الغاليات عضوات المنتدى لاحظت انه في كثير من البنات تعاني من صعوبة في مكياج العين بالذات والي هو الأساس مثل ماتعرفن .... قلت مااااايصير لازم نساعد بعض والا شورايكن؟؟؟؟!!!!!
حبيت اني اعطيكن بعض أساسيات مكياج العيون وخطوه خطوه ان شاء الله بيظبط وأي استفسار أنا حاضره:
بسم الله الرحمن الرحيم....
يالله نبدأ:
1) بعد ماتحطين كريم الأساس هاتي منديل واضغطي بشكل خفيف على العين لمسح أي زوائد (شوي شوي لاتمسحن الكريم كله هههههه)
2) حطي البودره لأنها تساعدك في انسيابية الشدو وبعدين حطي (base) يعني البيس بطرف صبعك وبالتربيت مش بالمسح لأنه هو مثل الكريم وإذا مسحتيه بيتكتل مع البودره... وبتلقونه في محلات المكياج ووظيفته انه يثبت الشدو ويظهر لونه (حتى لو كان الشدو ماركه مو معروفه) ويمنع الخطوط تتطلع فوق العين وتركز الشدو في هذه الخطوط....
والنوع الي استخدمه اوكي وأنا احطه للشفايف بعد لتثبيت الروج ومفعوله :up: :cool2:وماركته artdeco.. وهو موجود في محلات مكياجي...
3)استخدمي الألوان بالترتيب اللون الفاتح وزعيه على كامل الجفن الثابت ، وبعدين الألوان الداكنه ، وآخر شي الآي لاينر والي ماتقدر تتحكم بالآي لاينر تستخدم بديل اما بالشدو الأسود أو بقلم الكحل الأسود ...
4)الألوان الداكنه حطيها على الجفن المتحرك إذا كنتي تريدين رسمة السموكي... والأسود أهم شي في هذه الرسمه ابدي حطي اللون الفاتح (الإضاءه )على الجفن الثابتمثلاً الأبيض وبعدين الأسود على الجفن المتحرك بواسطة قلم الكحل الأسود بس مو على كامل الجفن يعني من فوق الرموش لحد نص الجفن المتحرك وبعدين ابدي بحط الشدو الي تريدينه مثلاً الوردي حطيه على الأسود وبعدين ابدي سحبي عى برع وبيكون عندك رسمة سموكي متدرجه بالوردي .... رسمي العين من تحت بقلم الكحل الأسود على منابت الرموش وبالفرشاه حطي فوقه اللون الوردي نزليه اشوي عن الأسود ويتلاحظين انه يندمج مع بعض ورجعي حطي الأسود علشان تعطيكي نظرة أعمق.....وأنصحكن بفرشاه ميك اب فور ايفر لتحديد العين من الأسفل ممتازه للمبتدئات ورقمها s2
5)اذا كنتي تريدين رسمة العين الي فيها تدرج الألوان ابدي بوضع الشدو الفاتح الأبيض أو الذهبي أسفل الحاجب .. وبعدين حطي اللون مثلاً البني الفاتح على الجفن المتحرك وفي الزاويه الخارجيه حطي اللون الأغمق وابدي بسحبه لبرع ...
وبلمسه خفيفه حطي في وسط الجفن المتحرك لمسه من اللون البرتقالي لتعطيك تباين وتدرج في الألوان وآآخر شي رسمي العين بالآي لاينر...
6) هذه بعض الوان الشدو تساعدك لمعرفة كل لون وشو الي يناسبه من الألوان الثانيه ...
البنفسجي الداكن : الأخضر الزمردي، الأخضر المذهب، الأزرق السماوي ، الفضي ،الزهر الفاتح، الذهبي، الأسود...
البني: البنفسجي، الفضي ، الأصفر ، الأزرق السماوي( على فكرة البني والسماوي رسمة عين نانسي عجرم الجديده) ،العاجي ،النحاسي، الأخضر ،الزهر الفاتح والبرتقالي..
الرمادي: الفضي، اللؤلؤي، العاجي ،الأزرق السماوي،الأصفروالأخضر...
الأزرق: الوردي، البنفسجي، البرتقالي، الذهبي، الأزرقق السماوي، الأخضر،الفضي...
الوردي: الذهبي ،الفضي ، البنفسجي، العنابي، الأزرق بدرجاته، الأخضر بدرجاته....
الأسود: جميييييييع الألوان...
أرجو أن يعجبكن الموضوع وادعووووووووووووووووولي بالدعوات الزينه الي في ظهر الغيب:D2...