اللحق ما تحلق سوووويت السنكرز بالصور

[CENTER]
السلام عليكم ورحمة الله وبركاته


اليوم يا بنات وبعد جهد جهيد قدرت اصور لكم هذا الحلى

وحقوق الطبع محفوظه لي ..

هذا سويت سهل وحلو بنفس الوقت ويجنن ..

وانا حبيت اصوره لكم عشان تشتهون وتسوونه زيييين ...

السوووووويت طعمه سنكرز .. والصراحه انا ما خذه الطريقه من

منتدى ثاني بس اضفت فيه اشياء وايد وعدلته لين طلع لي بهالشكل الحلووو ..

وها الطعم اللذيذ ..

اي سؤال انا حاااظرة ..


المقادير :
زبدة الفول السوداني 2م ط
دريم ويب 2
حليب نستله المركز 1
اصبع زبده 50جرام
فول سوداني
بودرة الكاكاو
بودره جلاكسي 4 م ط
بسكويت اولكر مطحون 2
قشطة العلالي او قشطة اولكر او اي قشطه انتي تفضلينها 1

طريقة الطبقه الاولى : 1- نطحن البسكويت تماما ..
2- نذوب الزبده ونحطها على البسكويت ..
3- نفتح نستله ونصبه كامل على البسكويت ..
4- نحمص الفول السوداني ونبعدين نطحنه ونحطه على البسكويت ..
5- ناخذ ملعقتين طعام زبدة الفول السوداني ..
والحين حطينا كل هالمقادير على البسكويت .. الحين جيبي ملعقه
واخلطي المقادير لين تنخلط مع بعض وتصير مثل العجينه .. لا تستخدمين يدك ..
ونجيب صينيه بايركس ونرص الطبقه رص على الصينيه ..

طريقة الطبقة الثانيه :1- حطي فالخلاط 2 دريب ويب ..
2- حطي معاه قشطة ..
3- حطي الحين 4 ملاعق طعام بودرة جلاكسي ..
4- شغلي الخلاط وبس

الحين حطي هذي الطبقه فوق البسكويت .. فهمتوا .. انزين

لما تحطونها رشوا فوقها ببودرة الكاكاو عن طريق المشخاله ..

والحين حطي اخر لماتج الفنيه فيها

وحطي فوقها الفول السوداني المطحون ..

ودخليها الثلاجه لين تبر ساعه او ساعتين ..

وقطعيها على هذي الطريقه ..

اولا : اتمنى انكم فهمتوا ..
ثانيا : سامحوني على الاسلوب ..
ثالثا : يا ويلكم لو ما سويتوها تجنن والله حلوووووه ..
رابعا : انطر الردود ..
خامسا واخيرا : سلامتكم ..