السلام عليكم يا حوامل و يا أمهات ..
ابا اخبركم واسألكم عن شي .. صار لي فترة اقرا المواضيع الجديمة في المنتدى وفي اغلبية المواضيع القى بنات كاتبين مشكلتهم في موت الجنين في الشهر التاسع ... :down:
يعني صدق شي يعور القلب .. اللهم لا اعتراض على حكمك .. لكن.. شو السبب ؟؟ الجنين يكون لين الثامن وبداية التاسع واحيانا لين الولادة كل شي طبيعي وما في اي شي ....
فجأة نسمع انه فلانة ولدها مات اثناء الولادة .. :sad: او في الشهر التاسع :cry: يعني انا خاطري اعرف شو السبب ؟؟؟
اعرف انه الحبل السري هو من اكثر الأسباب في موت الجنين.. .. لكن.. انا بودي اعرف الأم ما تقدر اتحس انه الحبل السري التف حول الجنين .؟؟ حتى لو مجرد شك عشان تلحق على عمرها ؟؟
المستشفى بعد ما يقدرون يعرفون ؟ من خلال سماع النبضات او الألترا ساوند ؟؟
يعني صدق شي يحرق القلب :angry: انه الجنين يموت في اخر اللحظات بسبب انه الدكاترة ما انتبهوا للحبل السري ...
بخبركم انا بأول سالفة ... وحدة انعرفها كانت حامل وتقول لين بداية التاسع كل شي سليم والحمدلله .. وفجأة ...
مرضت ياها زجام قوي وحمى قوية لدرجة 40 وقام ريلها وداها عيادة خاصة ( اونه احسن) والدكاترة الهبل قاموا عطوها ادوية .. الظاهر انها ما تناسب الحامل ...
وبعد فترة ... نهاية التاسع .. اكتشفوا انه الجنين ميت في بطنها :sad: ياه تسمم من الأدوية ( حسبي الله عليهم ) وولدوها بطلق صناعي او ما اعرف بشو عشان يظهرون الجنين .. وطلعت بنوته :cry: كاملة ما شالله عليها كانت مستعدة للحياة ..
وامها وابوها مجهزين لها كل شي .. والله ما كتب لها ... شفتوا كيف شي يعور القلب والله انا صرت وايد اخاف من هالشي ..
كيف نقدر نتجنب اسباب موت الجنين ؟؟ سواء في الولادة او قبل .. يعني احنا فهمنا ليش الجنين يموت في بداية الشهور لكن النهاية ؟؟ :down: اصعب شي ...
بعيد الشــــــــــــر عننا وعنكم والله يحفظلكم عيالكم ان شالله آميـــــــــــــــن ويتمم لنا نحن الحوامل على خير ان شالله ...
لكن الي عندها تجربة نفس هذي لاسمح الله او تعرف شي عن هالسالفة خبرونا لا تبخلون علينا بهالشي ..
موت الجنين ... في التاسع ليش ؟؟؟
ع
18-04-2005 | 09:04 AM
J
18-04-2005 | 09:29 AM
الله يصبرهم مساكين ويعوضهم إن شاء الله...وبالنسبة للأسباب ما عندي فكرة
ر
18-04-2005 | 09:48 AM
الله يعوض عليهم جميعا
أنا أيضا أعرف واحدة من قريباتي توفيت بنتها في نهاية الشهر التاسع بسبب الحبل السري الملتف حول رقبتها و قام بخنقها وولدتها بولادة طبيعية و بطلق صناعي
أنا أيضا أعرف واحدة من قريباتي توفيت بنتها في نهاية الشهر التاسع بسبب الحبل السري الملتف حول رقبتها و قام بخنقها وولدتها بولادة طبيعية و بطلق صناعي
ع
18-04-2005 | 10:59 AM
:down: انا هذا كل خوفي ... بودي اعرف الأم ما تحس لما الحبل السري يلتف حول الجنين ؟؟
الدكاترة بعد ما يعرفون اللا وقت الولادة ؟؟؟ :sad:
الدكاترة بعد ما يعرفون اللا وقت الولادة ؟؟؟ :sad:
S
18-04-2005 | 11:40 AM
لاحول ولا قوة الا بالله شي يعور القلب الله يكافينا الشر والله يصبر اللي مرت بالمشكلة هذه والحمدلله على كل حال ...
