ساعدونى ابى مشوره

هذي والله مشكلة يا أختي
مادري شقولج لأن محد عارف شنهي مشكلته!!

الله يفرج الكربة ياا اختي :(
ادعي لهم في الثلث الأخير من الليل و بصلاتج و بقيامج
وبندعي لهم معاج
ربي يهدي سرهم و يفرج همومهم و يوفقهم و يسعدهم والله يتمم عليها الحمل بخير و بصحة ويفرح قلبج فيها ياااا رب
اللهم آمين
اللهم آمين
اللهم آمين

الله يفرجها عنكم يارب
والله ودي اساعدج بس المشكلة ان اهلة مب واقفين وياكم استغرب كيف جذية لاازم الوالد يدخل في الموضوع خاصة بنتج حامل وهالش بيأثر في الجنين لاا سمح الله
اذا شفتو ماشي حل خلااص خلة الريال في حالة لين ما يهدا وضعة ويرجع
الله يعينكم يارب

أختي الكريمة

الله يفرج كربكم ويزيل همكم وترجع الأمور لمسارها الطبيعي

لكن فعلا القضية غير مفهومة .. لماذا يتصرف هكذا وصار الموضوع أكثر تعقيدا بعد حمل البنت

ابعثي له واحد من الشباب .. ابنك ولا واحد من العائلة يمسكه ويفهم منه الموضوع

وإذا بده البنت ولا متهرب منها ولا عنده مشكلة

إذا كان كلامه غير واضح خلي واحد يراقبه من الصبح لليل ويفهم تحركاته ووين يروح ومن وين يرجع

أعملوا وراه مخابرات (طبعا إنتوا مش الشرطة) وشوفوا أصدقاؤه وافهموا منهم شو موضوعه

لو ما بده اياها يحكي بس ما يترك الموضوع معلق

ربنا يهديكم للخير ويبعد عنكم الشر

لا تحزني عزيزتي عسى أن تكرهوا شيئا وهو خير لكم

طمنينا عنكم عزيزتي

[CENTER]

شي يحير فعلا ..... بس اكيد فيه شي ... حاولي تقعدين مع بنتج وتسألينها يجوز في شي ومخبيته عليج لأنها تظل زوجته وتعرف عنه أشياء انتوا ما تعرفونها ..... وانا اشوف انه اذا لها اخ بمثل عمرها وعمر زوجها يحاول يتدخل ويقرب لزوجها وبشوفه شنو اللي بخاطره ويحاول يحل المسائل لأنه أحيان الشباب يأثرون في بعض .

وانتي عليج بالصبر وحاولي ماتخلين هالشي يأثر على بنتج خصوصا انها حامل والتوتر مو زين عليها

والدعاء ثم الدعاء ..... إنه لا يرد القدر إلا الدعاء

بالتوفيق ان شاء الله


رحيل

الله يكون في العون يمكن الريال عنده مشكله نفسيه لأن تصرفه مو طبيعي كيف يترك زوجته حبيبته
وأم عياله عزيزتي كل حرمه تعرف سر زوجها أنا شاكه أن بنتج تعرف شو السبب حاولي تعرفين
منها وبعدين دوري حل
الله يوفجكم ويطمن بالكم

انا ما اعتقد ان البنت تعرف السبب

لاني اعرف وحده لليوم ما تعرف سبب طلاقها على ان زوجها بنفسه يقول عجزت و انا ادور عليها غلطه بس ما لقيت

لكن الله يستر من هالرجال..

نصيحتي لك نفس ما قالت وحده من البنات يروح اخو البنت او ابوها و يمسكه و يقعد معه زين و يفهم وش السالفه

صدقيني صدقيني لا تسكتون بس كذا يروح عمر البنت على الفاضي شوفوا وش قصته يبيها ولا لا يعلقها كذا حرررااااام

البنت اللي اعرفها قعدت فتره و هي تقول يا ناس كلموه شوفوا وش القصه و كل يقول لها اصبري شوي

يمكن مضغوط يمكن .....و......

و اخرتها وصلت ورقه الطلاق من دون ما تعرف ليش و لليوم تصيح تقول يا ليتي ما سمعت كلامكم يا ليت احد سأله ليش

و بسسسسس هذا رايي

اشكر تجاوبكم..للاسف الرجل كتوم جدا وماهو راضى ينفتح لاى احد..كلمه اخوى لانه يحترمه وايضا ماقدر يفهم منه شى..الا انه قد يكون يشرب لان كل اصدقائه يشربون وخربانين وهو معهم وما ينكر عليهم ودائما يتكلم للبنت انه شى عادى لان بامريكا كانو يشربون وبنتى انكرت عليه هذا الشى وبقوة فشكله خاف انه مايقدر يجيبه للبيت لانه خايف من رده فعلها وايضا الصلاه احيانا كثيره مايصلى...وهى المسكينه تحاول به بالصلاه وجاء شى العن من ترك الصلاه..وللسف هم من عائله متدينه واحوانه بعضهم مطاوعه والقهر هذا اللى خلانا نغتر فيه انه يمكن مثل اخوانه..وزوجى لا يريد ان ترجع له ابد لكن هو خايف على البنت لانها حامل وايضا اخر سنه بالكليه والحين فتره امتحانات وهى ممتازه لكن الحظ الله يعين...دعواتكم لنا..

