ساعدونى ابى مشوره

°ˆ~*¤®§(*§*)§®¤*~ˆ°والله يا ختيه الأيام بتبين الي اليوم مو معروف الريال يعرف أن الطلاق على الحامل
ما يجوز وهو ناوي على هالشي بس يترياها تلد وهذا معنا الرساله وأرجوك لا تخلين
قلب البنت معلق به وهو تاركها فنصحيها بأنها لا تتصل عليه وأنها حرمه وعاقل بس
هو ما قدر هالشي وأن فيه مثلها وايد بنات خليها تحس بكرامتا وأنها ما سوت شي غلط
وفهميها بأن الله أبتلاها ولازم تصبر وتستعين بالصلاه وقرأة القران الكريم وخليها تكمل
حياتا مثل ما كانت قبل الزواج وأضحكي معاها ومازحيها شكل قبل وأهتمي بمواعيد
العياده وأطمني عليها وطلعوها من البيت أنتي وأبوها بين فتره وفتره خلوها تغير جو
وترتاح وأذا جابت طاري للزوج قولي لها أنتي شايفه الوضع ييرجع يايروح وهاي الكلمتين
وحده منهن بتكون نهاية القصه خليها لو يستوي شي ممو زين لا قدر الله تكون هي مراجعه نفسا وحاسبه
حساب هالشي والله رداد في عبده والله يكتب لي فيه الخير أن شاء الله°ˆ~*¤®§(*§*)§®¤*~ˆ°

هلا اختي..

قولي الحمد لله ان ماصار شيء غير هذا..

المهم : خلوو الاموور مثل ماهي على امل انه تضع المولود.. وانسوو الولد الزوج فترره ..وبعدها الله كريم ..

لان المشكله الحين ماحد يقدر يفكر فيهاا.. ولكن خلووو المشكله تبرد ويصير الحل باذن الله ..

بنتج خليها عندج.. ومادام ان ماصار يسؤلوون عن البنت.. لاتحاتين بناس مافيهم خير .. لان مافيهم خير..

والحمد لله ان في قانوون وبعد ماتربي لكل حادث حديث.. وخلي الامووور كان ولاشيء صااير.. لان ماتقدرين تسوين اي شيء لان البنت حامل.. فكرو بالبنت بعد ماتربي والخطوه الثانية ان شاء الله الله يجيبهاا.. فكرر في الحين ..

ومثل مان الله رضى وكتب لها الزواج منه ورتب الامووور.. اكيد انه رتب بعد الحمل شو يصير..

ولاطولون الموضووع وخلووه.. واذا بيسالوون عنها خير وبركه واذا ماسؤلوووو بنتكم عندكم..

والسموووحه..

[CENTER]ياأختي الغالية اعانكم الله ...للأسف انتم تتحملون جزء من المسؤولية لأنكم ماسألتوا عليه كفاية معقولة رجال مستهتر ومايصلي ويشرب وكل هالعيوب هذي ماعرفتوا منها شئ قبل الزواج ..والموافقة ياعزيزتي ماتتم عشان سمعة اهله ولا نسبهم لذلك قال رسول الله: (إذا آتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير ) . ياما ناس ياأختي عيال قبايل ومتعلمين لكن ينقصهم هالشرطين وفي هالحالة تعتقدين انه من العدل ان يزوجون هالنوعية من الشباب ببنات عفيفات طاهرات مثل بنتج!!! والله ظلم حتى وان وافقت البنت ..فالبنت تفكر بعاطفتها للأسف قبل الزواج وماتفكر الا في العرس والحفلة وهذا نتاج قلة الخبرة .
ادري ان الكلام هذا ماينفع في هالوقت ولكن اتمنى ان كل البنات يستفيدون ويتعظون وسبحان الله احتمال مثل مافكرت بنتج الله يحفظها يكون الرجال مريض ويتعالج واتمنى ان الله يشافيه ويهديه ويرجع لزوجته في هالحاله .

وبالنسبة لبنتج ياأم الخير مالي الا ادعيلها بالسعادة في الدارين وان الله يسهل امورها ويوفقها يارب ويفك كربتها ويحفظها هي والبيبي ويخليهم لج ويعوضها يارب.

بسم الله الرحمن الرحيم عزيزتي انتي ما قصرتي انتي وزوجك يعطيكم الله العافية والصبر سويتو اللي قدرتوا عليه بس لي رجاء لا تبكي قدام البنت بالعكس كوني قوية وصبريها وحسسيها انك مو مهتمة رد ولا ما رد واعرف ان هالشي صعب علي الأنسان يتحمله خصوصآ لما يشوف واحد من ابنائه يتألم وما يقدر ايسوي له شي احساس بالعجز المهم الحين مالج الا اللجؤ لباب رب العالمين اختي الليلة ليلة جمعة ليلة مباركة في منتصف الليل اقرأي سورة يس اربعين مرة واهدي ثواب قراءة السورة الي ارواح المؤمنين والمؤمنات لمدة ثلاث ليالي متواصلة وبعد ان تنتهي من القراءة قولي اللهم بحق سورة يس والسر المستودع فيها واطلبي حاجتك ستقضي انشاءالله الله يبعد عنكم اي سؤ ويريح بالج وطمنينا اختي عليج وعلي البنت وياريت اذا تقدري بكرة بعد صلاة الجمعة عند باب اي مسجد تتصدقي علي اكبر عدد من الفقراء صدقيني هالأشياء مجربة وتعطي نتيجة والله يفرج لكم فرج عاجل كلمح البصر او هو اقرب من ذلك

