صديقتي المجروح تبغى رايكم ......(زوجها الخائن)

[CENTER]لا ليش تطلع تحاول تكلمه وتفهم منه الموضوع ولا تتركه وتتطلع ترى يأخذها فرصه ويتمادى في الغلط

انصحيها مو انتي صاحبتها وانشاء الله مايصير الا كل خير

تحياتي

قمرالليالي

والله قهررررررر


مادري وش اقول لك


بس خليها في البيت عشان خاطر بناتها وتطنشه

او اذا اصرت انها تروح لاهلها من الافضل انها ما تقول لهم شي

وتفكر برويه في الموضوع


لان كل شي يتاخذ بالعجله نندم عليه



والله يكون في عونها

اختي قمر الليالي اكيد هي صديقتي وتاج راسي بعد بس موقفه صعب جدا// هي دخلت الغرفه وصكت عليهم وقعدت تتناقش معه عشان تعرف ايش السبب الي يخليه يتكلم
من وراها بس هو ما عنده سبب مقنع يخليها تقتنع كل الي قاله انه بس مجرد تسليه وتقول انها دائما تخلي بنات يلعبون في غرفتهم

عشان تقعد وياه بس هو كان يقول احب انام الليل مااحب اسولف مع احد هي دائما كانت تشكي رجله من هاناحيه

انهم لجوا ينامون يقول نوم نوم مادري ليش الجو هادي ورومانسي وهي ياعيني عليه رومانسيه ونظيفه في بيتها

بس ماعندك احد...وصدقيني اختي الرجل الى يحب زوجتها ما يسوي فيها كذا سوا قامت بحقوقه او لا

حبيبتي
تقعد معاه وتكلموا ممكن يحس ويرجع له عقله ويمكن يكون خاطبها وناوي يتزوجها ارحم من انها تكون علاقه وبس
عقليها وخليه تحاول كد ماتقدر ترجعو للعقلوه وصدقيني انشاء الله باذن الله راح يرجعلها

في المنتدي في ادعياء كثيره انشاء الله القيها واحطها لكي

ابي حلول اكثر اكثر لتقتنع عشان بنياتها وحده في التمهيدى وحده سنه 11شهر

كل شوي اتصل عليه اشوف الوضع هو هو ماتغير تبكي

صوتها معاد ينسمع ما ادري وش اسوي لو بيت اهله قريب كان
وديتها لحد ماتهدى اعصابهاالله يعينها والله مانى مرتاحه قلقانه عليها

الله يعينها بس ما تتهور وتخرب حياتها بلحظه.مثلي محد عانا من العلاقات الي لزوجي وبعدني أحاول أصلحه ودوم أدعي له في صلاتي الله يصلحه . عليها بالدعاء والصبر أعرف إنها ماطايقه زوجها الحين بس أحسن تناقشه برويه وتحسسه بغلطته.حتى إذا بغت تروح بيت أهلها ختروح بس ما تقول لأحد عن مشكلتها ختغير جو وترجع. جرح الجسد له من الدوا الاف وجرح القلب عمره ما يبرا ويظل شفاف

انا برأيي الرجل لمن يبتدي يسوي علاقات مع غير زوجته مستحيل يعتدل الا بقدرة قادر

لان هذا الشيء يستوي ادمان في دم الرجال

واذا صديقتج ظلت تبكي ماراح تحل ولا شيء من المشكلة وبالعكس بيصير يستغل الموقف وبيقول معناها كل ما بسوي شي زوجتي مافي قدامها الا البكاء والصياح وبيصير يتمادى اكثر

صديقتج لازم تاخذ موقف صارم من الموضوع وما تبكي قدامه لان بكائها دليل على حبها له وضعفها

اي نعم هي تحبه بس لمن تبكي قدامه هو راح يقول في خاطره انها تحبني ومهما سويت ما تقدر تستغنى عني

في جذي مواقف انا افضل تدخل من هم اكبر سنا واكثر حكمه
ولا اؤيد فكرة مناقشته في الموضوع لانه وان تكلم بالموضوع راح يكذب هذا شيء مفروغ منه
لا وعلى هذا بيتوقع ان كل مرة يغلط فيها ماراح تكون لهذي المسكينه ردة فعل او حيله غير المناقشة والبكاء

كان المفروض تكتفي صديقتك بالنظرة الحادة والصمت وعلى طول وبدون اي نقاشهي وبناتها على بيت اهلها علشان يتأدب ويعرف ان الله حق وان البنت بنت ناس ولها كرامتها واهل يسندونها ويجي يصالحها ويبطل سوالفه ويعرف ان لو عادها ماراح ترجع معاه البيت مرة ثانية

