اسوداد الرقبه

هلا بك اختي وحياك الله معانا


في خلطات واجد حق الرقبه



جربي هذي
عندي وصفة رهيييييييييييييبة تزيل سواد الرقبة وانا مجربتها بنفسي وهي كالتالي \

1 ملعقة كبيرة عسل
1 ملعقة كبيرة عصير ليمون
نصف ملعقة كبيرة زيت زيتون
بياض بيضة وحدة

تخلطينهم مع بعض ثم تحطينها على الرقبة لمدة ربع ساعة

ثم اغسليها وضعي كريم مرطب اي نوع مو مهم

النتيجة من اول استعمال


==========

الخلطه الثانيه

خلطة تبيض الرقبة ومن أول مرة تشوفون الفرق وهي:

تخلطين فنجانين سكر مع فنجان ماء زين وبعدين تدهنين فية رقبتك و قبل

لا تنشف زين تفردين عليها حلاوة وتبدين تشلين 6 مرات لكل جهة من

الرقبة وداومي عليها من بين اليومين مرة وراح يروح كله هالسواد وراح

===========

وان شاءالله البنات يفيدونج



اختك

مرحبااااااااااااااااا،،،،،،،،،انصحيها اترووح للدكتور وهو بيعطيها بعض الوصفات المكونة من بعض الكريمات اللي تساعد على تخفيف السواد مع مزاولة عمل حمام مغربي وانشالله بيخف السواد

:flower:صباح الخير اختي ترانيم قطر تسلمين على هالوصفه شكلهارهيب وراح اجربها ان شاء الله

لان رقبتي صاير فيها خطوط سواد وتفشل ودائما ابو الشباب يتريق على رقبتي

يقول نظفي رقبتك بسلك المواعين امكن تنفع معك وتنظف:D2:D2 <>>>>>وحده تعاني:sad:

الله يحييج ويديمج الغالية اختي ترانيم قطر

واشكرج جزيل الشكر على هذه الخلطات وان شالله اوصل اللها الخلطات عشان تنسى الهم اللي هي فيه..

تحياتي لج

اختج شجون

تسلمين الغالية مهرة دبي على الرد

وانشالله بخبرها ...

اختج شجون الروح

الغاليه رهههههههف يسعدني وجودج في مشاركتي وانشالله نصايح الاخوات تفيدج

تحياتي لج...

شجون الروح

شو رايكم يا بنات عن طريق هذي المشاركه ما دامنا نتكلم عن نظافة الرقبه
نضيف معلومات ثمينه وهي كيفية المحافظة على نظافة الرقبة لانها اساس الجمال اكيد في اشياء اجمل في البنت تحليها بس الرقبه تكمل الجمال


تحياتي

شجونه

فيه قناع جربته وادني

الي هو ملعقه كبيره حليب سائل مثل البوني ابو قوس مع عدة قطرات ليمون

طبعا بيتخثر تدهنه على الوجه والرقبه يوميا لما ينشف بعدين تحكه بيدها وتغسل الوجه بماء بارد وبعدين اذا تحب تحط ما ورد

وبعد اسبوع يبان التحسن ملحوض

بعد فيه خلطه ثانيه الي هي ملعقه كبيره هرده "سلطة طحينه" مع ليمون معصور الي يخلي قوامه مقبول تدهنه يوميا على الرقبه

اذا حطة عليه ملعقه صغيره لبن زبادي الي هو الروب بيصير احسن

وباركيلها بدالي

تسلمين الغالية مالي مثيل على هذي الخلطة وانشالله يبلغ ..

تحياتي

جربي سائل الرؤوس السوداء من كلين اند كلير البنفسجي

اللي يحطون دعايته في التلفزيون

او تجرب دهنها بزيت الخروع

واذا تريد الضمان تذهب لدكتورة جلدية

واذا من الامارات تجرب الدكتورة سعاد لطفي

او تتابع قناة الديرة برنامج قهوة الديرة يلتقون مع دكتور اعشاب من مركز التاج للتجميل

يعطي وصفات حلوة

تسلمين الغالية نوووسه

وانشالله بخبرها وتكون احلى عروس


اختج

شجونه

اختي نووووووووووسه

ممكن اعرف وين مكان عيادة الدكتورة سعاد لطفي يعني في اي اماره وشو اسم العيادة

انا استخدم ماسك النشا+الدقيق+اللبن
كله ابييض في ابيض واحطله علي وشي ورقبتي وبيبيض وينور
ومع المداومة افضل

سلامو عليكو
حبوبه انصحيها تغسل رقبتها مثل وجهها بالضبطok
بعدين تمسح رقبتها بالسكينول يفضل ليمون ok
والصباح تغسل وجهها ورقبتها كويس ثم تنشفها وتحط واقي شمس حتى على رقبتها من قدام ومن وراء..
ومبروك مقدما
تحياتي

اختي الغالية قلب العصفورة تسلمين على هالوصفه الحلوه..

تحياتي

الغاليه ¦‡ângèl¤èyès‡¦ تسلمين على الوصفه

وانشالله وصفاتكم تنفعها...

تحياتي لج

انصحج بهاي الوصفة السحرية وتقدرين تستخدمينها لكل الجسم:
طحين نخي +ماء ورد + ملعقة صغيرة عسل كوني عجينة ثم ضعيها في الاماكن السوداء كماسك بعد ما يجف اشفطي بالماء
فعالة 100% وخبرينا بالنتيجة

اختي الغاليه...بنوتة العسولة

مشكورره على الخلطه وانشالله بخبرك بالنتيجه ...والبنت وايد مستأنسه وعندها امل كبير وتشكركم كلكم


تحياتي

مشكوره حبيبتي على الوصفه