اشكر لكم تفاعلكم اخواتى..بالنسبه للسؤال عنه الرجل ما خلينا احد ما سالنا عنه الكل مدح فيه وكانو يقولون ما يخلى الصلاه ابد والظاهر لانه كان عايش مع اهله وابوه الله يرحمه كان شديد وراعى دين وتوفى بعد ما خطبو بنتى فالظاهر ان صلاته كانت خوف من ابوه والحين ما احد يسال عنه.......لكن يا اخولت والله صارت معجزه لنا لاننا الحمد لله اهل دين ونخاف الله ولم نظلم احد ابد فالله دبرنا يوم الخميس قومنى زوجى بعد صلاه الفجر قال قومى نروح للبحرين وهذى اول مره تجى منه هو بالعاده انا ازن عليه وقال قومى بنتك تروح معنا تستانس شوى وخرجنا وصلنا هناك وبعد ما تمشينا وانبسطنا الساعه4 كنا خارجين من السيف وكان زحمه بطريقه مزعجه وحنا عند بوابه1الا وهذا هو طالع من البوابه بنفس اللحظه قمت انا صرخت بزوجى الحق الكلب اثر البنت شافته وانعقد لسانها وداخت لانه كان متكشخ بطريقه ملفته تقول عمره ماسواها ومبسوط لحقه زوجى وانا بلشت بالبنت واركض ادعى زوجى وهو معه قلت بسرعه البنت تعبت وقم وانحاش وسو حركه بيده زى اللى يقول مالى شغل ببنتكم والله ياخوات كنت قبل بنفس الليله بالثلث الاخير ادعى ان الله يغسل مودته من قلبها ويفرج لنا ويدلنا على الاصلح..وبعدها البنت تعبت نفسيا وجسديا وزى اللى صدمت فيه لانها شافت بعينها رده فعله..وقام ابوها كلم خاله قال ما يشرفنا ولدكم بعد ماتولد البنت خلاص ننتهى والحين انا معها احاول اتماسك انا وابوها قدامها وماندرىوش بيصير دعواتكم

السلام عليكم فعلا مساله اتحير والله عورتي قلبي ما عليج الحين الا من الدعاء له وان الله يفرجها عليه ان كانت عنده مشكله

وكثري من قيام الليل وانشالله بندعيلهم وياج ويارب يفرجها علي بنتج وعليج ويفرح قلوبكم ياااااااااارب يالله
يا كريم

بس اذا انتو اتعرفون وين مكانه ولا وين ساكن سيرولخه ولا طرشو له حداو جوفي حد يسال عنه وعن اخباره وعن تصرفاته يمكن توصلون لحل اللغز

او حاولو توصلون لاعز اصدقائه يمكن يقدر يساعد

والله يفرجا عليكم وعلى جميع المسلمين والمسلمات والمؤمنين والمؤمناي يااااااااارب

الله يفرج كربتها.. خلي ابوها يجلس معاه او مع حد من اهله.. لانه البنت بتظل معلقه لا متزوجه و لا متطلقه..

اشكر لكل من تفاعل معى ولكن الان الامور ساءت والحمد لله على كل حال ابى منكم الدعاء ان الله يهون عليها ولادتها ويسعدها ويرزقهابمن يستحقها

البنات كفو ووفو

ومااملك غير الدعاء لكم ان ربي يفرج عليكم

الله يفرج همج وييسر امور بنتج انشالله

عسى أن تكرهوا شيئا وهو خير لكم

.,.
..,..
.,.

السلام عليكم ورحمة الله وبركاته

كان الله في عون بنتج وفي عونكم

صعبه مشكلتها ..الله يصبركم على ما ابتلاكم..ولازم تكونون السند لها لا تظهروون حزنكم على الموضوع خليكم اقوى ظاهريا مع انها صعبه بس لانها حامل وبيأثر عليها وعلى الجنين وخاصة انها متعلقه بريلها ...ولا تعطونها امل انه يرجع وذكروها ان الله يكتب لكل انسان ويمكن يكون خير لها هالشي وذكريها بالايه (وعسى ان تحبو شيئا وهو شرا لكم وعسى ان تكرهو شيئا وهو خيرا لكم )


وشي مهم لازم كلكم تتعانون و تسونه لبنتج انتي وابوها واخوانها وكل من يحبها ان يكثرون الاستغفار لها ويفرج همها من هالاستغفار .....وصدقيني عن تجربه ان الاستغفار لرب العالمين شي ما تتوقعين نتايجه ...
في سند صحيح يقول فيه صلى الله عليه وآله وسلم: "من لزم الاستغفار جعل الله له من كل هم فرجاً ومن كل ضيق مخرجاً ورزقه من حيث لا يحتسب"


الله يهدي سرها ...ويفرج همها ...يارب


دعواتي لها

.,.
..,..
.,.

