إبنتي والحلق

ياختي قولي يالله السلامة بعدين فكري بالحلق .. الله يسهل عليج انشالله ... وخلي البنت تكبر شويه ...

الافضل تخليها تكبر شوي انتي توج بتكوني والدةوالبنت توها صغيره الله يخليها ويبارك فيها بعدين بتخرمي اذنها بعد كم شهر يعني انا بنتي الحين شهر ونص ولا فكرت مجرد تفكير اخرم لها اذنها ولا ناوية اصلا افكر اني اخرم لها اذنها حاليا
بخليها تكبر شوي وان شاء الله عمرها طويل وبتلبس الحلق اشكال والوان

الله يقومج بالسلامة

وحدة من الاهل خرمت اذن بنتها لما عمرها 8 شهور تقريبا حتى سنة في منهم يخلونهم لين يكملوا سنة بعدين يخرمو اذنهم

لكن وانتي والدة لالا ما انصحج سم عليها بالرحمن اول شي

[grade="FF4500 4B0082 0000FF 000000 F4A460"]أنصحج تخرمين أذن البنت بعد شهرين من ولادتها.[/grade]

اختي شو السبب بعد الشهرين مباشرة

[grade="FF4500 4B0082 0000FF 000000 F4A460"]أختي قلوب كل ما كان سن البنت اصغر كل ما كان الالم اخف عليها عند الخرم والله يقومج بالسلامه ان شاء الله.

تحياتي عزيزتي[/grade]

انا خرمتلها بعد الأربعين وطبعا كل ما كانت اصغر احسن عشان ما تنجلب وتعورها اذنها يعني بعد الأربعين مناسب

عيل ان شاء الله بخليها تكمل شهرين واخرم لها لانها تاريخ 11/ 5 بتكمل الشهرين ان شاء الله

تسلمين والله لأنه فعلا قالوا لي كل ما كانت صغيره أفضل وناس قالوا لي قبل ما تطلعين المستشفي بس كنت خايفه وأبي حد ينصحني والله يعطيك العافيه أختي ميمو

[grade="C0C0C0 00BFFF 4169E1 0000FF 00008B"]شخصياً ...
خرمت اذن بنتي بعد الاربع شهور...

تحملوا تخرمون اذن البنت قبل الاربع أشهر.. لان حلمة الاذن يتغير شكلها شوي

رفيجتي خرمت اذن بنتها بعد الاربعين وتوهقت..ألحين الحلق يبين كنه (ناط) واحد على فوق .. والثاني على تحت[/grade]

بنات احنا في مستشفياتنا يسألون الام اذا تبي تحدد موعد بعد اسبوع من الولادة عشان الحلق

ترى كل ما كانت البنت صغيرة احسن لها ولازم تنبهين على الممرضة تسوي الفتحات في نفس المكان يعني اول شي توريك بالقلم وبعدين تخرم

اصلا كل ما كبرت كل ماصار الموضوع صعب عليها

شهرين واربعة شهور وسنة !!! كثير مرة

الغضروف يكون مرة لين والعملية ان شاء الله ما تحس فيها البيبي

اسبوعين زين

حيرتونا حديقون زين وحد يقول قبل الاربع شهور ما نتخرم شو الحل وشو النتيجة الحين

[grade="FF4500 4B0082 0000FF 000000 F4A460"]عزيزتي قلووووب انسب وقت للطفل شهرين ولازم ما تشيلين الحلق لين بعد شهر عشان تغيرنه بي ودايم بين وقت او وقت نظفي مكان الحلق عشان ما يلتهب على البنت .[/grade]

السلام عليكم ورحمة الله وبركاته

أنا خرمت لها أذنها يوم الأربعين...

و يا ريتني كنت خرمته قبل ذلك لأنهم قالوا لي لو خرمتي بدري ( على اليوم السابع أو اول ما تطلع من المستشفى ) كان أحسن و ما كانت حسّت بالألم...

هو ألم لحظات...و راح تظل تبكي علشان صعبان عليها نفسها ...و تنظر لكم تلومكم على هذا...بس الألم يكون بسيط إن شاء الله...

و مثل ما قالت الأخت ميمو...تحركي الحلق كل شويه و تطهريه...و كل شيء تمام الحمد لله الحين

ان شاء الله بكرة او بعده بروح اخرم اذنها

مشكورين خواتي

مرحبا


انا بنتي ثقبتها يوم كملت 4 شهور....بس كانت تضايق من الحلق..اول استخدمتلها طبي بس الطبي كان بسرعة يتبطل.. وكمن واحد ضاعن عقب حطيتلها المالس فص صغير.. بس يوم حطيتلها الذهب تأكلت اذنها.. ومن هذاك اليوم وانا اكره البسها احس انه يضايقها..بس البسها في المناسبات و عقب اشله عنها بس اخاف تنسد اذنها مرة ثانية.. شو الحل...؟؟

[grade="FF4500 4B0082 0000FF 000000 F4A460"]خلج على الطبي اختي واذا سالفة انه يتبطل بسرعه مو مشكله غيري لها النوعيه ممكن النوعيه اللي تستخدمينها موش زينه علقل هو الوحيد اللي ناسبها بدال ما تتسكر اذنها مره ثانيه .[/grade]

مشكورة
meemo0o

على النصيحة..