(( ترا حتى الرجال يخافون على خراب بيتهم ))

وبالطريقة هذي ما يكون في مرة جاية يتكرر فيها الموضوع

وهذا اللي عندي الحين

روحي يا الغالية الحين هدي صديقتج

والله يصلح ما بينها وبين زوجها

تقبلوا تحيااااااااااتي

اختكم

نع نع

موقف صعب للأمانة

وسبب الزوج غير مقنع .. يعني لو قال لها إنتي مهملتني ولذلك أشوف راحتي برا البيت

ساعتها راح ننصحها تتغير وتصير كما يريد

لكن تسلية .. كبييييييييييرة جدا .. وصعبة بعد عشرة السنين تتقبلها أي زوجة

لكن ننصحها بعدم التهور .. توقف لحظات وتفكر بدون انهيار

إنتي اقعدي معاها سواء بزيارة ولا على التليفون

قوليلها ممكن تهدي أعصابك لإنه الواحد مستحيل يلقى حل وهو منهار

تستعين بالله وكلما وجدت نفسها ستنهار تذهب وتتوضأ تصلي ركعتين وتدعو الله بقلب خاشع أن يفرج كربها

تحاول أن تتناقش مع زوجها بهدوء وبدون عصبية

تحاول وتحاول مرارا وتكرارا أن تفهم ما بداخل عقله

تذكره بالله وأن ما يقوم به حرام .. تحاول تسمع معاه دروس تتكلم عن هذا الأمر

ستجد في الأسواق أشرطة كثيرة وبرامج رائعة للتعامل مع كثير من هذه الحالات

للأستاذ جاسم المطوع وغيره من الأساتذة الأفاضل

تحاول تودي أولادها لبيت أهلها مرة أو بيت أهله وتطلع معاه للبحر تتكلم معه بهدوء وتسأله هل قصرت معك في شيء؟؟

يعني لا يكون الكلام كله اتهامات وعصبية وصراخ

لا يمكن مسح عشرة 7 سنوات بلحظة

ونسأل الله العظيم رب العرش الكريم أن يهدي زوجها ويرجعه لها ولأولادها .. آمين

طمنينا عليها عزيزتي

اه اه ياربي تعين صديقتي الغاليه

تقولي انها بتكلم اهلها اليوم عشان يجون ياخذونها لانها تقول هو

يحاول يراضيه ويقول تكفين لاتفضحيني مو هامه انه جرحها يعني اهم شى عنده سمعته وما فكر فيها

وفي البنات شفت شلون والله ما الومها يوم بتروح......

[CENTER]لا حول ولا قوه الا بالله

رجاله اخر زمن


والله يا اختي هي ما تسيبش البيت لانه فيه تهديد لاستمرار الاسره وعشان تصلحه لازم تعرفه ان غلط بحق الله قبل ما يغلط بحقها وترهبه من النار ومن قدره الله

وتقوله انا حزينه لان الله صار غضبان عليك واذا ما تبتش الي الله انا ما اقدر اعيش معك اخاف الله يعاقبك في بناتك ودول ولايه وانا اخاف عليهم


وان شاء الله يتوب ويرجع وهي من ناحيتها تحاول تعرف مين الي بتكلمه وتتصل عليها وتخلي مقام الجزمه اعلي منها يعني تبهدلها ولو كانت من اسره تهددها انها ها تفضحها بس ما تفضحاش عشان حراااام
والله المستعان
وياريت تقولي لنا اخر الاخبار

خليها تروح عند هلها بس ترتاح عندهم كم يوم وتكلم خوها يكلمه هيه مجروحه ومنصدمه
والنصيحه لمثل حالتا مو نافعه لأنها تعبانه وتفكيرها مو معاج تبا ترد كرامتا بأي طريقه
والريال على الرد لي قاله يبا ياخذ درس بأنه غلطان في حقها ولازم بيدفع الثمن
والله يفرج همها

بسم الله الرحمن الرحيم عزيزتي خلي صديقتك لا تستعجل وتروح لأهلها بعدين تكبر السالفة ومدام زوجها خايف من الفضيحة خلها تستخدم هالشي سلاح يعني وسيلة للضغط عليه وياريت تهده بروحه في حجرته وتقعد مع البنات ولا تكلمه تصد عنه عشان يعرف شقد هو حقير والفعل اللي سواه احقر والله الرجال هالأيام ما ادري اشفيهم استخفوا جنوا ما ادري وكل واحد ايقلد علي صديقة ويتباهون بعلاقاتهم كل واحد يقعد ايفوشر علي الثاني بعلاقاته وغرامياته المهم خلها تخاصمه ولا تعطيه وجه لين ما يستةي علي نار هادية وبعدين يجي يتسامح منها وتعطيه فرصة واذا رجع لسواياه اللي يسويها ذيك الساعة تخلي الأهل يتدخلون ويكلمونه بس الحين خلها تستغل خوفه من الفضيحة يمكن يرد لعقله وينصلح حاله وقولي لها لا تبكي وتحسسه انها ضعيفة وبتموت عليه لا خلها قوية قدامه عشان يخاف منها والله يوفقها وينصرها عليه

