تكفون اقرو واحكمو وقولولي شنو اسوي

السلام عليكم ورحمة الله وبركاته

انا ببدا بمشكلي من الاول وبطول عليكم بس ودي تساعدوني

اول شي انا تملكت صار لي سنه تقريبا من شهر خمسه السنه الي طافت وكان المفروض عرسي شهر 9 لكن علشان كان وراه رمضان وعلشان اخوي يدرس برا ما يقدر يكون موجود اجلوه لين شهر 12..طبعا هم ما جابو المهر لين شهر 10 انا خفت اتاخر وما الحق اني اجهز او افصل وتخلص ملابسي فتسلفت 1000 دينار وجهزت فيه فصلت دراريع(جلابيات) وشريت عزكم الله شحاطات وشنط وبدلات وخرابيط من شهر 8 السنه الي طافت... طبعا جابو المهر قبل رمضان بايام وقالو لي ان العرس تاجل لان في شخص يصير لامه توفى..رضينا بالامر الواقع وقالو حجزو اغراضهم شهر 3 قلت ميخالف مع ان اغراضي بيغبرون بس يمكن خيره...

طبعا انا رديت السلف وكنت متسلفه لما سويت لي حفلة ملجه يعني كنت لاعبه بالفلوس قبل توصلني..ويوم وصلت كانت الفلوس محدوده يعني مركزه على شغلات اني احجزهم واشتريهم

شريت اغراضي وحجزت وكل شي وفي مشكله واجهتني ::-
الي هي لازم عندنا نشتري ذهب ونوريه اهلها

طبعا بالكويت الذهب مرتفع ونطرته لين ينزل ما نزل قمت وشريت لي طقمين كبار(سبحتين) وخلصو فلوسي الي شايلتهم للذهب..ولازم يكون الذهب اقل شي 5 اطقم انا توهقت بهالشي لاني ما كان عندي احد يساعدني ..قلت باخذ من خالتي طقمين بحطهم وبعدين اردهم ..,,امي منفصله عن ابوي وما تحب تروح السوق زوجها ما يرضى..ومرت ابوي شايله ايدها من كل شي ما توديني زعلانه من زمان ولاهيه باعيالها ما تدري عنها بشي كلش..فما كان عندي احد قعدت اروح مع بنت خالتي مو كبيره وايد بالعشرين طبعا خبرتها مو ذاك الزود بس هي من النوع الي يحب يكشخ ويلبس فضيعنا الفلوس على الملابس وقعدنا..وحتى الملابس كانت غاليه على الطل يعني 7 دراريع تقريبا كلفوني 1000 دينار تخيلو

قبل عرسي باسبوع توفى جدي (الله يرحمه) واجلو العرس..صارت عندي مشاااااااااااااااكل وايد عمامي ما يبون عرس الحين ما يبونه قبل 6 شهور وما رضو حتى اني اروح بدخله عاديه من غير اي شي ..فكثرت المشاكل قلت ميخالف حظي جذي بنطر خلوه لين شهر 9 تخيلو الملابس الي عندي ..حمضووووو اختربووووو راحت موضوتهم ..طبعا انا خاشتهم لكن شنو الفايده تاجل سنه كامله يعتبر و كل شي صار قديم مع اني كنت شاريتها بمبالغ كبيره والحين اكيد رخصت ومحد بعد يبي يلبسهم..

اوكي انا الحين مو موظفه ولا شي(بطاليه) ولا اقدر ادبر فلوس اني اجهز مره ثانيه او ازيد الملابس وشهر 9 بعده بشهر رمضان ان شاء الله وطبعا ما اقدر اروح السوق بعد شهر من عرسي وبحكم اني ساكنه مع اهل زوجي بالمستقبل لازم يشوفوني كل يوم بدراعه او بدله جديده ..

وانا محتاره ما ادري شنو اسوي بملابسي ولا ادري شنو اسوي حتى في نفنوف العرس لاني ما كنت احب احد يعرف انا من وين مأجرته..بس لقيت وحده ملقوفه دورت وراي لين عرفت من وين وانا مأجرته طبعا انا كرهت نفنوفي بعد وكرهت كل ملابسي وكلا اغراضي احسهم شويه واحسهم قديمين واحس انهم صارو يفشلون..وابوي ما يقدر يعطيني فلوس اشتري ملابس بعد لانه يقولي ان فلوسج عندج وانتي لعبتي فيها انا مالي شغل باحد يكفيني مصاريفكم ومصاريف دراست اخوج

ياااااااااااااااااااااليــــــــــــــــتكم تساعدوني
ترى والله خانقتني العبره وماني عارفه شنو اسوي بعمري

لاه والحين يقولون يمكن يصير شهر 7 عرسي يعني لاعبين فيني عدل كلش مو مرتاحه وشعري وايد قاعد يطيح وبشرتي راحت فيها ..شنو تبون اوصف لكم بعد..وللعلم اني انا ما اكلم زوجي ولا ادري عنه كلش يعني بس على ورقه زواجي

واسفه حيل على الإطاله بس اتمنى انكم ما تردون اول مره اتجرأ واقول لحد هالكلام

اتمنى ترود بشي يبرد خاطري ويفرحني او حل لمشكلتي هذي


اختكم رجـــاوي