بغيـــــــــت خبرتـــــــــكم في استقبــــــــال زوجـــــــــــي

سوي بحث اختي وراح تلاقي الي يسرك
والله يرجع لك زوجك بسلامه

[CENTER]لبنه

الله يرد لج زوجج بالسلامه ان شاء الله

ابا اقولج سر

بس لا تخبرينه احد

اوكي ؟

الزوج عباره عن طفل كبير

كلمه توديه

وكلمه تييبه

لهالسبب

حاولي تكونين رومانسية وياه

يعني على مدخل الباب من برا

اوراق ورود حمر

لا تنسين ريحة البيت

عطور خفيفه وبخور وعود

لبسي له شي حلو

مب مغري

بس حلو ويديد

استقبليه ببوسه على خده اليمين

والف حمدالله على السلامه

الكلمة الطيبة تلين اقسى قلب

ولا تنسين ريوق خفيف

وخليه يرتاح وينام

والف حمدالله على سلامته مقدما

اخوج

ابو شوق

انا بعد زوجي امسافر صار له اسبوع

ومتحيره اشلون بستقبله مع وجود الخدامه ولعيال

لانه راح يوصل بالليل الساعه تسع قبل وقت النوم؟؟

احلى شي اتسوينه في استقبال زوجج انج تستقبلينه بأبتسامة ولهه و شوق و بعدين الوي عليه و بينيله هنج فقدتيه و انج ماتسوين من دونه و طبعا هذا غير حركات الدلع و وفري له الجو الهادئ و الرومانسي و لا تكثرين من الاسئله عليه و سويله باقة ورد حمره حطيها في غرفة النوم و كتيبيله كمن كلمه حلوة في ردته بالسلامه و طبعا لا تنسين اتريقينه ممن ايديج الحلوة و انتي تبينين له فرحتج برجعته بالسلامه و الباقي انتي ادرى فيه :) و يوصل بالسلامه انشالله ..

عسوله ليش محتارة باستقبالج لزوجج بوجود عيالج بالعكس فكرة حلوة انج اتلبسين عيالج و تكشخينهم و كنه العيد عندهم و تزهبين البيت بالعطور و الخون و الترتيب و تخبرين العيال كيف يستقبلون ابوهم و خلي كل واحد منهم يشل وردة و يهديها لبوه يوم بيسلم عليهم و انتي دورج فالاستقبال خليه فالغرفة ( الرومنسي طبعا ) يعني سلمي عليه و تحمدي اه بالسلامه و عشيه و يا عياله بس بيني له انج في غايه السعادة بوصوله و خلي كل اهتمامج فيه طبعا يعني ألبسي عيالج شوي و خلي كل اهتمامج فيه و بس و عقب العشى بي دورج فالغرفة :)) و لا تهتمين فالعيال في هل الليله بس عشان أتبينين له سعادتج بوصوله نستج حتى عيالج .. و يوصلج بالسلامه انشالله .