ع
18-04-2005 | 05:00 PM
وينكم يا بنات نبا نشوف شو رايكم في الموضوع وشو الي تعرفونه ممكن اتفيدونا فيه ...
وياريت اخت حبيبة واللا وحدة من المشرفات تزودنا بمعلومات عن الحبل السري ...
وياريت اخت حبيبة واللا وحدة من المشرفات تزودنا بمعلومات عن الحبل السري ...
ع
18-04-2005 | 05:07 PM
انا بروحي خايفه وقريت الموضوع وخفت زياده
انا الحين في اخر الثامن
واكتشفوا ان الحبل ملتف حول رقبة البيبي
لكن الحمدلله اسوي تلفزيون اسبوعيا وبعد تخطيط لحد الان الحمدلله كل شيء اوكيه
وعلى فكره الام ماتحس ان الحبل ملتف على الجنين
انا بالتلفزيون اكتشفوا هالشيء
وقالت لي بنخليج تولدين طبيعي
لكن انا خايفه على البيبي
فقررت ان اخليهم يسون لي قيصري احسن واضمن
انا الحين في اخر الثامن
واكتشفوا ان الحبل ملتف حول رقبة البيبي
لكن الحمدلله اسوي تلفزيون اسبوعيا وبعد تخطيط لحد الان الحمدلله كل شيء اوكيه
وعلى فكره الام ماتحس ان الحبل ملتف على الجنين
انا بالتلفزيون اكتشفوا هالشيء
وقالت لي بنخليج تولدين طبيعي
لكن انا خايفه على البيبي
فقررت ان اخليهم يسون لي قيصري احسن واضمن
ع
18-04-2005 | 05:27 PM
:sad: عروس قطر ... الله يكملج على خير ان شالله وتكونين انتي والبيبي بألف عافية ..
بس ما قلتي لي ما خبروج عن تمارين معينة ممكن او اي شي معين يخلي الحبل السري يتبطل من على الجنين ؟؟ او ما قالولج شو السبب؟
انزين انتي ما حسيتي انه حركة البيبي خفت من عرفتي انه الحبل السري التف حوله ؟؟
وكيف تتطمنين عليه ؟؟؟
اسمحيلي اسألتي وايدة بس ابا اعرف :sad:
بس ما قلتي لي ما خبروج عن تمارين معينة ممكن او اي شي معين يخلي الحبل السري يتبطل من على الجنين ؟؟ او ما قالولج شو السبب؟
انزين انتي ما حسيتي انه حركة البيبي خفت من عرفتي انه الحبل السري التف حوله ؟؟
وكيف تتطمنين عليه ؟؟؟
اسمحيلي اسألتي وايدة بس ابا اعرف :sad:
ع
18-04-2005 | 06:03 PM
اميييييييييييييييييييين الله يسمع منج
لا مافي تمارين معينه بس قالوا لي انام على جنب وماانام على ظهري
وقالوا لي كل شيء بيد الله ان هو قادر ان يخلي الحبل يتبطل
في حالة البيبي غير اتجاه حركته
لان انتي مافي يدج شيء تسوينه لان الام مالها دخل باي شيء
والحمدلله حركة البيبي ممتازه ونبضه بعد
وهاي الشيء خلاهم يتطمنون ان الحبل انشاءالله مرتخي مب مشدود
وقالوا لم تشوفين حركة البيبي نقصت على طول اروح لهم
قالوا لي على الاقل 10حركات في اليوم اذا اقل اروح لهم
اتطمن عليه من خلال اتابع حركته اول باول
والتلفزيون مع التخطيط اسبوعيا
وعادي حبيبتي اخذي راحتج واسألي مثل ماتبين
لا مافي تمارين معينه بس قالوا لي انام على جنب وماانام على ظهري
وقالوا لي كل شيء بيد الله ان هو قادر ان يخلي الحبل يتبطل
في حالة البيبي غير اتجاه حركته
لان انتي مافي يدج شيء تسوينه لان الام مالها دخل باي شيء
والحمدلله حركة البيبي ممتازه ونبضه بعد
وهاي الشيء خلاهم يتطمنون ان الحبل انشاءالله مرتخي مب مشدود
وقالوا لم تشوفين حركة البيبي نقصت على طول اروح لهم
