تنعيم خطوط الوجه التعبيرية و تثبيت المكياج واضاءة الوجه

M

Manary

مشرفة سابقة

17-04-2005 | 11:33 PM

أدري من الصعب انج تلقين كل هالأشياء في مستحضر واحد؟!!
بس في الواقع في مستحضر رااائع ينعم خطوط الوجه التعبيرية وبالتالي يمنع تشقق المكياج حول الفم و يثبت المكياج مدة أطول و ينعم الوجه و يعطيه اشراق ونضارة حلوة

المستحضر لونه وردي من ماركة قوية و معروووفة
غالي شوي سعره تقريبا 30 دينار كويتي بس شكله يستاهل

طبعا الحجي اللي طاف هذا كله كلام البياعه ياااا ليت اللي جربت هالمستحضر تقول لناا
واذا محد جربه انا بشتريه الشهر الجاي و بقول لكم عن تجربتي معاه

تعبت بروووح أنام تصبحون على خير

أشوفكم باجر على خير ان شاء الله
:)

M

Marshmallows

مشرفة سابقة

18-04-2005 | 12:05 AM

امممم شكله حلو

لأن الحلوه ما تجيب الا كل شي حلو

تسلمين حبيبتي مناير وهالماركه كل شي فيها غالي

مع اني ماجربت هالمنتج

لكن اتمنى اللي جربته تفيدنا اكثر

ب

بسة

عروس متألقة

18-04-2005 | 12:23 AM

ما عندي فكرة عنه صراحة.. بس شكرا.. :)

k

kuwaitia mamlo7

عروس مشرقة

18-04-2005 | 12:43 AM

مرحبا ...

هذ المنتج شفته وجربته البياعة على أيدي وملمسة رووووعة وريحته حلوة ...

وفكرة اشتريه بس قلت تو الناس عليه توني صغيرة ......

بس اذا جربتية خبرينا عنه ...

الصراحة ترى الماركة ثقة انا مجربة الكريم الأساس والكونسيلر والكومباكت ........

:shy:

ا

البارونه توته

عروس نشيطة

18-04-2005 | 04:11 AM

تسلمييين مناري .. صراحه الكريم باين عليه حلووو .. :up:

ع

عضوة

18-04-2005 | 07:46 AM

[CENTER]مشكووووره حبيبتي

m

makeupartist

عروس مشاركة

18-04-2005 | 07:56 AM

لا برريه .............. من احسن الماركات .. كريماته فعاله ....
بس احسه للبشره اللي تعبانه او الكبيره في العمر شويه.... لان مفعوله قوي....
اعتقد من شكله ان هو : Cellura Energizing Mask

هو عبادره عن ماسك ..... مب كريم ... يعمر البشره .. ويساعد في ترميمها.. وفيه كولاجين يترس الخطوط الرفيعه .....

وقيمته فوق 400 درهم..

وهلا

M

Manary

مشرفة سابقة

18-04-2005 | 09:58 AM

شكرا لكم كلكم

رعبوب انتي الحلوة حبيبتي :)

kuwaitia mamlo7
اهي قالت لي انه للبشرات العشرينية روعة علشان توهم الخطوط في البداية بس ملمسه روووووووعة :)

ميك اب ارتيست

صح اهوا مكتوب عليه ماسك وانا وقفت ببلعوم البياعه قالت اهوا مكتوب ماسك بس اذا حطيتيه ما تمسحينه!! اهوا اسمه ماسك لانه مفعوله بالشد و تنعيم الخطوط مثل مفعول الماسك!!

اصلا ملمسه على الايد روووعة و ناااااااااعم وبسرعه شربته البشرة
بس غالي تقريبا 35 دينار

و شكرا لمشاركتج

f

fay fay

عروس برونزية

18-04-2005 | 04:46 PM

والله هالماركه تغريني حيل

بس دوم يوم اجي اشتري منها اتذكر شيين .. الاول ان اسعارهم صج مبالغ فيها .. يعني مب هي الماركه الوحيده اللي تعرف تعتني بالبشره ^_^

شي ثاني اذكر كلام البايع يوم رحت اشتري منه قالي هالماركه مايعترف فيها غير اثنين .. اما اميره " لانها غاليه "او عجوز تبي ترجع شباب هههههههههههه

