كونسيلر كيفيه استخدامه ارجوكم جاوبوني

مبروووك عزيزتي

ابدي معاج من اول خطوه

اغسلي ويهج بالغسول اللي انتي مرتاحه له وحطي كريم مرطب للبشره او واقي الشمس لو بتطلعين بالنهار

وانتظري نصف ساعه

بعدها ابدي بوضع الكونسيلر

او حطي الاساس وبعدها الكونسيلر ومن ثم البودره

بالنسبه للكونسيلر

اخفي فيه العيوب ببشرتج

لو ان الجفن العلوي والسفلي عندج غامق معناته تنشرين الكونسيلر على المنطقه كامله ،، اما اذا بس السواد عندج على الجفن السفلي اكتفي بتوزيعه في هذه المنطقه

لا تحطين الكونسيلر بكل منطقه ،، فقط المناطق اللي يبي لها تعديل و اخفاء،، لان الكونسيلر بطبيعته ثقيل

انشريه بالتربيت ،، لا تمسحينه بقوه لان العين منطقه حساسه

استخدمي كونسيلر ميك اب فور ايفير الخمس الوان

بداية لو في حبوب حمرا غطيها باللون الاخضر ومن ثم وزعي عليها باقي الوان الكونسيلر بالتدريج الى ان تصلي الى افتح لون

اما بالنسبه للهالات السودا

لا تحطين افتح درجة من الكونسيلر مره وحده عليها لان النتيجه راح تكون عكسيه والمنطقه بتبين بلون نافر

ابتدي من اغمق درجه من الكونسيلر البني و ابتدي فتحي ،، بس تجنبي افتح درجه بالكونسيلر

يعني ابدي من البني الغامق وضعي طبقه خفيفه وبعدها حطي طبقه فوقها باللون اللي بعدها ، واخر طبقه حطيها من اللون اللي بعده في العلبه

يعني الـ 3 درجات اللي بالنص ،، تحطين منهم طبقات فوق بعض ،، بداية من الغامق الى الفاتح

تجني افتح درجه وهي اول وحده على اليسار ،، لا تحطينها على الهالات لانها بتبرزها لج و بتلفت النظر لها

اتركي افتح لون لعملية ابراز المناطق اللي تحبينها ،، او لعملية نحت الأنف

مبرووك مره ثانيه عزيزتي ،، واتمنى اني وضحت كل اللي تحتاجينه

اي خدمه احنا تحت امرك يالغلا

[CENTER]يعني طبقة الغامق اول بعدين طبقة الافتح ثم الافتح صح؟؟؟؟؟؟؟؟؟؟؟؟؟؟؟؟؟؟؟؟ظ

يعني طبقة فوق طبقة صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كيف احطهم؟؟؟؟؟؟؟؟؟؟؟؟؟؟؟؟؟

شكرا كثيرا اختي رعبوب على الشرح الرائع

بس حبيت اقوللك ان كونسيلر اللي شريته اللي هو سائل مش فورايفر فاتح نفس لون درجه وجهي مااشتريت غامق استخدمه والا اعطيه حد لانك قلتي لازم غامق ؟؟؟؟؟؟

[CENTER]

امس رحت للسوق واشتريت كونسيلر سائل وكونسيلر فورايفر الوانه الخمسه لاني بعد ماعلملت بحث لقيت هو اكثر شي يمدحونه البنات وايضا اشتريت بودرة مظغوطه وبودرة حرة بلمعه وبون لمعه وكريم اساس وللمعه للوجه

اريد ان اعرف كيفيه وضعهم من قبل وكيفيه استخدام

وللكونسيلر اضعه على العين كلها والا فقط تحت العين

انتظركم عزيزاتي اتمني ان اتعلم بسرعه

بعطيج طريقتي البسيطة والسهلة لأني قبل ما أنخطب بفترة حطيت العزم أني أتعلم مكياج والحمد لله

المهم بعطيج كم نصيحة ذهبية عشان يطلع مكياجج حلو

غسلي ويهج قبل كل شي ,, ورطبيه بلشيون غير دهني يعني تمتصه البشرة بسرعة

بعد الأساس تحطين الكونسيلر حوالين عيونج من فوق ومن تحت

وحوالين فمك عشان الروج تكون بارزة في النهاية

وبعدين البودرة المضغوطة على الوجه كامل بعدين البودرة الحرة ولا تنسين تحطين كمية تحت

