معانةطفلة مع شعرهاتكفون ساعدوها

خليك على طبيعتك >> أمزح

سألي عن زيت الحية كمبوكوووووول

عند الصيدلية لا تنسين وين >>> عند الصيدلية

هو مثل الكرستال بس الكرستال :down: تقليد ما يفيدج

ولا تنسييييييين حمامات الزيت

لأن شعري ناعم بس أندومي على قولتج :smile:

وبس

بسم الله الرحمن الرحيم اختي لا تنزعجين من هذي المشكله شعر بنتي مثل شعر بنتك وانا استخدم لها بعد الحمام كريم بالمرز لكن طولت شعرها والحين ارفع شعرها بالاستك وادهنلها الكريم ووالله يطلع حلو مره جربي وان شاء الله يفيدها الله يخليها يارب حتي لو شعرها اندومي علي قولتك او اي شيء الحمد لله

مرحبا اختي انا مع اختي نانوشه اختي كانت نفس الحكايه وباستمرار امي استخدمت بالمرزواللحين ماشاءالله شعرها كل من يشوفها يسمي عليها محد يتخيل ان شعرها صار هالشكل ناعم وطويل حيل وكله قطعه وحده
اتمنى اكون ساعدتك يالغاليه

مشكورين ياقلبي على المروربس تعقدت منةواللة يابنات الطلعات والزواجات كلة باند ولا قبعة واذاشافت الي في سنهايرققصون قالت لي شيلية ابرقص ايش اشيل فضايح تكفون ساعدوني وين البقية اقل شي قولو رايكم مع الفرد

بنـــــــــــــــــــــــــــــــــــــــــــــــــــــــــــــــــــــــــــــــــــــــات ويـــــــــــــــــــــــــــــــــــــــــــــــــــــــــــــنكم ردو علي

السلام عليكم ورحمة الله وبركاته اختي لاتتضايقين ولاشي اناحاسه بمعاناتك لان شعربنتي كان مثله واشتغلت لهاحناءوزيت ولاعادقصيته والحين تعالي شوفي بسم الله عليهاشعرهايهبل بس اهم شي لاتحسسيهاان فيه شي تتعقدبعدين في قريح الشعر اهم شي الاموووووووووووووره الله يخليهالك

استخدمي زيت الخروع باستمرار والكثيرة تنعم الشعر بصوره رهيبة وحرام تستخدميلها التمليس بهالعمر والله يخليها لج انشاء الله

[CENTER]الله ينعم شعرها ان شاء الله

كله دهني شعرها دايما وخليها تكبر اشوي توها سنتين وبتحوسينها حوس

والله انا اعرف وحده تدهن في شوشةشوووووووشه بنتها لين ما غدى طويل ماشاء الله

كل من شافه انهبل عليه و كل يوم تدهنه وتعكفه (ظفيره) وصار ناعم ما شاء الله

حرام عليج ..

عزيزتى

بنت اختى شعرها لم يبدأ فى الطول الا بعد الرابعة و هى الان فى الثامنة شعرها ثقيل و الى وسطها

و نصيحة البنوتة صغيرة و راسها رقيق ...فلا تكثرى من هذه الخلطات و التدليك على راسها الا عندما تكبر قليلا

و سلام

والله انا بنت خالي الصغيرة جذي شعرها
مع الاهتمام والزيوت وبالذات خلطة جدايل من القرشي و خلطة كتيرا صار شعرها يهبل ( الشعر الغجري المجنون)
جربي خلطة كتيرااا

السلام عليكم

حراام لا تفردين شعر بنتك توها صغييرة ..

