كريمات تجاعيد الوجه.. كل وحده تقول تجربتها

آسفة والله ما جربت بس باق 3 سنين وأجرب

والله يالأخت أنا ما جربت أي واحد منهن أن شاء الله الأخوات
الباقيات بيردن عليج

انا اول ما جربت جربت شانيل
Age Delay
ابتديت استخدمه من كم شهر

والصراحه عاجبني خفيف وريحته حلوة بعد :up:

انتي جربيه في المحل اول على ايدج وشمي الريحه بعدين اشتريه

لا تاخذينه على طول

حاليا وقفت استخدامه لاني استخدم المجموعة الخاصه بتبييض البشره (من شانيل) عشان اصفيها وازيل البقع بعدها برجع مره ثانيه للـ Age Delay

][][§¤°^°¤§][][كانيبو][][§¤°^°¤§][][

بصراحه كنت منشغله مع الجامعه والبيت والزوج
وكنت تغذيتي زفت وماااهتم ببشرتي كلش

كانت نفسيتي زفت

لان كنت ما ابي اترك دراستي بنفس الوقت مااهمل في بيتي
لين تخرجت الكل يقولي بشرتج تخرع وشفيك مهمله كذا
وبعد التخرج ارتاحت نفسيتي وبديت اهتم بنفسي

رحت اشتري بورده كانيبو واللى اشوف الكريم معالج للبشره

فرحت واستخدم الكريم ونتيجه بانت خلال 3 ايااااام بياض غير طبيعي
وتجاعيد البسيطه ماحد وبشرتي مثل بشرت بيبي ناااااعمه وحلوووووه

عن جد عن جد اسبوع والكل انبهر ببشرتي والكل سالني عن الكريم

عن جد خواتي لا يفوتكم الكريم اذا بشرتكم جاااافه

اسفه على الاطااااااااله

لو سمحتي اختي شهد ما ذكرتيلنا شو اسم الكريم المعالج بس قلتي انه من ماركة كانيبو افيدني لو تسمحين

انا يابنات عمري 26سنه وكان علي بشره راااائعه وكل اللي يشوفوني يحلفون اني حاطه مكياج وانا والله مايكون فيني اي شي اولا لاني ماني محتاجه ولله الحمد خاصه ان بشرتي كانت جداا صافيه ومشرقه فكنت اخاف اخربها هذا غير انه كااان علي خدووووود فظيعه لكن فجأة يا بنات مدري وش اللي حصل لي الخدود سبحان الله مدري وين راحت والبشره صار فيها شحوووب ويطلع فيها احيانا حبوب وحسيت انها بدات تظهر لي تجاعيد خفييفه لما اضحك يعني تعبيريه بسبب الخدود اللي راحت ومررره مضايقتني خاصه اذا حطيت مكياج احس انها تبان اكثر لان المكياج يتجمع فيها ادري اني ثقلت عليكم بس والله من قهري وعموما الحمد لله على كل حال الذي لا يحمد على مكروه سواه فيا ليت انكم ما تبخلون علي وش اسوي علما ان بشرتي حنطيه بيضاء وهي مختلطه ومشكوووورين سلفا

انا بديت من الحين وانا عمري 21

استخدم منتجات ديور

و مرتاحه لها وايد و خصوصاً العنايه بالعيون

ان شاء الله راح اذكرها لكم بالتفصيل

مشكورين على ردودكم..

رعبوب: شو منتجات ديور هل هيه ضد التجاعيد و شو اسمها بس ان شاء الله ما تكون الي ريحتها تطفر

شهد: اذكريلي اسم الكريم بالانجليزي

وطن: بس شو رايج في كريم شانيل هل هو فعال في التجاعيد


و تحياتي..

[CENTER]حلوة الباطن
الظاهر انك ضعفتي و خف وزنك.. اشربي عصير جزر كل صبح تراه مفيد للبشره.. و كثري من شرب اي عصير طازج الصبح بعد ما تشربين كوب ماي على الريج
و بشرتج شاحبه من طريقة اكلج أو ضعفج.. شوفي البشره عباره عن مرآة لجسمك يعني اذا تاكلين صح بشرتج بتكون مشرقة..
استخدمي كريمات ضد التجاعيد و خاصة تبع الليل لانه يؤثر بالفعل في البشره فيوم تشوفينها الصبح تكون غير غير..
استخدمي زيت اللوز لعمل مساج خفيف لوجهك و لازم تبدئين من اسفل الرقبة طالعه لفوق و تبدئين من منتصف الذقن بايديك الاثنتين و طالعه ناحية خدودك.. و الجبهة ابئي من منتصفها طالعه بايديك لجوانبها و من على طرف انفك من الجهتين طالعه ما بين الحاجبين..

جربي حبوب الخميره.. و اسألي الطبيب قبل..

و تحياتي

:eek2:

ما جربت و لا شي

شو رايكم في كريمات لوريال ضد التجاعيد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا عندي مال الصباحي استخدمه مرة ومرة أخليه مع ان تجاعيد بدأت تظهر جنب شفايفي يوم اضحك ولان بشرتي جافة بدأت تغزوني الخطوط تحت العين والسبب اني كنت استخدم سمر كيك وهالبودرة اتسبب الجفاف وشد الويه وخليتها والحين مفكرة استخدم كريمات ضد التجاعيد ومفكرة في منتوجات لانكوم

اختي انا ما اعاني من التجاعيد

بدري للحين

بس هذي حماية اولية ضد التجاعيد

يعني تأخر ظهورها في المستقبل :up:

روح دبي
مشكوووووره لاهتمامك وانشاء الله حجرب طريقتك

صحيح نسيت اسالك عن كريم الليل شو تنصحيني اخذ ومن اي ماركه وشكرا مره ثانيه

و الله ما عندي اي فكره عن كريمات لوريل...

بالنسبة لكريم الليل شيسيدو عنده كريم لليل زين و فيه خلاصة الياسمين اسمه نايت اسنشيال.. تقدرين تختارين الخفيف او الثقيل.. الصراحة هو الوحيد الي شفت مركباته غير عن الباجين.. لانه معظمها ثقيله على الويه....

كريمات لانكوم بعدني ما جربيتها..

شهد وينج شو اسم الكريم ؟؟

موضوع مهم فعلا


بس شو العمر المناسب لاستخدام كريمات التجاعيد ؟؟؟؟؟

معقولة 25 !!!!

أظن ريم احسن من وقت لانه هالكريمات تأخر ظهور التجاعيييييييييد

يعني من متى عمر ال 25؟؟؟