العين عشان لا طاح شي من ظل العيون ما يتوسخ تحت العين

وبعد المكياج حطي البودرة اللماعة

وكملي مكياجج

وبس

umadil:
[CENTER]يعني طبقة الغامق اول بعدين طبقة الافتح ثم الافتح صح؟؟؟؟؟؟؟؟؟؟؟؟؟؟؟؟؟؟؟؟ظ

يعني طبقة فوق طبقة صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كيف احطهم؟؟؟؟؟؟؟؟؟؟؟؟؟؟؟؟؟

عدل طبقه فوق طبقه

اخذي مسحه خفيفه بطرف صبعك من اللون الغامق وامسحيها على المنطقه اللي تبين تغطينها

و كذا مع كل طبقه ويكونون فوق بعض

اي مافهمتي قولي لي وانا بوضح لك اكثر عزيزتي

رعبوب كفت و وفت وانا للاسف ماجربت كونسيلر فوريفر :)

كريشما:
شكرا كثيرا اختي رعبوب على الشرح الرائع

بس حبيت اقوللك ان كونسيلر اللي شريته اللي هو سائل مش فورايفر فاتح نفس لون درجه وجهي مااشتريت غامق استخدمه والا اعطيه حد لانك قلتي لازم غامق ؟؟؟؟؟؟

العفو غاليتي

امممم اذا الكونسيلر نفس لون وجهك معناته ما استفدتي شي

اذا المناطق اللي تبين تغطينها غامقه لازم تبدين تفتحين بدرجات

يعني لو غامقه جداً ابتدي من اغمق لون

او اذا مو غامقه وايد ابتدي بدرجة الكونسيلر اللي تجي نفس لون الهاله ،، وابتدي تفتحينها بأستخدام طبقه افتح فوقها وشوي شوي الى ان تصلي للون المطلوب

[CENTER]مشكورة اختي رعبوب

بس عندي شوي اسئلة:
1. متى نحط الكونسيلر قبل كريم الاساس ومتى بعد كريم الاساس؟؟؟؟
2.ذكرتي ان في حالة الحبوب الحمراء نبدا باللون الاخضر ثم البني فالبيج فالابيض صح.... عيل ليش يقولون ان لكل لون وظيفة ... يعني الكونسيلر يجيء على شكل الوان ولكل لون وظيفة
مثل
* اللون الاخضر لصفاء البشرة
* اللون الابيض لاخفاء النمش والكلف وحب الشباب
* اللون الاصفر للبشرة الباهتة جدا
* اللون البرتقالي لتوحيد لون البشرة
* اللون البني او البيج لتصغير الانف اذا كان كبيرا
* اللون الاحمر لاخفاء النمش والاحمراء
* اللون البنفسجي للبشرة الصفراء والمتعبة

والي عرفته ان كل الالوان تنحط قبل كريم الاساس ما عدا اللون البني او البيج لتصغير الانف اذا كان كبيرا (هذا هو اللون الوحيد الذي يوضع بعد كريم الاساس على جوانب الانف فتكون المنطقة في الوسط فاتحة مما يصغر حجم الانف الكبير اعتقد هذا الي قصدته الاخت مرايم السعودية؟؟؟؟؟

3. في حالة اخفاء النمش والكلف وحب الشباب واخفاء النمش والاحمراء يكون اسهل لنا وضع الكونسيلر على شكل نقاط على هالعيوب لاخفاءها بس في حالة صفاء البشرة والبشرة الباهتة جدا وتوحيد لون البشرة اولبشرة الصفراء والمتعبة لازم نحطه على الوجه كله .... فايش نسوي؟؟؟؟؟؟؟؟؟؟؟؟؟؟؟؟؟

[grade="00008B FF6347 008000 4B0082"]وينج يا رعبوب و وينكم يا بنات ياللي استخدمتوا كونسيلر فوريفر ردوا على تساؤل أم عادل[/grade]

مشكورة حبيبتي الغالية مناااااااااااااااااري على تذكيرك لهم علي

وتسلميلي يالغالية

فديتج ام عادل سامحيني والله مو قصدي اتأخر عليج

اسئلي مثل ما تحبين وانا تحت امرج


1. متى نحط الكونسيلر قبل كريم الاساس ومتى بعد كريم الاساس؟؟؟؟
اذا كنتي تستخدمين اساس سائل او كريمي حطي الكونسيلر قبل
واذا كان اساسك مضغوط ويبيله ماي خلي الكونسيلر بعده و بعد الكونسيلر انثري البودره على كامل الوجه

2.ذكرتي ان في حالة الحبوب الحمراء نبدا باللون الاخضر ثم البني فالبيج فالابيض صح.... عيل ليش يقولون ان لكل لون وظيفة ... \
عدل كلامج وانا اتبعت هالطريقه
جربت احط اللون الاخضر واحط فوقه اساس و بودره و كثير حاولت اوزعه لكن يتم ظاهر اللون الاخضر على البشره
فما لقيت احسن من اني
اول شي احط اللون الاخضر لأخفي الاحمرار وبعدين ابتدي احط من اغمق درجه الى ان اصل للون بشرتي
وبجذي انا خفيت الأحمرار و وازنت لون بشرتي.