خليك على خلطة واحدة واستمري عليها وإن شاء الله يتحسن شعرها

تحيااااتي ،،،

مشكورةبنات على المرور جزاكم الله الف خير بس برضه متعقده منه اختي شواقي الحلوة صدق انك حلوةبسسسسسسسسسسسس
موان الي اعقدها المجتمع الي حولي هما الي يضحكون ومسوينها مضحكة وبلا خير يقولو مزح لية تتضايقين ابي حل بليز على انالاخوات الله يجزاهم خير ماقصرو

حرام عليج ياعزيزتي بتعقدين البنت وهي طفلة واللة ان الشعر الكيرلي احلى من الناعم أنا بنتي شعرها ناعم زبدة ومجنني ماعرف شو اسوي فيه
الحمدلله على كل حال

السلام عليكم

انا عندي لج الحل

ترا الحل سهل ولا يبيله غير الصبر ...... هاااااااااا فيج حيل تصبرين؟؟؟؟؟؟؟

عليج بالزيت واذا بتسوينه بنفسج افضل تخلطين زيت الخروع مع زيت انوب مع زيت البراشوت وبس لاتكثرين بالزيوت كفايه 3 انواع وكل يوم وترك حطي بشعرها بس دفي الزيت قبل لاتحطينه ودلكي فروه راسها اشوي واهم شي ظفري شعرها ( احنا نقول عكفي ولا عجفي ) خليه بشعرها فتره وبعدين غسليه عادي.وحتى لو كان ماينلم حاولي تسوين كذا ظفيره .

ممكن تحطين حنا بشعرها ترا الحنه زين بس كل اسبوع مره لاتكثرين لانها توها صغيره .

بعد ماتغسلين شعرها حطي لها نقطه من الكرستال ولاتكثرين عشان مايبين شعرها مدهن .

خلي شعرها يطول لاتقصينه لان الشعر القصير صعب تخشين التلفلف فيه واما الشعر الطويل تقدرين بسهوله.

تدرين موضه السنه هذي الشعر الكيرلي !!!! يعني اخذي لها ربطه ولا حركه لشعرها وارفعيه لها واهو على طبيعته الكل بينجن عليه خصوصا حلو هالشي على الصغار ..شوفي دعايات بيبي جونسون وشلون شعر البنات فيه مرات يحطون بنات شعورهم مجعده ويطلعون يهبلون ....

الله يحفظ بنتج بس مثل ماقلت لج اهم شي الصبر وبتنحل مشكلتج باذن الله


تحياتي لج وللجميع


نوارة قطر

أنا بنت أختي شعرها جذي استخدمة البنتها كريم الفرد والله بدا شعرها يتساقط وعمرها 6 سنوات
وأنا عندي خبره عن كريم الفرد ما يصلح لبنتك توها صغيره

الله يهداج بس انتي مكبرة السالفه و هي ما تستاهل ,, اصلا ما في احلى من شعر الاندومي ^____^ والله ان بنتج محظوظه ,, غيرها يتمنى ومب طايل ,,, بس بيكون شعرها تحفه لو كان ناعم ,,, انا بقولج شي ,, قبل ما تغسلين شعر بنتج حطيلها زيت دابر املا ,, لا اتقولين ريحته وما دري شو ... انا مانصحتج فيه عشان الطول و الغلاظه ,, لانه غني عن التعريف في هذا المجال :smile: بس والله انه ممتااااااااااااااااااااااااااااااااااااااااااز في التنعيم و اتحدى ما ينفع بنتج ^___^ ... المهم خليه 6 ساعات على الاقل و بعدين اغسلي شعرها وعقب ما اتنشفينه حطيلها كريم باراشوت ,, ريحته روووووووووووووووووعه بتغطي على ريحة دابر املا و في نفس الوقت بيرطب شعرها ,, بس نصيحة لا اتكثرين من الكريم مجرد مسحه على الشعر .... يالله شدي حيلج اباج تمدحين شعر بنتج المرة اليايه ...