عزيزتي صدق مشكلة بس انتي كأم للبنت اهتمي ببنتك لا تحسسيها ان في مشكلة وانك متضايقة عشان تخففي عليها وخصوصآ انها حامل يعني هوني عليها قولي ليها احنا ربيناكي وكبرناكي وما بنعجز عنك وانتي كبيرة وانتي بعيونه عشان تحس ان لها ظهر تستند عليه وثاني شي ياريت لو تتحاملي علي نفسك وتروحي انتي وزوجك لبيت عائلة الولد وتكلمونهم بالطيب انكم تبون تعرفون ليش الولد ايسوي جدي شنو سبب تصرفه اخذوهم بالطيب من غير عصبية انكم مو عجزانين عن البنت بس من حقكم تعرفون السبب لتصرفاته وشوفي يمكن هالخطوة اتجيب نتيجة ادري ان هالخطوة صعبة بس ما عليش تحاملوا علي نفسكم عشان البنت اذا ما صار في فايدة اسكتوا اشوي عن الموضوع ساعات الحنة وايد علي راس الزوج مالها فايدة اسكتوا عنه يمكن هو محتاج وقت وفي نفس الوقت لا تخلي شي في نفس البنت الا وتسوينه لها عشان ما تفتقد زوجها او تفكر فيه وعسي يصير خير واتمني من قلبي الله يوفقكم ويبعد عنكم كل سؤ او اذي عزيزتي اخوي الأكبر مرة بنفس المشكلة وسوي نفس الشي عقب ما راح لأهل الولد ابدوا اسفهم وانهم زعلانين علي اللي صار وقعدوا يضغطون علي زوج البنت ويخانقونه وبعدين سكتوا عنه خلوه ياخذ وقت اخذ مدة شهر ابروحه رجع واتأسف واخذ زوجته والحمدلله الأمور ماشية تمام الله يفرج لكم فرج عاجل كلمح البصر او هو اقرب من ذلك

وايضاالبنت اللى قاهرها انه ما بينهم اى شئ وعلاقتهم كويسه وببدايه المشكله قال لها انتى ما حصل احسن منك وبيض الله وجهك لكن المشكله فيه هو والان مهما اتصلت او ارسلت له لا يرد لاعليها ولا علينا..والان هى ماعد لها اى اتصال به ولا فينا وحواره فقط مع خاله وايضا ما نتقدر نقول لحاله انه يمكن يشرب..واخوانه ماستبعدو ذلك والان هم زى اللى غسلو يدهم منه يعنى مالهم دخل فيه ماقدروا عليه..ووالده متوفى وكان شديد ..واخوانه للاسف مايحلون ولا يربطون بعد ابوهم وعلاقتهم معه من زمان اقل من العاديه..وبنتى تفكر ان ترسل له وتخبره انها عرفت وش فيه بس اخاف مايرد او يظن انها تعتقد الامر عادى دلونى

الله يستر والله يكون بعونكم..

الحالة واضحة جدا انها نفسيةلاسمح الله يمكن تكون عين او سحر..حاولوا تنصحونه يقرأ سورة البقرة كل يوم..



الله معك

الله يفرج همج اختي وهج الشموع ... وكلي امرج لله وثقي ان الله هو الي بيفرج الهم هذا ... الله يخليج ويخليلج بنتج ويرجعها ان شاء الله لبيت زوجها لا تهتمين وايد في السالفه انا عارفه انه صعب .. لكن فكري لو بنتج حست انج متضايقه الكثر هذا هي امكن تتعب ولا تنسين انها حامل .... وبعدين التفكير يخلي الانسان مو طبيعي .. وكلي امرج لله والحي على الله بالدعاء وخلي بنتج تسوي نفس الشي والحمدلله انها تدرس يعني شي يخليها تلتهي شوي عن التفكير ... وانتا تكاتفي معها وحاولي بقد ما تقدرين واضغطي على اعصابج بس عشانها ... ترى التفكير ما بيحل المشكله الله عزوجل بس الي قادر يحل المشكله ...اذا وصلت للنقطه هاي صدقيني الله بيدخل السكينه على قلبج ان شاء الله .... الله الله بسورة البقره وآل عمران .... خليج قويه بعين بنتج على الاقل فترة حملها والله بيجمع قلوبكم ان شاء الله .... اللهم يا جامع الناس في يوم لا ريب فيه اجمع بين بنتج وزوجها عاجلا يا حي يا قيوم يا ارحم الراحمين اللهم فرج همهم واجمع شملهم وبارك لهم يا ارحم الراحمين ..

