سؤال مصيري

هلا يا اختي انا والله مدري بس كنت ابغى ارفع موضوعك







للرفع

هلا اختي .. انا مااعرف تكسير دهوون يعني ايش ..

وانشالله البنات يساادوش

للبنات اللي ما يعرفون شو يعني تكسير


تكسير الدهون :
التدليك لتخفيف الوزن:
إن عملية التدليك التي تصاحب استعمال المضادات تعمل على تكسير الدهون المحبوسة في مجمعات السيلوليت، وتخفف من ظهورها باستخدام أجهزه متطوره في مراكز التجميل.

وتكسير الدهون يختلف تماما عن شفط الدهون

فأتمنى اللي جربت او سمعت احد مجربه تفيدنا

والسلام عليكم

السلام عليكم

اختي الغاليه DonaDream
بصراحه انا ماادري اذا التكسير من الناحيه الطبيه زين ولالا.... عشان جذي بترك الامر للاخت لينا والمشرفه...

بس انا بقولج عن تجربه وحده اعرفها وانصدمت بصراحه من عرفت قصت اخت زوجها ..

تقول عن اخت زوجها كانت بعافيه بشكل كبير ومتينه وخصوصا البطن والارداف وكانت هالبنت تسوق سياره ولاتقدر تحط حزام الامان وكان طالع عندنا للي مايحطه يدفع غرامه ...المهم تقول مره من المرات طلعت مع اخت زوجها والشرطي وقفها وقالها ليش مو حاطه الحزام وعليج مخالفه اهني البنت اللي تسوق صرخت عليه وقالت له انت ماتشوف مااقدر احطه لانه يضغط علي ولا على قياسي ويخنقني والله يابنات تقول هالكلام وتروح عن الشرطي (قمة الاحرااااااااااااج )واهو مفهي ومستغرب من ردها ومرات تكسر خاطره بس البنت تروح واهي معصبه ليش يحرجها ويفشلها جذي تقول اصلا بطنها واردافها من كبرهم يعني زانطينها بالسكان ( ماعرف يعني شنو سكان بالاماراتي :( )المهم عاد تقولي صديقتي والله لوتشوفونها وكل مره احد يوقفها ويسئلها عن الحزام ياتها حاله نفسيه منهم وكل مره تعصب وترد عليهم تقولهم وين احط هالحزام وتخليهم وتروح ( والله لو انا مكانها بصيح وبقعد بوسط الشارع هههههههههههه)

المهم مره من المرات راحت هالبنت مكان لتكسير الدهون ( المساج الصيني ) وبعد شهر صارت رشيييييييييييقه والاهم لابطن عندها ولا ارداف ...... وااااااااااااااااااااااااااااااااااااو وصارت تلبس بناطلين وبديات وقبل ماتحصل جلابيات على قياسها والاهم صارت تحط حزام الامان بالسياره و تقولنا والله صارت تحط رجولها مثل عارضات الازياء ملمومات واهي تسوق السياره وقبل تقولنا والله كل رجل ابعد من الثانيه وبينهم متر والحين تلبس قياسات صغيره وكل هذي من التكسير تقول لاسوت رياضه ولاشي اعتمدت على التكسير والتخفيف بالاكل.. وكانت تقول التكسير عباره على تقرص بجسمها وخاصه الاماكن اللي فيها تراكم دهون ..
هذي عن تجربت صديقتي وحماتها مع تكسير الدهون وسلامتكم

اقوووووووول اذا صار وجربتي قولي لنا كل شي بالتفصيل الممل .... نموت بالسوالف هذي احنا يالحريم ههههههههههههه


اسمحيلي طولت عليج


تحياتي لج وللجميع

نوارة قطر

انا سمعت ان كثير نحفوا عليه

نوارة قطر :


الله !!!!!!!! القصة إلي ذكرتينها فرحتني واااااايد ههههههههه شكلي لازم اجرب هالمراكز الصينية ... انا مشكلتي اردافي :( وفخوذي .. من قعدت البيت كبروا -_______- الحمدالله و الشكر.