فانا مب اميره ولا عجوز فأتعوذ من ابليس واوخر عنها هههههههههههههه

أ

أشواق لا تنتهي

مشرفة سابقة

18-04-2005 | 06:15 PM

ممممم صراحه هالماركه داشه مخي ومفكره اشتري منها لكن لازم ادرس المنتج عدل <<<<<<رسالة دكتوراه هههههه
ولا بغل فلوسي بالبحر

ب

برا الطابور

عروس رائعة

18-04-2005 | 06:32 PM

مناري ياقمر .. تسلمين ياقلبي .. والله شكلنا بننطرك لين تجربينه ..

لاني مالي في الطلعات إلا للشديد القوي .. ومافي إمكانيه أسأل عن المستحضرات

سبق وحكيت لكم .. يعني يقول لي خذي اللي إنتي كاتبته بالورقه وخلصيني ..

أنا ألحين قاعده أجمع أسماء مستحضرات وارقامهم قدامنا إجازه وطلعات وسهرات

والله يعين

ع العموم جزاك الله خير وببنطر تجاربك

M

Manary

مشرفة سابقة

18-04-2005 | 07:45 PM

لووووووووووووووووول فاي فاي والله ضحكتيني :)

ميمي بيبي
تصدقين انا صرت مثلج فاتحة على صورته بالسايت و اطالع <<<<يمكن اييني ببلاش والا شناطرة لوووول
وافكر اشتريه او لأ
35 دينار فيهاااا 4 شادوات من ماك و روجين من ماك و جلوسين <<<حاسبتها بالضبط

برا الطابور
شكرا لمرورج الرائع عزيزتي واذا قرتت اشتريه و شريته بقول لكم

:)

d

dantuti

عروس مشاركة

18-04-2005 | 07:58 PM

[grade="00008B 00BFFF 008080 800080"]ياحلووها هالماركة ويااااا اسعارها ...

تسلمييييييييييييين بصراحه الكريم شكله يشجع ...

وبصراحة امي تستخدمة ووجهها كثير نقي وصافي ومافية خطوط ولا شي ... لكن امي ماتحط ميك اب الا باللمناسبات يعني مدري عن تأثيرة على الميك اب والتشقق اللي يصير[/grade]

M

Manary

مشرفة سابقة

18-04-2005 | 08:04 PM

الله يخلي لج الوالده و لا يحرمكم من بعض:)

انا حاسة ان المنتج للبشرات الاكبر مننا شوي
مو للعشرينات؟!!
مشكلة البياعات انهم بس يبون يبيعون يعني لو بسأل بياعه ثانية بتقول لي عادي اخذيه
الا اذا طلعت صاحبة ذمة!! و بتقول الحق يااا ليت والله

مادري شلون اتأكد علشان اروح لها باجر و اوقف ببلعومها لووول
شكرا لمشاركتج الحلوة عزيزتي

ا

الحسن كله

عروس متألقة

19-04-2005 | 01:51 PM

[grade="FF1493 008080 DEB887 4B0082"]
شكله روعه بس افضل اللي بتشتريه تكون مقبله على سن الثلاثين مو قبل يعني يبيلي تسع سنين عشان اشتريه
ههههههههههههههه0000[/grade]

M

Manary

مشرفة سابقة

19-04-2005 | 03:17 PM

العمر كله مفهية حبيبتي و شكرا لمشاركتج:)

و

ورد الخريف

عروس ماسية

19-04-2005 | 10:07 PM

جربي وعطينا خبر

م

ملاذ الحب

مشرفة سابقة

20-04-2005 | 03:55 AM

وانا رايي من راي اللي قالت انه لبعد الثلاثين مااعتقد ينفع لنا الحين ومثل ماقالتي مناري البياعات بس يبون يبيعونه علينا في هاي الوقت لمكسبهم

M

Manary

مشرفة سابقة

20-04-2005 | 10:40 AM

شكرا لكم
و الله انا قاعده اقتنع اكثر فأكثر انه غير مناسب لأعمارنا
:)

ح

حلوة الباطن

عروس جديدة

20-04-2005 | 11:13 AM

بنات وين ممكن القى هالماركه بالرياض