السلام عليكم ورحمة الله وبركاته

الله يهوّنها عليها يا رب...و يقوّمها بالسلامة إن شاء الله...و يرزقها بمن يستحقّها...

اللهم آمين

لا حول ولا قوة إلا بالله العلي العظيم

الله يهونها عليها ويرزقها ولادة سهلة وتقوم بالسلامة

وربنا يختالها ويختارلكم اللي فيه الخير ويصرف عنها وعنكم الشر

ولكل المسلمين .. اللهم آمين

قلوبنا معكم وندعو الله أن يفرج همكم ويجعل لكم من أمركم رشدا وييسرلكم الخير

طمنينا عنكم عزيزتي

جزاكم الله خير اخواتى واسعد قلبكم والله اننا فى حال مايعلمه الا الله وانا معها دائما وقلبى يتقطع من الالم واحس بحرقه قويه فى قلبى ولكن احاول ان اتماسك امامها وهى ايضا تحاول ان تكون قويه واحيانا تنهار وتتقطع من الحسره ولكن ما باليد حيله .الان انا وابوها نفكر جديا بالانتقال من مكاننا الى بلده مجاوره.حسبى الله ونعم الوكيل فيه دمر حياتنا كلها واختفى والله يا اخواتى اننى اتالم ولكن لا حول ولاقوه الا بالله دعواتكم لنا بالفرج..

السلام عليكم و رحمة الله

انا الصراحه وايد تأثرت بقصة بنتج الله يفرج هالهم يا رب

بس الحين صار شهرين على بداية الموضوع ؟ يعني من تاريخ الموضوع .. هل الحال نفسه ؟؟

ليش ما اتكلمون شيخ دين موثووق به تعطونه رقم الريال عشان يكلمه ؟؟ يمكن يهتدي و يبين له كيف الهجر اللي هو مواصل فيه حراااام و ان حوبة البنت بتطلع في هله .. يعني حاولوا ان شيخ دين يكلمه

خلها تردد حسبنا الله و نعم الوكيل حسبنا الله و نعم الوكيل .. ربج مستحيييل يضيع حقها يا اختي ..

هاذي بنت و شوووفه و م ا اغلطت في شي.. و هذا الانسان ما يخااف ربه و لا راعى بنت الناس اللي وثقوا فيه و لا ي ستاهل دقيقه وحده تقضيها معاه

و لو انا مكانج و بنتي كانت في هالوضعيه .. ما اتردد اني اخلي بنتي تنفصل نهائيا و تتطلق منه .. اول ان انتي قلتي انه انسان يشرب

يعني هذا اكبر شي يخليج ما تتحسفييين و لا ذرررررره على هالانسان اللي ما خاف ربه .. كيف يخااف على بنت الناس؟؟

اللي ما راعى حقوق ربه .. كيف يراعي حقوق بنت من البشر ؟؟؟

يا اختي لا تتعبون البنت اكثر و اكثر ... انتوا ذخر لها انشالله لها و حق المولود اللي بيتربى بينكم ان شاء الله

اخذي بنتج حق شيخ يقرا عليها عشان تهدأ.. و لا اخذيها مكه تأدي العمررره عشان يرتااح قلبهاااا

و الحل الاخير مث ما قلت لج اتطرشون حق الريال شيخ دين ينصحه و يطلب منه انه يقرا عليه قريه يمكن فيه شي سبحان الله صاده عن البنت ما تدرين .. خليه يتعالج بالقرآن

و ان ما استجاب فالانفصال اكرم للبنت و اشرف لها من هالانسان الظالم ..

و بشرينا عنكم يا اختي .. والله اني متأثره وايد بالقصه .. و بدش كل يوم انشد عنج .. طمنيني عليكم فديتج

و ان شاء الله ما يصير الا كل الخير لكم و للبنت و للطفل المنتظر

الله يبعدكم عن كل سو و يحفظ بنتكم و يستر عليها و يبعد الهم عنكم ياااااااا رب

اختج ،،،
ام ثاني

الله يعينج والله مشكلة بس بقول لج

حطوة قدام الأمر الواقع إما الإستقامة وإما الإستقالة

طبعا مع مراعاة بنتكم بكل خطوة يعني لا تخشون عنها شي

وخليها هيا للي تقرر لأنها حياتها

يغلق الموضوع بسبب انتهاء المشكلة

لقد تم الطلاق

وأختنا وهج الشموع تطلب منك الدعاء لها ولابنتها على الرابط التالي

ابى منكم الدعاء

وجزاكم الله خيرا