بليز وضحولي .. شرحولي .. وين ادق براسي ؟؟

السلام عليكم ...

انا .... ما اعرف احس ان حساباتي ولا حسابات المستشفى ولا التاريخ الي عندي غلط .. ما اعرف؟؟

اتخيلوا انا عندي تاريخ اخر دورة كانت 14/8/2004 .. بس ما اعرف احيانا اشك فالتاريخ ..

وخاصتا اني الين الحين احس اني ما دخلت التاسع .. بس فالمستشفى يقولولي دخاتي .. يمكن هم معتمدين على التاريخ الي انا عطيتهم ..

والله اني مستعيلة ابا اربي .. ساعدوني اذا عندكم شي يسرع الولادة .. بس لا تقولولي زيت الخروع ..؟؟

وبعدين عندي مشكلة ثانية .. ما اعرف هي غيرة ولا....؟؟

المشكلة هي حماتي .. عمتي .. خالتي .. الي تبون تسمونها سموها ...!!

انا ساكنة وياهم في نفس البيت .. اتخيلوا ولا مرة سالتني انتي في اي شهر .. امس اقلها باقيلي تقريبا 3 اسابيع انصدمت ..؟؟

اتخيلوا احس انها تغار ..

قبل فترة غيرت تيلفوني ..راحت خذت نفس الشي ..

والحين يوم قربت ولاتي .. راحت وتبنت بنت عمرها 3 شهور .. وشرتلها كل شي ..ملابس وكل اغراض البيبي من بيبي شوب .. وانا ولا عبرتني حتى مصاصة ما يابتلي .. ولا كأني حامل .. صح ان البيبي بعده ما نولد .. بس يعني تجامل .. هذا اول حفيد لها ..

المهم..

اليوم الظهر تقول ما خذنالها سرير .. منو بيسير ياخذ .. وعينها علي ..تترياني اقولها انا يوم بسير اخذ حق البيبي الي في بطني باخذلها .. لكن سكت ..

واليوم سرت خذت سرير وطقم كامل وعقب كمن يوم بييبونه .. صدقوني يوم بييبون بتسالني من شريتي وبسير تاخذ ..

لاني لاحظت عليها اي شي اشتري وتشوفة تسالني من وين خذتي ..


ولا تحاول انها تنرفزني .. تقول حق زوجي تعال شوف اختك ..

كل هذا لاني رفضت اني ارضعها ... ( يا جماعه كيف ارضع بنت واخليها تصير اخت ولدي وهي لا من لحمنا ولا من دمنا .. والله يعلم شو اصلها وشو فصلها .. وهل هي بنت حرام ولا حلال )

ومن يابوها وانا وزوجي بينا مشاكل عن هاي السالفة يقولي ليش قلتي ما برضعها .. وشو الفرق بينها وبين البيبي الي بيي .. قلتله الفرق ان هي مب منا وفينا .. والي ياي من لحمك ودمك ..

قولولي .. شو اسوي وياهم... ؟؟

ومنو فينا الصح .. ومنو الغلط ...؟؟

بلييييز وضحولي الي قاعدة تسوية العمة المحترمة ..؟؟