هل تؤيدون منع جوالات الكاميرا . شاركونا بارائكم بناات..!!

السلام عليكم ورحمة الله وبركاته
سلبي سلبي سلبي

ومااعتقد ان فيه احد يستخدمه ببلادنا لغرضه الصحيح
إلا من رحم ربي

أؤيد منعه وحجزه ومصادرته
وانزال اشد العقوبه بمن يحمله بأماكن العمل الرسميه
وخاصه من فئة النساء

وانا هنا لا اميز بين فئة واخرى

ولكن بالعقل...الرجل مابينضر لو اتصور
فكيفه..ومااشوف مانع انه يحمله

لكن انتي اختي..بتنضرين اشد الضرر
..اولا نظرات الناس لكي..وانتي تستخدمينه
(في اماكن تجمعات النساء)

(انا عن نفسي اشوف ان شكلها جدا مو حلو)
وبتجيب لنفسها الكلام..وتستاهل بصراحه الي يجيها

شيء ثاني..
خافي على نفسك من الغير


الي تحتاج للكاميرا تشتري كاميرا خارجيه
والي تحتاج جوال تشتري جوال لحاله




لان الشخص وخاصه النساء
الوحده يستحيل تاخذ راحتها بمجال عملها
او حتى عند ناس بأي مناسبه وفيه اخرين يحملون هالجوال
والله قلق..فيصير تضطرين تجلسين ببيتك
لا عمل ولا خرجات عند اي احد
فياريت يمنع منع نهائي من الجهات المختصه



فأنا ضده ضده ضده...
وخاصه بأماكن تجمع النساء..



أأما خارج هالنطاق...وبالماكن العامه
فالوحده حره
لان كل وحده بتكون لابسه ومستتره بالخارج
ومافي اي خوف

هذا رأي

[CENTER]مشكووورة عزيزتي ام مهير على هالموضوع الرائع

الصراحه انا اشوف الجوال بو كميرا مفيد وضار في نفس الوقت

اولا هو مفيد وحلو اذا الواحد احسن استعماله يعني يصور عياله

ومثلا كان بالسوق يصور شي ويطرش على المدام عشان يشوف هذا الي تبيه او لا

وبعد عشان اذا سافروا تكون صور اخوانهم وعيالهم كل ما اشتاقوا لهم يشوفون الصور

وبعد احلى شي اللقطات الفيديو مثلا تصورين البيبي مالج وتسمعين صوته ..

يعني في هذي الاشياء بتكون الكاميرا حلوم ومفيده ..


لكن اذا الواحد استخدمها اسخدام سيئ او يحس نفسه انه غير كفؤ لا يشتري بوكميرا..

لان الشباب بعضهم مستهترين ويصورون البنات وكل هالاشياء ممنوعه في مجتمعنا ولا يرضاها الدين ..

بس ... هذا الي في بالي الحين

والله انا ما اعرف شنو اقول مو ماعندي رائي لا في فرق . الصراحه كوني عايشه في دوله اوربيه فانا لا اعاني ماتعانون بخصوص موضوع الكاميرا الموجودة في الموبيل يعني الامور عادي لافي حدا فارغ يصور حدا ولا شي واذا صار هذا الشي فيه الواحد يبلغ الشرطه وتكون قضيه تعدي على الحريه الشخصيه . مشاركتي فقط حابه اقول فيه الله يعينكم والله لما اقرا مشاكل الكاميرا في بلادنا العربيه اقول الله يستر على بناتنا يارب .

الصرااحه بناات ماقصرتو عالمشااركه..

وكل اللي قلتوووه يخص راي كاتبة ومافي مانع لان فيه البعض من الصحه فية..

ومثل ماذكرتي بسلبيات الجوالات ..

وان شاء الله نشووف رااي الاخوات الاخرياات..

غاليتي ....اولا اشكرك علي الموضووع ...

بصراحه هو علي حسب استخدام الشخص له ...

يعني يكون سلبي اذا كان غرضه التصوير والفضايح..

والعكس بعد صحيح ...

وانا عني مرررره ماأيئد انه يكون بمجتمعات نسائيه ...

فمثلاااا بلجامعه الي انا فيهاا ...

نزل تصوير علي البنات ..والجسر حق الجامعه واضح ..

بس طبعا ملامح البنات مو باينه ...

والله يستر علينا وعليكم ....

واحترامي للكل .....

بصراحة انا ما اأيد وجودة مع الأطفال والمراهقين والناس الي ماتخاف الله وتصور بنات الناس ..يعني الناس الي يسيئون استخدامة

هي والله

الي تحتاج للكاميرا تشتري كاميرا خارجيه
والي تحتاج جوال تشتري جوال لحاله




لان الشخص وخاصه النساء
الوحده يستحيل تاخذ راحتها بمجال عملها
او حتى عند ناس بأي مناسبه وفيه اخرين يحملون هالجوال
والله قلق..فيصير تضطرين تجلسين ببيتك
لا عمل ولا خرجات عند اي احد
فياريت يمنع منع نهائي من الجهات المختصه

والله كلام منطقي وجا جداا وصواب ايضاا..

بارك الله فيك .. مشرفتنا الغالية ..
أم مهير
على طرح هذا الموضوع ..
انا من رأيي أننا مجتمع لايعرف من التكنولوجيا والحضارة إلا مظاهرها وقشورها
فكل ما يقع تحت أيدينا لانستخدمه إلا في الاستخدام الأسوء ..وفي تدمير بعضنا البعض .. كالتلفاز والفيديو .. والإنترنت و..و..
فالمشكلة ليست في وجود الجهاز .. إنما المشكلة تكمن في استخدامنا له من فئات لاتعي حجم المسؤولية أو مراقبة الله في أمور حياتها ..
ومع ماذكر من إيجابيات لوجود جوال الكاميرا .. مازالت سلبياته أعظم وأخطر .. إذا لم يكن لدينا جميعاً الوعي الديني والحضاري والإجتماعي .. ومع ذلك فإن إيجابياته محصورة في أشياء يمكن الإستعاضة عنها بأجهزة أخرى أقل خطراً ..
فما زلنا أمة بسيطة تركض وراء كل ناعق .. وخلف كل تقليد أعمى .. ولابد أن يكون معي مثل ما مع الآخرين وإلا سأكون أقل شأناً منهم .. ولو لم يكن لي حاجة به ..
وخلاصة القول .. أنني لست ضد وجود مثل هذه الأجهزة أو غيرها ..لكن عندما نعرف كيف نستخدمها..
لأننا لم نصل إلى مستوى الأمة الواعية التي تأخذ من الحضارات تقدمها واكتشافاتها .. وترفض مايرافقها من سلبيات وأخطاء .. وتحرص على سلوك الطريق القويم ..
نسأل الله الهداية للجميع ..