قالوا لي على الاقل 10حركات في اليوم اذا اقل اروح لهم
اتطمن عليه من خلال اتابع حركته اول باول
والتلفزيون مع التخطيط اسبوعيا
وعادي حبيبتي اخذي راحتج واسألي مثل ماتبين
و
18-04-2005 | 10:07 PM
انا بنتي توفت بعد ولادتها مباشره
بعد حوالي ربع ساعه والله المستعان على هالدنيا وهمومها ومصايبها (w)
بعد حوالي ربع ساعه والله المستعان على هالدنيا وهمومها ومصايبها (w)
ا
18-04-2005 | 10:23 PM
الله يستر ياربي انا حامل بداية الخامس وخوفتوني بس ربي بيستر ان شاء الله
اهم شي النوم على جنب والمراجعات اول باول والله يوفق كل وحده ويفرحها باللي بطنها
اهم شي النوم على جنب والمراجعات اول باول والله يوفق كل وحده ويفرحها باللي بطنها
ط
19-04-2005 | 12:28 AM
يوووووووووووووووووه الله يستر خوفتووووني:cry:
وانا ماني ناقصه
ما نقول الا الله يصبرنا على البلاء
والله يعوض كل ام انحرمت من جنينها
وانا ماني ناقصه
ما نقول الا الله يصبرنا على البلاء
والله يعوض كل ام انحرمت من جنينها
م
19-04-2005 | 12:41 AM
السلام عليكم ورحمة الله وبركاته
أختي هذا شيء من قضاء الله و قدره...
يعني ربّك هو اللي كاتب هذا الشيء...
و تفكيرنا مش ممكن يغيّر القدر...
لذلك توكّلي على الله و تقرّبي منه...و إعلمي أن له في كل شيء حكمة...سبحانه جلّ و علا
ع
19-04-2005 | 06:45 AM
:cry: بنات شي مب طبيعي ... اللهم لا اعتراض على حكمك ... والله يا بنات انا ادري انه كل شي بيده عز وجل لكن صدق الوحدة تخاف وتحاتي .. وانا ما ابا اخوفكم ... بس فعلاً شي يحير ..
واللي موتني اكثر ... :sad: البارحة في الليل يانا خبر انه وحدة من هلنا وهيه في التاسع حالياً تقريباً نصه .. مات البيبي في بطنها ...
بعيد الشر عننا كلنا .. المسكينة كانت تعبانة من يوم هيه في الخامس يعني من ناحية الثقل والوحام .. وحست برفسة قوية من البيبي و من عقبها ما اتحرك ويوم سارت المستشفى اليوم الي بعده قالوا لها البيبي ما فيه نبض :down:
والله يا بنات شو تتخيلون موقفي .. انا البارحة حاطة هالموضوع والبارحة سمعت هالخبر الحزين ومن وقتها واحس كله بطني يعورني.. ... لا حول ولا قوة اللا بالله .. ولين الحين ما اعرف شو سبب موت الجنين عندها ...
الله يحمينا ان شالله ويبعد عننا وعن عيالنا الشر ويتمم لنا على خير قولوا آميــــــــــــــن ..
واللي موتني اكثر ... :sad: البارحة في الليل يانا خبر انه وحدة من هلنا وهيه في التاسع حالياً تقريباً نصه .. مات البيبي في بطنها ...
بعيد الشر عننا كلنا .. المسكينة كانت تعبانة من يوم هيه في الخامس يعني من ناحية الثقل والوحام .. وحست برفسة قوية من البيبي و من عقبها ما اتحرك ويوم سارت المستشفى اليوم الي بعده قالوا لها البيبي ما فيه نبض :down:
والله يا بنات شو تتخيلون موقفي .. انا البارحة حاطة هالموضوع والبارحة سمعت هالخبر الحزين ومن وقتها واحس كله بطني يعورني.. ... لا حول ولا قوة اللا بالله .. ولين الحين ما اعرف شو سبب موت الجنين عندها ...