نوارة قطر :
تسلمييين على القصه الحلووه واللي تعطي امل :D

بس ماعليييج امرر بغيت اسم المركز اذا ممكن

يعطيج العافيه

مرحبا حبيبتي ماودي احبطك بس انا استخدمته شهر يوم ورا يوم مع دايت الصراحه نقصي ماكان واضح
بس انا جسمي صعب فظيع ماينزل يعني على حسب الجسم وعارفه كل مازاد الوزن صار اسهل ينقص

لان كان فيه وحده معي نقصت 12 كيلو يعني فرق بيني وبينها موطبيعي ماشالله عليها
بس ماادري انتي تقصدين اللي بجهاز تكسير الدهون ومعاه طحالب بحريه اذا هو فهذا اللي استخدمته وحبيت افيدك بتجربتي

السلام عليكم

الف الف شكر لكل اللي ردوا والله يجزيهم الف خير يا رب

نوارة قطر
تسلمين على القصه وشجعتني وايد بس المشكله اني احاتي الضرر الصحي من تكسير الدهون :confused:



anno

هيه حبيبتي أنا أقصد تكسير الدهون باستخدام الأجهزة بس الغريبه ان تكسير الدهون يكون من مرتين او ثلاث مرات بالاسبوع وانتي تقولين كل يوم

ليكون تقصدين شي ثاني وانا فاهمه غلط :eek2:

واللي تعرف اسم مركز في ابوظبي متخصص بتكسير الدهون واللي يعافيكم لا تبخل علينا

الله يوفقكم

أختكم

DonaDream

نواره قطر القصه حلوه وايد

بس انا بصراحه ماعندي فكره عن الموضوع

يا بنات واللي يعافيكم اللي عندها اي فكره عن الموضوع او تقدر تسأل مصدر موثوق لا تقصر وانا اعرفكم فيكم العشم والله

المشكله اني سمعت وحده من عائلتنا سوت تكسير دهون وقالوا انها ضعفت وسرت المركز اللي كانت تداوم فيه بس بعدني حاسه ان له اضرار صحيه

وانا ملجتي عقب شهرين وابي اشيل السيليولايت اللي عندي

انتظر ردودكم

أختكم دونادريم

فعلا قصة روعة ليتني بطلتها وخفيت وصار جسمي مثل عارضات الازياء

نـوارة قطــر

ياليت تسألين لي عن مكان هالمركـز ابيه ضروري
وللمعلوميه يا بنات تكسير الدهون هو مساج المطربات والممثلاث ما يستغنون عنه
وفي صالون دنيال قالت وحده من الموظفات لصديقتى ان اليسا وهيفاء ما يستغنون عنه
اهميته بالنسبه لهم زى اهميه الأكل والشرب لانه بكا بساطه ينحت الجسم وينسقه

بس المشكله انا ابي مكان يكون ثقه في قطـر علشان اروح له
فياليت نوره تساعدينى وتدلينى على المركز اللي راحت له البنت صاحبه القصه

هــــــــــــــــــلا بنات عندكم فكرة اذا في البحرين عندهم تكسير الدهون

أكون شاكر لكم

ياليت تسالين عشان اخبر امي عن مكانهم واللي اعرفه ان تكسير الدهون هو ال بي جي اله تساعد على توزيع الدهون في الجسم فيبين انحف ويروح السوليلايت

يا بنات عروس الخليج

أنا سألت عن تكسير الدهون مو عشان الكل يجربه

نبي نعرف بالأول أضراره قبل منافعه وخاصة في المستقبل

ما نبي نندم بعدين ونقول يا ريتنا ما سوينا ولا حتى فكرنا

فيا أخواتي اللي تعرف أحد ممكن يفيدنا لا تبخل علينا

واللي تعرف مكان خاص لتكسير الدهون في أبوظبي تطرشلي على الخاص وأكون شاكره وداعيه لها من كل قلبي

تحياتي

يمكن تقصدون جهاز lpg

ال بي جي

وهو ينفع لتنسيق شكل الجسم يعني لو عندك ارادف وسيلوليت يشله ويرتب الشكل
وينقص القياسات نتيجة انه الدهون تتجمع بشكل جيد
بس يحتاج تخفيف في الاكل وايضاا رياضه او مشي

ويستلزم عدة جلسات

وهذا الجهاز يكون مكمل للي مسوين عمليات الشفط الدهون

طيب هو نفسه يعني الجهاز اللي مسوي زي المكنسة ويشفط؟؟ ويساوي الدهون تحته؟

يعني أتوكل على الله وأجرب؟؟

وأقولكم بالضبط شو يسوي بالجسم

أدعولي