تحياتي

مرااااااااااااااااااااااااااااااحب بنات والله فرحتي ماتوصف بتفاعلكم مع بنتي وردودكم اختي Cute_Barbie ليش الكريم ماكثره عليها ولي يعرف من البنات ايش السبب من كثرة الكريم

بس انا والله يابنات دايماً عليها زيت واحممها وبعدة كريم بس مافي فايدة :down::mad2::cry::cry::cry::cry:ابي تفاعل وحلول اكثر بنات تكفون لاتطنشوني

اختي انا حاسه بمعاناتك لاني اعاني نفس الشي مع بنتي عمرها 3 سنوات والمصيبه ان كل اهلي واهل ابوها شعر ناعم سايح والبنت طالعه بينهم غير
والله كل مااروح مكان الكل يسئلني ليه شعرها كذا غيركم تخيلي وحده كانت تناظرها ساعه بعدها قالت صحيح لقالو ماكامل غير وجهه انقهرت من كلمتها وقلت لها تكبر ويتغير انا بعمرها كنت كذا وبعدين صار سايح ...بس الي يعرفوني من كنت صغيره وش اقولهم لاسكتهم وفعلا الوضع صار لايطاق الكل يسئل والبنت كبرت وتسمع الكلام بوجهها اخر مره جمعة نسوان ودخلت بنتي كلهم جمدو يقولون وش ذا الشعر كانه زغب على راسها والله اعجوبه بنتك بالنسبه لك ماخذت شعرك البنت قامت تصيح وانقهرت ...وتقولون ليه تكبرون الموضوع
وحطيت لها كل شي كثيره وحمامات زيت وزيوت ومافاد لازال ريش طاير ((ماودي اعقدك لكن هذي الحقيقه))
وربي اول ماامشطه روووووووووووعه ناعم ومرتب دقايق وتلاقينه طاير من كل جهه
احترت وش اسوي معها وخايفه تتعقد لوصارو اخوانها شعورهم ناعمه وهي لا
المشكله ان حتى الاطفال من العائله صارو يقولون لها ليه شعرك كذا وقبل ايام اختي الصغيره ترقص وتغني وتقول شعر (لولو) فلافل
شعرها كشه طاحت عليها العشه ههههههههه
وش اسوي مابقى شي ماستخدمته حتى العطار رحت له وقلت له ابي شي يفرد الشعر وماابي زيوت هزئني وقال خافي الله هذي طفله والبنت مثل القمر مايضرها شعرها خصوصا ان شعرها اشقر فاتح ورجعت انفض ايديني
والكل يقولي مكبره السالفه وانا محتاره وفرحت اني لقيت احد يحس بنفس معناتي ويفكر نفس تفكيري
على فكره انا ناويه اطوله ولو ان شعرها خفيف جدا وقليل بس اقول خليها تحس بثقه وتميز عن البنات اذا صار شعرها طويل
تحياتي

السلام عليكم ورحمة الله وبركاته ريتااااااااج انتي ياعمري الحلاكللللله ياعمري انتي وكيلوعسل لاتعقدون بنياتكم حسسوهم ان الامرطبيعي وانكم وانتوابسنهم كاااااان شعركم كذامايخالف كذب مباااااااااح:yes::yes:وبعدين روحواسلمكم الله لااقرب ابوريالين وياااااااكثرهم ثمن جيبواالمطاطات الصغنونه عرفتوهااللي تجي كثيييييييره بكيس بعضهاملون وبعضهالون ابيض ثمن سموبالرحمن وقربوابنياتكم والمشط وطاسه فيهامويه ثمن يالله اشتغلوافي المخطط ربطوامع كل جهه وخليهادامكم بالبيت كذذذذذذذذذاواذابغيتواتفكون المخطط بمقص الاظافر لاتحاولون تفكون عااااادي لاعشاااان هالمطاط اقشريكسرالشعربسسسسس وسلامتكم ولاتنسون الزيت قبل كل ترويشه وابعدواعن فكرة الفردنهائئئئئئئئئئئئئئئئئئي حراااام توهم صغاااار اسفه على القرقه الواجد:yes::yes:بسسسس والله حاسه فيكم ولاتنسوني من الدعاء اذازانت شعور الامورات