هذه قصة ولادتي يمكن تستفيدون

اليوم جيتكم ابي احكي لكم قصة ولادتي الله يسهل على كل حامل

انا ربيت بعد ماطوفت االاربعين اسبوع بيومين الحمل كان تاعبني وكنت كل يوم يمر اقول اكيد اليوم بربي من الالآم الي كانت تجيني واختكم بطبعي خوافه ماتحمل اشوف اي منظر فيه دم او اي شي مؤلم وكنت اخاف من الولاده واحاتي هذا اليوم واقول ياربي ياريت حد يخبرني ويقول عروس يافع ربت :sad:

ويحليلهم زوجي واولادي والله لعوزتهم معاي على طول وهم شايلين معاي الحمل ومستنيين متى بربي ويرتاحون مني ويشوفون البيبي منتظرينه على احر من الجمر

اليله الي قبل الولاده انا تعبت من الانتظار وزوجي قال شوفي اذا جاء يوم الخميس وما ربيتي انا باخذك على المستشفى وماشاء الله الصراحه المنتدى فيه واجد اشياء نستفيد منها وانا عني ساعدتني كثير وقت الولاده, قلة لازم اساعد روحي وغلية حليب مع الحلبه وشربت كوب كبير دافىء ومشيت لمدة نصف ساعه في الفريج وقبل النوم اخذة نصف كوب زيت السمسم وملعقتين عسل اصلي (يمني)ورحة انام وقبل اذان الفجر بشوي صحيت من النوم على الآم مثل الي تجيني كل يوم مافي جديد فيها الين قبل صلاة الفجر بشوي انزادة شويه وزوجي رايح يصلي الفجر قلة له لاتتأخر صلي بسرعه وارجع على طول وبعد صلاة الفجر اخذني على المستشفى ومعاي كوب عسل طبيعي وقرشه فيها ماء زمزم مقروء فيها ايات تسهيل الولاده وانا في السياره كانت تجيني شوي عصرات في بطني وما نزل لي اي شي لادم ولا ماي قمت وشربت العسل وبعدها بشوي شربت من الماي وانا طول الطريق وانا اقرأ سورة الزلزله والمعوذات وادعية تسهيل الولاده الين وصلة المستشفى وكشفت علي الدكتوره قالت مفتوحه خمسه سانتي وان ارتجف من الخوف لكن تذكرت موضوع الله يجزي كاتبته الخير ان الخوف يأخر الولاده والمفروض الاسترخاء واخذ نفس اثناء الالآم وعملت بالنصيحه ووكلة امري لله وحطوني على سرير الولاده وانا طول الوقت وانا ذكري بالله ومسحة على بطني بالماء المقروء واسترخيت وكل ما حسيت الالم انزاد اخذة نفس عميق بالاكسجين والله انه يريح, دخلة غرفة الولاده الساعه الخامسه صباحآ بعد ساعه ونصف ولدة حتى السستر الي ولدتني اتفاجأت اول ما حسيت انفجار كيس الماي ناديت عليها وشافتني جعدة تصيح على سستر تجي تساعدها بسرعه وقالت ماما خلاص البيبي طالع الحين يجي وانا والله مو مصدقه وتقول ماما خلاص اعصري بيبي جاي وانا اول ماسمعت على طول عصرت وكنت اسمع لنصايحها متى ما قالت اعصري اعصر والحمد لله الولاده كانت ميسره لكن الحمل تعبني كثير حتى اعتزلت الناس لكن الله كريم

يمكن طولت عليكم بس حبيت انكم تعرفون القصه وتستفيدون منها وانا والله اكتب لكم على عجله وباختصار عبد العزيز الله يحفظه جاعد يصيح