا اشتريت جوتي روعة من حمر عين .. نفس إلي في الأفلام ب750 درهم .. وكله كريستال ويجنن .. وكان مريح لما جربته في المحل .. لكن لما جربت فستان العرس حسيت مع الثجل إنه مب مريح .. ورحت آخر شي وفصلت .. وهذا أحسن شي للعروس .. وهذا إلي تسويه كل العرايس .. يا ريتني سمعت كلام أمي من الأول .. لكن ما شي فايدة . نحنا نحب نعاند وبس .. ههههههههه
المهم فصلت من محل في شارع الوحده في الشارجه ب 150 درهم .. تضحكين .. من حقج .. لا تفكرين ولا اتعبين عمرج سيري أقرب محل وفصليلج جوتي على مقاسج وذوقج .. وبترتاحين مثل ما أنا ارتحت .. صدقيني ولا حسين إني لابسة شي وساعدني في المشي وايد ..
والله يوفقج ياربي .. وعقبال الباجيات إلي مب معرسات ..

اصلا محد يلاحظ صندل العروس

وحده من اهلنا اشترت صندل ابيض 50 درهم

وفي البيت حطت عليه كريستاال وورود وبس