والي عرفته ان كل الالوان تنحط قبل كريم الاساس ما عدا اللون البني او البيج لتصغير الانف اذا كان كبيرا (هذا هو اللون الوحيد الذي يوضع بعد كريم الاساس على جوانب الانف فتكون المنطقة في الوسط فاتحة مما يصغر حجم الانف الكبير اعتقد هذا الي قصدته الاخت مرايم السعودية؟؟؟؟؟
مثل ما قلت لج ممكن تحطين قبل الاساس و ممكن بعده على حسب نوعية الأساس
وفي عملية نحت الأنف شي طبيعي تحطين الكونسيلر بعد الاساس بس بعد الكونسيلر انثري البودره الشفافه عشان يثبت الكونسيلر

3. في حالة اخفاء النمش والكلف وحب الشباب واخفاء النمش والاحمراء يكون اسهل لنا وضع الكونسيلر على شكل نقاط على هالعيوب لاخفاءها بس في حالة صفاء البشرة والبشرة الباهتة جدا وتوحيد لون البشرة اولبشرة الصفراء والمتعبة لازم نحطه على الوجه كله .... فايش نسوي؟
مثل ما قلتي اذا كانت العيوب موزعه في البشره تخفين كل عيب بالطريقه المناسبه له بأستخدام الكونسيلر

اما اذا كانت البشره تعبانه وباهته مستحيل تصبغينها كلها بالكونسيلر ،، لوووول ترى انا جربت مره يطلع ثقيل و كأنك لابسه قناع و فوق هذا يقطع على البشره

في شغله عند ميك آب فور ايفر تنحط قبل اساس المكياج و الكونسيلر ،، وفي منها درجات على حسب عيوب البشره اذا كانت باهته او شاحبه
ويكون طبقه بين بشرتج و المكياج وهو خالي من الدهون

اسمه :: Corrective Makeup Base
وهذي صورته


وهذي درجاته ،، كل درجه تستخدم لعيب معين


Neutral 0
هذا اللون يستخدم لكل البشرات ويعطي مكياجج مظهر كريمي


Mauve 2


Orange 4


Blue 5

بصراحه هذي الدرجات ماعرف لشنو بالضبط اتمنى اللي تعرف تفيدنا

عزيزتي ام عادل سامحيني على التأخير وما كان قصدي

اتمنى تكون اجابتي لك عربون اعتذار

واي شي ثاني ،، تراني بالخدمه

مشكورة حبيبتي على الاجوبة وتاكدي ما بين الخوات اي زعل

حبيبتي احنا ما عندنا ميك آب فور ايفر في مسقط .... تقدري تشوفيلي اي شيء من ديور او شانيل او ماك؟؟؟؟

وسامحيني على الازعاج

هلا حبيبتي

ان شاء الله بشوف لج

تسلمي

عندكم سان لوران؟؟؟؟؟
جربيه ترى وايد حلووو وقبله اخذي هذا

يعني طريقة الاستعمال
حطي الاساس
بعده هذا Yves Saint Laurent Multi-Action Concealer
هوا صاير جنه اصبع روووج

بعدين كونسيلر توتش ايكلا

علشان الاضاءة
عورت راسج ادري وايد عطيتج ماركات

منااااااااااااااااري

سااااااااااااااااااااااااااااااااااااااااامحيني

انا الي عورت راسك لاني ما افهم في الماركات ولا في المكياج

راسي داير ومو فاهمة شيء

شااسوي بعمري... غشيمة

[grade="00008B FF6347 008000 4B0082"] أول شي الأساس بعده اللي فوق اللي جنه اصبع روج و بعده المستحضر الأخير للإضاءة[/grade]

مناير حبيبتي

الكونسيلر الاخير وايد حلوه طريقته ،، مثل الفرشاه

خذت نفسه بس من كانيبو وكان وايد حلو للأضائه مثل ما قلتي

مشكورين وتعبتكم معاي