معقولة بكل المنتديات مافية ولاوحدة

أنا من الشرقية

سلام

حبيت اعطيج فكرة اختي

يمكن تعجبج او يمكن لا

على راحتج

بس يا انج تسوين لج موديل ساري اخضر للملكة بيكون موديله تنورة اذا حابه تطلعين بطنج واذا ما حبه عادي الموديل بيظل حلو وكشخه مع قميض يد قصيرة اذا كنت مستحية اشوي بالإظافه الى شال وطبعا على نوعيه الساري اللي بتختارينه يعتمد على الذوق

والاكسسوار احب يكون اشياء هنديه مثل مضاعد هنود كرحات جذي يعني وبتكون صورتج حلوة وايد
وانصحج قبل الملكه تروحين اتصورين لانج بتطلعين كشخه حيل حتى ولو بدونه معليش صوري ترى احلى الذكريات تنحفر في الصور

او اعطيج موديل ثاني الا وهو بنطلون وسيع بيكون ايضا من قطعه ساري باختيارج وافضل انها تكون اخضر يعني لون حلو مو فاقع يبط العين ههه مع بنجابي ( يعني قميص فيه شقين من الجانبين وبيكون طويل وبه كلر فوق صيني اشوي ويطلع روعة والازرة بتكون في الوسط لحد طويل بس ايكون معقول اشوي بحين انها تكون متلاصقه مع بعضها البعض واذا حبيتي تطلعين بطنج بفتحه صغيرة من دون ازرار في اخر القميص وان ما حبيتي على راحتج ترى الموديل حلو بس خسارة ما معي صورة له واليد تكون قصيرة حده او بدون يد يعني جمبنيز وبتكونيني ولا اورع

واذا ما حبيتي كل اللي قلته لج فبإمكانج تروحين وتفترين في السوق لشي جاهز ان كان ما يمديج اتسوين شي بس على فكر الشايع الحين الاستايل الهندي يطلع روعه عليج
واتمنى تستفيدين

ان قريتي الموضوع ردي علي الله يخليج وطمنيني

واسفه ليش اني نسيت

الف الف مبروك
وعقبالي بعدج ان شاء الله

:o

مبروك حبيبتي

انا سويت فستان ملكه كلمه فخم ماتكفيه

بجد رووووووعه وليت عندي كاميرا اصوره لك وارسله بالمره بس للاسف ماعندي :)

اما بخصوص اني اوصف موديله ماعرف عيوني :( لكن بساعدك

اذا تبين تسوين شي فخم وراقي جداً وماتتعبين نفسك بالتفكير روحي خياط كيدي بالبحرين وبيساعدك :)

شيوديني البحرين حاولي توصفينة لونة شكلة أي شي عنة وأنتي من وين وبالنسبة للساري لاماأبي أبي فستان أحلى

للاسف ماعرف اوصف بس صبري برجع لك بموديلات حلوه من النت وطولي بالك توك باول الخير اذا الملكه بتزعلين جذي اجل بالعرس شبتسوين ^_^

يووووو لاماأبي الا موديل فستانك :pain:

شوفي الغاليه

انا قلت لك صعب اوصف موديلي لان الخياط سوا شي من ولا شي ،،

يعني جاب الله يسلمك 7 اقمشه مختلفه عن بعض بس كلهااااا الوانها على الموضه وخامتها تتناسب " بس ماتتشابه "

الوان الفستان تلعب بين البرتقالي والوردي والفوشي والبنفسج الفاتح وتدرجات رهيبه اوكي ..

الخامات ماعرف اساميها بس فيها تول واورجنزا يمكن .. وفيه تول غريب تدخل فيه عروق لونها فضيه وهو لونه فوشي + وقماش برتقالي هندي + قماش لامع نوع ثاني مدري المهم حوسه اقمشه ،، الصدر من فوق امممممممم اخذ قماش تول ورسم عليه وشكه لي كله // بالمحل على ذوقه ودخل فيه الوان وانواع خرز بدعه مو طبيعيه .. بس شك ناعم وراااااااااااااايق وغريب ،، دخل بينهم لون اخضر على شكل زخارف خفيفه ،،
الفستان مكشوف من فوق ،، ومن عند الخصر ومن على جهه اليمين تبتدي الطبقات ،، اول طبقه اللي هي الاساسيه // اخذ القماش الفوشي اللي فيه عروق فضيه و وسوا عليه وروووووود كبيره بالاقمشه البرتقالي الالمع والهندي وقماش نوع ثالث فيه لون بنفسج ،، الطبقات سوا طلعت لونها رهيب ،، قطع اطرافها وطلع الخيوط بشكل مقطع حلو مره ،، وطرف الورده من تحت شكله لي .. تخيلي هالورده مكرره وعقبها تجي من فوق ثنيات صغيره ع الخصر وتكبر وتكبر لين تصير هي القطعه الفوقيه للفستان وتكون الذيل ويكون الذيل طويل وفخم فيه عروق بالطول من انواع الخرز وناعمه .. الذيل مقطوع من النص بالطول طبعاً ومثنى ومخيط على بعضه فصايره حركه غريبه ،، القماش حق الذيل هذا تفتا هندي فوشي ،، ومن تحته طبقات من الاقشمه متموجه..