اختي وهج ... الريال فيه شي عنده مشكله ومشكله كبيره ومو عالم فيها الا رب العباد يمكن مسحور يمكن في شي يبي يتعالج بالاول ويرجع للبنت يمكن عنده عجز جنسي مايقدر يواجه البنت تعرفين هذه رجولته في ممارسة الجنس مع زوجته اذا مايقدر على هالشي صعبه عليه جدامها مو رجال ... فانتظروا انشالله كلها وقت قصير وتنحل مشكلة الرجال وتعود المياه الى مجاريها ادعي لهم من كل قلبج خصوصا في الثلث الاخير من الليل ان الله الله يسهل امورهم ويسرها لهم ويرجعون لبعض والله يتمم على بنتج ويرزقها الذرية الصالحة اللهم امين ...

مرحبا اخواتى...سرنى تجاوبكم معى لانى حاسه انى ضايعه ..وبصراحه احس ابوها يحاول ان يفقدنى الامل فى رجعته لها ..وان الاملر قد يكون خيره لها بس المشكله بنتى عندها امل انه سوف يرجع واليوم اخوى سيحاول معه المحاوله الاخيره وابوها ايضا والله يكتب اللى فيه الخير...دعواتكم

اللهم أجمع شملهم
اللهم أجمع شملهم
وطمنينا أرجوج يا وهج

الله يفرجها عليها ان شاء الله

[CENTER]ربي يهدي سرهم و يفرج همومهم و يوفقهم و يسعدهم والله يتمم عليها الحمل بخير و بصحة ويفرح قلبج فيها ياااا رب
اللهم آمين
اللهم آمين
اللهم آمين

السلام عليكم ورحمة الله وبركاته
الله يفرج كربتكم عاجلا غير اجلا
آآآآآآآآآآآمييييييين

ياليت ياوهج تحاولين في ابوها انه يحط بباله لو رجع الرجال لاااازم ياخذ زوجته لا يتمسك برايه حرام وش ذنب بنتك

الله يكتب اللي فيه الخير

وبالله عليك طمنينا عليها

اشكر اهتمامكن..وبالنسبه لابوها حالته حاله خايف على بنته جدا وعلى نفسيتها وانا ايضا خايفه عليه ..وبالصدفه اليوم فتحت بنتى جوال ابوها تبى تقرا قصيده مرسلها صديق له وهو رايح للصلاه وفجاه صرخت ورمت الجوال على الصدفه ان زوجها مرسل رساله لابوها يقول خلها عندك واذا ولدت بعدها باشهلر الله يكتب اللى فيه الخير وعزائنا لله ..والله يا اخوات جلست ادعى عليه كيف بنات الناس لعبه عند بعض الرجال ..ياعمرى جلست تصيح يمه وش يقصد والله كنت فى وضع لا احسد عليه حاولت اقول انه يمكن يبى يعالج نفسه ..وكنى الان عرفت ليش ابوها يقول لى من يومين اغسلى يدك منه مافيه فايده لكن المشكله حمل البنت منه والله انى فى حال يرثى لها ..دعواتكم اخواتى او انصحونى وش اسوى..حتى هى فكرت انها تتصل فيه مع انى واثقه انه ما رح يرد عليها زى كل مره...الله المستعان

صدقيني يا الغالية .. إنتي ما تعرفين وين الخير

نعم نفسية البنت سيئة لكن صدقيني عسى أن تكرهوا شيئا وهو خير لكم

إذا هو ما يبيها ويطرش مسجات .. خليه يسترجل وييجي بيتكم ويتكلم وجها لوجه مع أبوها ويقول تراني عايف البنت

لكنه تاركها معلقة هيك .. هذا وضع غير طبيعي

وصدقيني ليس الطلاق شرا دائما أحيانا يكون حل

طبعا إلى الآن هو موضوعه غير واضح وربما يكون ارسل الرسالة هذه تحت تأثير شيء معين

لن نضع في ذمتنا لكن .. قد يكون غير واعي لمعنى هذه الرسالة

مثل ما قلت لك .. شغلوا وراه مخابرات لمدة أسبوع .. صبح ومسى

وشوفوه وين يروح ومن وين يرجع وشو اللي غيَّره

الله يهدي بالك على بنتك ويطمنك عليها وربنا يختارلها اللي فيه الخير .. آمين

حبيبتي .. لا تنسي الدعاء في جوف الليل .. إذا أغلقت كل الأبواب فباب الله تبارك وتعالى مازال مفتوحا وسيرشدكم الله إلى طريق الهداية والصواب

طمنينا عنكم عزيزتي