الله يحمينا ان شالله ويبعد عننا وعن عيالنا الشر ويتمم لنا على خير قولوا آميــــــــــــــن ..
ن
19-04-2005 | 07:39 AM
[CENTER] السلام عليكم ورحمة الله وبركاته
اللهم صل على النبي محمد وآل محمد..
اللهم يا فاتح يا خافض يا حافظ .. يا قابض..
صل على محمد وآل محمد واحفظ ما في أحشائنا..
وتمم لنا على خير..
وسهل علينا الولادة..
و ابعثنا بالسلامة والخير والعافية..
و اجعل اولادنا أولادً صالحين يا رب..
واروق كل محروم من الذرية يا رب..
وصل اللهم على محمد وآل محمد..
اللهم صل على النبي محمد وآل محمد..
اللهم يا فاتح يا خافض يا حافظ .. يا قابض..
صل على محمد وآل محمد واحفظ ما في أحشائنا..
وتمم لنا على خير..
وسهل علينا الولادة..
و ابعثنا بالسلامة والخير والعافية..
و اجعل اولادنا أولادً صالحين يا رب..
واروق كل محروم من الذرية يا رب..
وصل اللهم على محمد وآل محمد..
ع
19-04-2005 | 07:58 AM
عليه الصلاة والسلام ....
مشكورات خواتي على مروركم الطيب والله ما كنت ابا اخوفكم بس للأسف انا بروحي خايفة ...
دعواتكم..
حبيبتي عروس قطــر : مشكورة على ردج بس ديري بالج على عمرج ولا تهملين وضعج خلج قريب دوم من المستشفى والله يحميلج ولدج واللا بنتج ان شالله وتسمعين خبر حلو ... بس ما قلتي لي ؟؟ هم قالولج بيولدونج قبل واللا لا ؟؟؟
مشكورات خواتي على مروركم الطيب والله ما كنت ابا اخوفكم بس للأسف انا بروحي خايفة ...
دعواتكم..
حبيبتي عروس قطــر : مشكورة على ردج بس ديري بالج على عمرج ولا تهملين وضعج خلج قريب دوم من المستشفى والله يحميلج ولدج واللا بنتج ان شالله وتسمعين خبر حلو ... بس ما قلتي لي ؟؟ هم قالولج بيولدونج قبل واللا لا ؟؟؟
ع
19-04-2005 | 08:51 AM
والله خوفتوني :cry:
انا ابروحي وسواسيه بعد افكر فى هالشي
لالالالالا مااااااا اقدر بطنى قام يعورني :cry:
عاد انا انتظرت سبععععععع سنين لين ما تكبر بنتي
وتروح المدرسه واللحين انا فرحااااااااانه اني حامل وما
باقيلي شي على الولاده كلها ثلاثه شهور واخلص..
ما ابي افكر فى هالشي خلااااص:cry:
يااااااااا ربي تمم لي ولكم على خير ونولد بالسلامه
ويطلع البيبي سليييييييييييم معافى باذن الله.
انا ابروحي وسواسيه بعد افكر فى هالشي
لالالالالا مااااااا اقدر بطنى قام يعورني :cry:
عاد انا انتظرت سبععععععع سنين لين ما تكبر بنتي
وتروح المدرسه واللحين انا فرحااااااااانه اني حامل وما
باقيلي شي على الولاده كلها ثلاثه شهور واخلص..
ما ابي افكر فى هالشي خلااااص:cry:
يااااااااا ربي تمم لي ولكم على خير ونولد بالسلامه
ويطلع البيبي سليييييييييييم معافى باذن الله.
