بنات الامارات....سؤااال مهم جدا

ل

ليموونة

عروس نشيطة

17-04-2005 | 12:39 AM

مرحباااا الساااع

يا بنات عندي شؤال..خاصة العرايس منكم

شو رايكم لو كان شي وكالة للعرايس ترتب كل شي للعرسان من الالف الى الياءءءءءء.. ترتيبات العرس وتزهب العروس من كل الشي وتكون على اتصال دائم ويا العروس وتخطط وياها حق كل شي من مشتريات و غيره..وتكون في مندوبة تسير ويا العروس السوق او احيانا نشتريلها اللي تباه سواء من اسواقنا والا اون لاين.. يعني تريح العلروس مثل في اوروبا و امريكا..

ارجو الرد السرررييييع

z

zumurudagirl

عروس متألقة

17-04-2005 | 09:21 AM

والله خوش فكرة

ا

احلا عيون

عروس نشيطة

17-04-2005 | 09:43 AM

والله ازقرت

صدق بنرتااااااااااااااااااااااااااااااااااااااااح وايد

تسلميــــــــــــــــــ الغلا ــــــــــــــــــين

ن

نوووسهUAE

عروس ماسية

17-04-2005 | 10:58 AM

:D2

بس لوتكون مجانا الخدمة

:D2

او ياخذون نسبة بس 1%

:up:

ب

بنت حشييم

عروس نشيطة

17-04-2005 | 11:02 AM

حلوووووو بس صعبه

ل

ليموونة

عروس نشيطة

17-04-2005 | 11:25 AM

مشكوريييين على الردوود .. وبالنسبة للي قالللو صعبة (بنت حشييم) من أي ناحية؟

ا

الصيدلانيه

عروس متألقة

17-04-2005 | 04:57 PM

اختي ليموونة...

واايد شي اماكن يجهزون العروس من الالف الى الياء...من تجهيزات الفندق كاااااامله وشهر العسل وتقدم لها الاستشارات في كل شي بس ما عدا تجهيزات اللبس لان انا من رايي ان العروس تبي شوية خصوصية يوم انها اتجهز لبسها وزهبتها وما يستوي وحده غريبه اتشاركها به

انا هذا رايي بس ما اعرف راي الخوات الباجيات

اخويتكم الصيدلانيه

ب

بنت ند الشبا

عروس متألقة

17-04-2005 | 07:20 PM

انا مع كلام الصيدلانيه يعني هم اكيد بيبدون بنسبه بسيطه على هالخدمه واتريي سنه وحده بيرفعولج السعر لنسبه ما تتوقعينها

(

((قلب حساس))

عروس مشاركة

17-04-2005 | 07:52 PM

سبحان الله دوم كنت أفكر في هالفكره :)

الفكره حلوه ... بس صدقيني الأسعار أبدا ما بتكون حلوه .....

ألقي نظره على أسعار المؤسسات أو الشركات المسؤوله عن ترتيب وتجهيز الأعراس مثل الكوشه والإضاءه وترتيب الزهبه وغيرها ...

وشوفي الأسعار.... فظيع صراحه نااااار ... ولو حتى مستوى الخدمه مب راقي ....

إحنا عندنا استغلال فظيع لحاجة العروس والمعرس وأهلهم خاصه إذا كانوا محكومين بوقت معين ولازم كل شي يجهز قبل هالوقت ...

وأزيدج من الشعر بيت ....

آخر معرض للعرايس سنة 2005 صار في أبوظبي حضرته وكان مستوى الأسعار فظيع خاصة شركات الترتيب والتنسيق للأعراس ...

تخيلي .. شركة ترتيب زهبة العروس سعر أقل ترتيب (5000) درهم وهذا عاااادي وأقل من العادي اختج الصغيره او البشكاره في البيت تقدر تسويه لج واحلى عنه بعد ...

يايبين خيشه ومندوس وباقة ورد وصندوق عرض الذهب وقاصين عالعالم .... وكتالوجااااات مسوين بعد على شغلهم؟؟؟ على شوووووو؟؟؟

حرااااام شو هالإستغلال؟؟؟؟ احنا نبا أعراسنا تكون توب بس بعد ما نفسق ونعصي ربنا ... وتروح بركة العرس ...

هذا رأيي ... والله يعين كل عروووووس في سالفة الزهبه اللي أحسها صارت من مخلفات الماضي ...

شو لزمتها بالضبط؟؟ ليش نعرضها للملآ ونتخسر زياده عشان علانه وفلانه يمدحن أغراضنا؟؟؟

هي للزوجه تلبس اغراض زهبتها لزوجها الحريم شو دخلهن؟؟؟؟ عاااااادات وتقاليد لازم بالتعليم نتغلب عليها دام سلبيتها أكثر من ايجابيتها .....

شخصيا ... افكر في عدم اقامة يوم "الزهبه" أو "المكسار" اللي عاده يكون الأربعاء عندنا ... مع اني من عائله محد سواها قبلي وعائلة جدا متعوده على الزهبه ... بس انا ضد الزهبه لأنها فسقة حريم وتباهي عالفاضي ومغايظ وبس ...

سووووري عالصراحهوأدري فضفضت واااايد بس صدق هالموضوع عزف على وتر حساس عندي :)

والله يوفقج :)