تعالوا شوفوا نظرية امي..

السلام عليكم خواتي ...

بخبركم سالفة امي وخبروني شو رايكم فيها ...

انا كنت اكلم امي من فترة عن زيت الخروع لتسهيل الولادة ... :واتفاجأت انها ما تعرف عنه :think: قلت لها كيف ماتعرفين .. قالت انا ما اعرف ... ادري انه من احس اني بربي اسير المستشفى وخلاص ما تسوي شي غير المشي ..

قلت لها سالفة زيت الخروع كاملة ... هاوشتني ,, قالت لي لااااااااا ما تاخذينه قرب ولادتج :angry:

قلت لها ليش ها :sad: ..

قالت لي .. انا ادري انه يسوي اسهال وينظف البطن .. لكن انتي شدراج يوم تاخذينه ويزيد عندج الطلق واييج مغص لكن الرحم ما ينفتح عندج ها :mad2

قلت لها يا امي يا حبيبتي كل الي خذوه غالباً يوم او يومين ويربون وبيفتح الرحم عادي ...

قالت لي ولو .. انتي شو يضمنح ؟؟ ممكن الألم يهلكج بس مايكون فيج ولادة الرحم مب مفتوح كفاية.. :angry: وقالت لي انها يوم كان ينفتح الرحم عندها 2 سم تهلك من التعب كيف انا يوم ازيد الطلق والرحم ما يفتح ؟؟؟ :think:

اللحين انا افكر ... احس كلامها مقنع اتخيل عمري اشربه ومناك ما يفتح عندي الرحم واموت من التعب واخر شي لا سمح الله يسوون لي عملية... :cry:

انتوا شرايكم بهالكلام كيف اقنعها انه عادي ؟؟؟ او يا ترى كلامها يكون صح ؟؟ خبروني ...

مع انه بنت ييرانا جربته وولدت ثاني يوم على طول وقلت لها شفتي فلانة شربته وربت :bigsmile: قالت لي حتى لو ...

:D2 تعاندني ..