حوامل الثامن..واعراض التاسع.. شو السالفة ..

السلام عليكم..

اسمحوالي خواتي على كثرة اسألتي .. بس مالي غيركم ما شالله عليكم اثق بكلامكم وايد والله العالم عشان جي انا ما اتردد اني اكتب لكم عن كل شي يديد احسه فيني .. :smile:

انا في بداية الأسبوع الثالث من الشهر الثامن .. وانا ما شالله علي اقرا اكثر من 95% من مواضيع هالقسم الحلو عشان اتعلم واستفيد .. واحيانا من مواضيع جدييييمة... وتدرون شي..

احس بكل اعراض الشهر التاسع .. يعني كل الي فيني قريته في حوامل الشهر التاسع وما اعرف شو السالفة ..
اول شي احس بألم في الحوض وبين الفخوذ .. :down: ووايد هالألم متعبني بالذات الي بين ريولي لدرجة احس اني عضلات وعظام هذيج المنطقة تعبانه وضعييفه عندي لدرجة اني احس انها هشة و اي حركة بالغلط بينقص مني عرج او بتتكسر مني عظمة ... :sad: وخايفة انه هالشي يأثر فيني وقت الولادة انه يكون شي مب زين يعني ...

ثاني شي هالايام زايدة عندي اللوعة .. يعني كأني في الشهور الاولى من الحمل كله احس عمري بزوع :cry: دايماً لا يعة جبدي .. + حموضة بشكل رهييب والله احس عمري اني تنيين بنفخ نار من كثر الحموضة .. اول كانت اتيني بس من اشرب روب تخف .. الحين والله لو شو اسوي ما تخف ..

ثالث شي .. فيني مغص رهييييب والله اني اتعب من كثر المغص ... احيانا تمر علي 5 ايام الله يعزكم ما ادش الحمام واللحين بالذات المغص ذابحني لدرجة اني احس انه هذا بداية طلق :cry:

والبيبي فديته يتكور بطريقة والله اتعبني ... يتيبس في بطني اهلك منه .. بس التعب في ريلي واسفل ظهري ونفس الم الدورة يتعبني وايد ... وكل ما اقرا في حوامل الشهر التاسع القى هالأعراض في هالحوامل والمشكله اني لين الحين ما اعرف اذا البيبي نزل في الحوض واللا لا ؟؟

وخوات ريلي يقولون لي شكلج بتربين قبل وقتج من كثر التعب ..