هذا كل شيء والا فيه شيء ناقص؟؟

السلام عليكم ورحمة الله وبركاته

مرحبا بناااااات شو الأخبار؟ ان شاء الله مرتاحين...

أنا باقيلي بالضبط شهرين عن العرس ان شاء الله.. بديت التجهيز بس محتاسة..!!! اسمعو السالفة من أولها..!

أنا أشتغل لين 3 الظهر.. و بعدين أدرس العصر ليييييييييييييييييييييييييين 7:30 ثلاث أو أربع أيام في الأسبوع..و نص الوقت ضايع بين زحمة الشارقة و دبي.. يعني عادي من التعب أرقد في الدوام!!! طبعا زوج المستقبل :o يزورني يوم أو يومين في الأسبوع.. فنص اليوم ضايع بين سشوااااار و مكياااااج و لبسسسسس..! :cool:

رحت المصمم و اخترت تصميم للفستان.. واشتريت كذا بدلة عشان ألبسهم يوم يزورني و أيودهم لبعدين.. و اشتريت لبس نوم بالهبل!! هههههههههه :o بس ما أخذت لبس نوم طويل و محترم الا واحد لأن قياسي شوي صعب!! :s بس مب متينة..!
أنا أحب البيجامات بس ما اشتريت غير وحدة.. و لبس للبيت ما اشتريت للحين..!

اشتريت لبسة من ليلتي بوتيك في مركز الشاطيء لليوم الثاني ان شاء الله اذا تغدينا في بيت أهله..

و لبس للسفر.. ما بديت للحين...

عطووووووور قد شعر راسي!!! :smile: و دخون و هالسوالف!

كريمات.. واحد بو لمعة من نعومي.. و بسسسسسسس! مع اني أموووووووووووووووووت في الكريمات.. بس قلت ما باخذهم ألحين عشان ما يختربون من الحررر!

مكياج.. مب وايد..

شنط.. أربع.. وحدة منهم وردية مع بوك للمناسبات..

طقم فوط..

كم قطعة ذهب (علاقتين و خواتم و حلق واحد بسسس!!)

نعلة من لاسنزا للبيت.. بس هنتين..

دلاغات مخرمة للحركاااات!! ههههههههه :o وواحد أبيض حلوووووووووووووووووووو و ناااااااااعم من ألدو... :)

كم شيلة.. معضمهم عاديات مب للمناسبات.. و طقم شيله و عباه عاديات..

كم قطعة لجلابيات.. بس مب وايد.. يمكن 4 قطن و 3 كشخة!

شو بعد؟؟ بسسسسسسسسس

شو رايكم؟ في شيء نسيته؟؟ و من وين ممكن أييبه؟ لأني ما عندي وقت ألفلف..!!!

و مشكووووريييييييييييييييييييييييييييييييييييين مقدما على المساعدة :)