ع
19-04-2005 | 10:20 AM
والله يا عسوولة كلنا خايفين لكن بعد متوكلين على الله سبحانه ... انا في نص الثامن اللحين ومثلج من قريت وعرفت عن هالسالفة بطني عورني بشكل والدموع شوي وبتنزل من عيني ... الله يسهل علينا ويكمل لنا على خير ان شالله
ع
19-04-2005 | 10:26 AM
يالله ياربي تهون علينا وتنقلنا اياه لين تمامه
ويخليلي البيبي ولايضيع تعبي ابدا انشاءاالله
هم قالوا لي الله يسلمج بنخليج تولدين طبيعي
لكن احتمال وقت الولاده والبيبي وهو نازل
ينشد عليه الحبل ويختنق
تقول اذا شفنا ان البيبي نبضه نقص
على طول بنحولج قيصري
وانا يوم رجعت البيت قعدت افكر واستخرت
قلت مافي الا اتوكل على الله واسوي قيصري
وانشاءالله الي الله كاتبه لي باشوفه
واكيد كل شيء وله حكمه عنده سبحانه وتعالى
وصدقوني الله مايبتلي الا الي يحبه
وتفكروا في قوله تعالى: {وَلَنَبْلُوَنَّكُمْ بِشَيْءٍ مِّنَ الْخَوفِ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ ** الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ ** أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ }[البقرة:155-157].
ويخليلي البيبي ولايضيع تعبي ابدا انشاءاالله
هم قالوا لي الله يسلمج بنخليج تولدين طبيعي
لكن احتمال وقت الولاده والبيبي وهو نازل
ينشد عليه الحبل ويختنق
تقول اذا شفنا ان البيبي نبضه نقص
على طول بنحولج قيصري
وانا يوم رجعت البيت قعدت افكر واستخرت
قلت مافي الا اتوكل على الله واسوي قيصري
وانشاءالله الي الله كاتبه لي باشوفه
واكيد كل شيء وله حكمه عنده سبحانه وتعالى
وصدقوني الله مايبتلي الا الي يحبه
وتفكروا في قوله تعالى: {وَلَنَبْلُوَنَّكُمْ بِشَيْءٍ مِّنَ الْخَوفِ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ ** الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ ** أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ }[البقرة:155-157].
م
19-04-2005 | 10:35 AM
عروس قطر ان شاء الله ولادة طبيعيه و البيبي بخير و ما فيه شي بس يدلع عليكم و تشوفينه و تفرحين فيه الله يعنج و يصبرج
عيون و الله بكرهكم صج انتي و بجع رفعتوا ضغطي خلاص
شو هيه المواضيع كل منكم بتذبحوني
انا الحينه بدخل التاسع و على كثر ما يسون فيني ما ازيغ بسبتكم قمت اوسوس
امسات نمت دقايق على بطني و شوي انضغط على البطن حسيت به يبس نشيت و انا زايغه و متلومه و امسح في بطني و اقول انا اسفه والله اسفه تخبلت
و نمت و نشيت و بطني بعده متيبس و زايغه و قعدت لين الظهر قريب العصر حسيت بحركه في بطني و الله تخبلت و ستانست تقولين عاطيني مليون
الله يتتم علينا كلنا بالخير و نشوف عيالنا و نفرح ابهم ما اتخيل بعد التعب هذا كله نخسرهم
و عيونو اذا شفت موضوع يذبح شرات هذا تراني في بوظبي بخلي بوالشباب ايبني بيتكم و بنتف شعرج و شعر ولدج اللي في بطنج اول ما يظهر ههههههههههههه
عيون و الله بكرهكم صج انتي و بجع رفعتوا ضغطي خلاص
شو هيه المواضيع كل منكم بتذبحوني
انا الحينه بدخل التاسع و على كثر ما يسون فيني ما ازيغ بسبتكم قمت اوسوس
امسات نمت دقايق على بطني و شوي انضغط على البطن حسيت به يبس نشيت و انا زايغه و متلومه و امسح في بطني و اقول انا اسفه والله اسفه تخبلت
و نمت و نشيت و بطني بعده متيبس و زايغه و قعدت لين الظهر قريب العصر حسيت بحركه في بطني و الله تخبلت و ستانست تقولين عاطيني مليون
الله يتتم علينا كلنا بالخير و نشوف عيالنا و نفرح ابهم ما اتخيل بعد التعب هذا كله نخسرهم
و عيونو اذا شفت موضوع يذبح شرات هذا تراني في بوظبي بخلي بوالشباب ايبني بيتكم و بنتف شعرج و شعر ولدج اللي في بطنج اول ما يظهر ههههههههههههه