شعر طويل بدون عذاب

اختي يعني ما فهمت شعرج يوصل لين الارض بسيطة قصي منه شوي علشان يصير احسن

ماشالله تحملي بشعرج بحمام زيت قبل يوم العرس وتسريحتج خليها فري وبسيطة

والله يوفقج

السلام عليكم ورحمة الله وبركاته
عرموشة حبيبتي تراني اقص منه كل 6 اشهر تقريبا لكن ما ينفع
احبه طويل
لنه زوج المستقبل يحبه طويل:smile:
ما اعرف كيف اعتني فيه:eek2:
جربت كل انواع الشامبو حتى الزيوت الطبيعية ما يفيد
احترت شسوي

السلام عليكم

ماشالله ... ماشالله ... ماشالله

ليش ماتستخدمين وصفات البنات اللي بالمنتدى وخاصه اللي فيها مواد طبيعيه ...خلطه المايونيز مع الروب والبيض ممتازه اهم شي اختي لاتفتحين شعرج بكل مناسبه ترا العين حق وان اضطريتي وكنتي معزومه وكنتي تبين تفتحين شعرج الاحسن يكون نصه مرفوع لفوق عشان محد يحط العين على شعرج وحاولى قبل لاتطلعين تحصنين نفسج اقري المعوذات واية الكرسي والفاتحه .
انا لاحظت نفس المشكله كانت معاي لما كان شعري طويل من يطول عن اخر ظهري يبدا يصير جاف ومرات يكون متقصف اعتقد لان التغذيه ماتوصله مثل الشعر اللي فوق ( هذي من عندي ترا انا فسرت الشي ) بس من اشوفه جذي كنت احط بالاطراف كريم ولا فاشكول ولا اي شي يرطبه..يعني امسك شعري واجيبه لجدام واحط اشوي من الفاشكول واتركه اشوي واغسله بعد فتره بس والله يطلع عجيب وروعه هذي على ايام زماااااااان لما كان شعري طويل والحين اتمنى يطول ويوصل لاخر ظهري ومو عارفه شلون :(

الله يوفقج ويسعدج

تحياتي لج

نوارة قطر