الحين انا متاكده انك مافهمتي شي عشان كذا ماكنت متحمسه اوصفه .. غير كذا الفستان تراه مره راقي وفخم ونااااااااااااااااعم لايغرك الوصف وتتخيلينه دفش .. بالعكس لو دفش او ثقيل ماخذته بس تعرفين الفستاين اللي نشوفها في العرض ماتعرفين من وين تبدى ووين تنتهي .. فستاني بلا مبالغه كذا ^_^

وبس حبيبتي .. يارب اكون افدتك ...

انا كان ناعم وراقي وكشخه شريته من فيوليت بالكويت ...

أنا تحمست أكثر أشوفة طيب حاولي تصورينة وتحطينة لي تكفييييييييييييييييين وأنتي وين سويتية بس حسيت أنة فية أللوان واجد والخطوبة ماأتوقع بنفع لة أللوان واجد والا شرايك

حبيبتي شموخ يدي بيدك وراح اساعدك

أنتي تامرين أمر بس عطيني يومين وراح اصرف نفسي وأموري
راح أجيب لك موديلات تعجبكإنشاء الله

وراح أصور فساتين أهلي وأعرضها لك
واذا أنتي تقدرين تجينالشرقية راح اعطيك أسامي محلات إنشاء الله تحصلين فيها
ها أيش رايك

مشكورة تسلمين بس أنا من الشرقية الدمام

تتشرف الشرقية بوحدة مثلك
وانا كمان من الشرقية الأحساء
بس راح أساعدك ولايهمك
بسودي أعرف أيش الشىء اللي تفضلينة في الفستان عشان اقدر أساعدك وأشوف لك محل كذ ولاممصمم

أنا أفضل الشي الغريب والحركات الغريبة واللي مو مكررة وماأحب النااااااااعم مرة العادي يعني ووووويعني أحب الشي الغريب

وأبغاة تكون في قصات وأقمشة كثيرة يعني هي اللي تنفشة وودي أكثر من قماش أدخل مو نوع واحد أنا شفت قماش مرة عجبني بس ماشريتة خفت وترددت لونة ليموني على فستقي وودي احط تحتة عشبي بي أبي لة موديل روعة وودي أدخل القماش المكسر أحس حلو يعني أبية يكون غريب شكلي عقدت المسـألة اللحين بتهربين عني :)

طيب مايصيرخاطرك الا طيب أبشري ياشيخة البنات

طيب شموخ صح لقيتها

فية وحدة معي تدرس فس المعهد كذا كان غستان خطوبتها كان كلة دفغش وكلة وردوحركات وأقمشة ومادري كيف
بشوف اذا رضت تسوي صورة وتعطيني أياه بس ماأوعدك
هيفصلتة في الدمام ولونة برتقالي والعقد كان ورد زيكذا وحركات
بس بصراحة يهبل جنان

شموخ هلا عيوني :)

ياليت اقدر اصوره لك كان ماتاخرت دقيقه بس عمري والله ماعندي كاميرا :(

الشي الثاني انا فصلته عند كيدي بالبحرين وبالتحديد بالرفاع ،، وفصلت معه فستان ثاني طلعو رووووووووووووووووعه رقي مب صاحي .. فستان خطوبتي كان بـ 6000 بس عطاني اياه بنص السعر لان كان مفصله وخالص منه بس ماجو يستلمونه وانا عجبني وقلت مابعور راسي بالدواره وقايسته وطلع عدل وعيا ينزل لي سعره عن الاربعه الاف بعدين بالموت اقتنع وعطاني اياه بـ 3000 بس والله يستاهل لانه روووووووعه ..
اما فستاني الثاني فخيطته لزواج بنت اختي والحمد لله في ذاك الزواج بالتحديد الكل اجمع ان ارقى فستانين كان فستاني وفستان اخت المعرس ^_^ عاد دوريني ماتلقيني هع هع


على كل حال انا من الدمام بعد بس كانت عندي روحه البحرين سهله ^_^

اوكي حبيببتي أستناك جزاك اللة كل خير