شاكره لكم خواتي علي ردودكم وماقصرتم

:smile::smile:

[frame="10 80"]الله يكون في عون صيقتج الغاليه
لان لو يصيرلي الموقف اللي صارلها :cry::mad2:
ممكن تجيني جلطه او ادخل العنايه المركزه
لانني ما اتوقع انه بيطلع منه كل هذا
و اتمنى من الاخوات انهم يكفون و يوفون عني[/frame]

يابنات ابشركم صديقتي يوم لازمت تروح عند اهلها

بس هو قعد يترج فيهاواعترف بغلطه وعتذر ويقول خلاص خذي الجوال احرقيه واذا طلعت شريحه جديده انتي الى تردين واذا كان مشغول

سوي الاتبغينه بس قالت وش يثبتلي انك ما تكلم من ورايه راح وجاب القرءان وحلف بالله انه مايرجع للي سواه وانه ينسى رقم زميله

الي ارسله الرقم ويمحي اسمه نهائي من حياته (لانه في 2 واحد يحاول يقنعه انه يكلم والثاني بيقنعه ان اسفر خارج المملكه مع بعض بدون حريمهم)

ومستعد انفذ الي تبغينه سوا بغيتي فلوس اواي شي تحبينه .بس.لاتروحين لاهلك انا احبك واحب بناتي ومانبغى نفترق

ما ابغى الناس يفرحون انه افترقنا.. وتقول بتقبل اعتذاره بس بتجي عندى اختها كمن يوم عشان ترتاح وبعدين ترد له وعلى فكره

خلت بناتها عنده خميس وجمعه لانه في اجازه وعشان يحس بتعبها ......الخ.........ها وش رايكم تسرفها سليم ردوا عليه....

بسرررررررررررعه

أولا الحمد لله إنه بدأ يحس بغلطه ويرجع لصوابه وربنا يهديهم لبعض

لكن كان لازم تعمل نفس التصرف اللي عملته لكن في بيتها

يعني هو قاعد يترجاها لا تروح عند أهلها والناس تعرف

وهي كسرت طلب طلبه منه بروحتها لبيت أختها وتركها للبنات عنده

لكن لو قالت له أقبل اعتذارك وبفكر في الموضوع وبردلك خبر وهي في بيتها كان أفضل

هي للآن ما راحت عند أختها صح؟؟

لإنه لسة اليوم الخميس وبكرة الجمعة

خليها تفكر بتروي أفضل

وربنا يرجعهم لبعض أحسن من الأول

طمنينا عنها عزيزتي

[frame="6 80"][CENTER]
رأي من رأي الأخت bent_palestine ولا أؤيد ذهاب المرأه لبيت أهلها ..في كل خلاف حتى لا يأخذ الموضوع مجراه في قيل وقال.ووووو..وسلامة كل البيوت
[/frame]

هلا اختي..

الافضل تخلين زووجك الى مايروح بنفسه وتشووفين بيشووف ان هالطريق غلط..

ولكن لاتتهورين باي حركه وتقوولين لحد.. اصبري عليه شووي لان اصلا هالاشياء عمرها قصير..

وهوو يعرف ان هالاشياء غلط.ز وان شاء الله يرجع الى عقله..

ولاتراوين بين اولادك ان في شيء.. علشاان مايتحسسوون باي شيء..


وشكرااا

شاكره لكم خواتي على ردودكم والله ما قصرتم :clap:

بس من ناحية انها لاتروح لاختها وانها تجلس في البيت انا مو معكم لانها هي المسكينه

مو مصدقه الي صارلها والله تحزني يوم تقول ليته يكون حلم وافوق منه وبعدين هي قبلت اعتذاره

بس تبغى تروح علشان ترتاح كمن يوم لانها ما تقدر تقوم بلبنات وتبغاه يقوم في بناته عشان يحس فيها.........(وكلمتها الظهر وقالت انها عند اختها وانه نفسيتها الحمدالله مرتاحه وهذا الي نريده):smile: