اللي يعرف فوائد "الخادمه" يدخل

بسم الله الرحمن الرحيم

السلام عليكم ورحمة الله وبركاته


هـــلا أختي سحابة حب

والله ماظنتي أن لهم أي فايده

لكن إن شاء الله البنات يساعدونك

وياهـــــلا






أختــــك.. رذاذ المطر

مشكوووره ،،
مي تو نفس رايج
:)

فوائد الخادمه: زيادة الشحم واللحم:D2والكسل الفظيع، وأعظم شئ وهو....:mad2: ارتفاع الضغط والسكر لأنها لايمكن تسوي زي ما في بالك أبدا

ليش الخادمه فيها فائده واحده حتى نتكلم عن فوائدها ؟

عزيزتي الله خلق النساء و اعطاها رساله تقوم فيها في الحيات وهى ادارة شؤون بيتها وزوجها وأولادها أذا جابت خادمه زين هي شنو شغلها و شنو دورها في مملكتها ؟
ثانيا شلون الوحده منا تأمن على تربية اولادها على أيد وحده غريبه أحتمال لها عادات أو تقاليد تختلف عن عادات و تقاليد أهل البيت
ثالثا شلون تأمن على نظافة الأكل والبيت ؟
أذا لا نفع ولا فائده للخادمه

ثااااااااااانكس

لا يوجد فائدة غير تريحك من التنظيف وتهتمي بنفسك بالوقت اللي كنتي تنظفي البيت

اللحين نادر ما نشوف بيت ما فيه خدامه فأئتها الوحيده انها تفكج من شغل البيت وثاني شيء يحبذ ان تكون مسلمه عشان تحصلي اجر فيها واما الديانات الاخرى لازم ما ندخلهم بيوتنا


يعني المسلمه تكون احسن وهي بعد مسكينه محتاجه واكيد بتستاجرين فيها لمه تشقلينها عندج وترعفون هاذي الايام مشاغل الدنيا كثرت وغصبن عنا نحتاج حق خادمه وله شرايكم

صح كلامكم :)

بصراحة راي يختلف عن رايكم ..
وانا مجربة ، صارلي فترة طويلة ما عندي خادمة وكل شغل البيت على راسي ، حتى لدرجة اني ما ألاقي الوقت اللي اقعد فيه مع عيالي او ارتاح فيه .. وياليت بس يخلص الشغل ، شغل يجر شغل .. وهذا غير الضغط الجسدي والانهاك اللي اصاب فيه في اخر اليوم واللي ما يخليني اقوى حتى على استقبال زوجي الاستقلال اللي يليقله ..
بس الحين جتني خادمة ، صحيح انا مش من النوع اللي اترك عيالي للخادمات ، بس جت الخادمة وغطت شغل البيت في الوقت اللي قدرت اتفرغ لعيالي واراعيهم احسن مراعاه واعلمهم وادرسهم واشوف متطلباتهم واحتياجاتهم وبعد ما انومهم واطمن عليهم ، اتفرغ لنفسي وارتب حالي واستقبل زوجي وانا في تمام اناقتي وقوتي ، لا هدني شغل بيت ولا شيء ..
وجود الخادمة في البيت مو شرط اهمال العيال والبيت والتفرغ للنوم والكسل .. لا بل بالعكس ..
الا في حالات كثيرة حية الاحظها امامي من الزوجات وهو اهمال تام للبيت والعيال ووضعه على راس الخادمة ، وكثرت الضغط تولد الانفجار عند المسكينة فلا تلومونها ساعتها اذا ... واذاا ........


هذا مجرد راي عن تجربة شخصية ..

انا رايي من رأي حماة العروس وجود الخدامه يسهل علينا متابعة العيال وانا نطلع معهم ونستانس والصراحة احيانا اضطر اني اقعد مع واحد من العيال لانه مريض فاخلي بنتي الصغيرة لين اشوف طلبات ولدي المريض لكن لو ما كان عندي شغاله كنت راح اهمل يا ولدي المريض او بنتي
والحقيقة قسم الخادمة عندي برى فيوم ادخل علشان انوم العيال اموت واتقطع لانه سبحان الله كل العيال يطلبون طلبات في نفس الوقت تروحين تشربين واحد ،الأولاد الباقين تضاربوا ولا اثاني يقطع كتب اخوه والنونو تصيح تبي حد يشلها هذا اذا ما ياتها قذيفة صاروخيه على راسة من اخوها الأكبر منها بشوي
هذا جي وانا بنفجر فشو كنت بسوي لو انا مضطرة اطبخ واراقب العيال في نفس الوقت او كيف بروم اروح انظف وهم ما يتمون هاديين لازم اولادي يسون الله يهديهم حلبه مصارعة والله يعين على الإصابات وآسفة لاني طولت
بس هم شــــــــــــــــــــــر لابـــــــد منه

والله انا زوجي جاب من حوالي ثمن شهور واحده

كرهتني في نفسي
كانت مش بتسمع الكلام وتعاند فيا عارفه اني مقدرش ازعق مهاها عشان زوجي مش بيخليني ازعق لها يقولي حرااااام

وكمان كانت بتسرقني مع اني والله كنت مش حرماها من اي حاجه
وكانت مش نظيفه والصحون كنت ارجع اغسلها تاااني بعد مهي تغسلها

وفي الاخر مشيتها


ودلوقتي بعض اصابع الندم لان البيت كله بقي علي دماغي

وانا صحتي علي قدي

وفي الاخر لا انا طايقه اجيب واحده ولا قادره مجبيش

حماة العروس:
بصراحة راي يختلف عن رايكم ..
وانا مجربة ، صارلي فترة طويلة ما عندي خادمة وكل شغل البيت على راسي ، حتى لدرجة اني ما ألاقي الوقت اللي اقعد فيه مع عيالي او ارتاح فيه .. وياليت بس يخلص الشغل ، شغل يجر شغل .. وهذا غير الضغط الجسدي والانهاك اللي اصاب فيه في اخر اليوم واللي ما يخليني اقوى حتى على استقبال زوجي الاستقلال اللي يليقله ..
بس الحين جتني خادمة ، صحيح انا مش من النوع اللي اترك عيالي للخادمات ، بس جت الخادمة وغطت شغل البيت في الوقت اللي قدرت اتفرغ لعيالي واراعيهم احسن مراعاه واعلمهم وادرسهم واشوف متطلباتهم واحتياجاتهم وبعد ما انومهم واطمن عليهم ، اتفرغ لنفسي وارتب حالي واستقبل زوجي وانا في تمام اناقتي وقوتي ، لا هدني شغل بيت ولا شيء ..
وجود الخادمة في البيت مو شرط اهمال العيال والبيت والتفرغ للنوم والكسل .. لا بل بالعكس ..
الا في حالات كثيرة حية الاحظها امامي من الزوجات وهو اهمال تام للبيت والعيال ووضعه على راس الخادمة ، وكثرت الضغط تولد الانفجار عند المسكينة فلا تلومونها ساعتها اذا ... واذاا ........
هذا مجرد راي عن تجربة شخصية ..

صححححح كلامج اختي.
انا بعد عندي شغاله لكن حق شغل البيت بسسسسسس اعيالي
مستحيييييييييييييييييييييييل تلمسهم مع انهم 2 بس ومو صغار لا
كبار بالمدرسه ومعتمدين على نفسهم يعني جايبتها مخصوص
لشغل البيت وقرفه علشان اتفرغ لعيالي وزوجي واهم شي.. لنفسي.

اولا لغتي الانجليزيه مش ولابد ليش الفشله ..

الخدامه تفيدج خصوصا لما يكون عندج اطفال اهم شي اهم شي انها تغسل الصحون والملابس لاني اخاف على اظافيري انها تتقصف :D2
وبعدين لا تنسين انها تخفف عليج اشياء وايده يعني كوي الملابس وتنظيف المنزل وكرم السامع الحمامات بس مالها شغل بالاطفال ولا الطباخ ..

عزيزتي -%-سحابة حب-%-

أولا ليش تبينه بالإنجليزي .. شكلك راح تقدمي بحث في الجامعة عن هالموضوع وتبيننا نساعدك

:D2

بنات محد يكتب بالإنجليزي علشان تقعد تترجم في الكلام وتتعب شوي على البحث :D2

أمزح معك يا أمورة

المهم برأيي أن للخادمة دور في الحياة لكن لأمور التنظيف وكوي ونحوها

أما الطبخ والزوج والأولاد .. فليس لها شأن بهم إطلاقا

وأنا لو يصح لي أجيب واحدة تنظف البيت مرتين بالأسبوع ولا تبات في البيت فهذا أفضل بكثيييييييير

هذا رأيي

انا عندي خدامه وشهر 10 بتنتهي اقامتها وهي تبى اتم ويانا بس انا الصراحه ما ابيها مع انها زينه بس انا مليت منها وابي اتم في بيتي روحي بدون شغاله ..بس محتاره في سالفة شغل البيت احس اني ما بقدر على بيت طابقين :(

بسم الله الرحمن الرحيم






عزيزتي موضوعك اكثر من رائع ... ذكرتيني بايام الجامعه ... والابحاااااااااااث .. بس فعلا متعه ..


الله يوفقك يا رب...

عزيزتي ... للخادمه فقط فائده التنظيف فقط ... عاد الله والتنظيف مو زي ما تبغينه ... ابدا ابدا ...



الباقي رفع ضغط ونرفزه ويستهبلوووووووووووون عليك ما في معلوم مداااااام ... هههههه


اقول طريقه اسويها مع خادمتي وشوي مريحتني ...


حنا عندنا ملحق تبع البيت قريب من البيت لازق فيه للخدم .. يعني متى ما ابغاها ادق عليها ...وما اقصر معاها اذا مريحتني ...


يعني لين بغيت اسوي تنظيف شاااامل يكون ايام العطل الكبيره ... واقسم البيت واقول لها سوي هذا شيلي هذا وانا اشوفها ... مو اخليها لوحدها ...عشان تعل قلبي هههههههههههه


اما عيالي فديتهم انا اشوف طلباتهم من المطبخ نظافه الاكل مهمه جدا والا اخليها تغسل الصحون ما احسها نظيفه جايبخ غساله صحون ....

اشوف عيالي وهم مرتاحين كذا ...واهم شي انا مرتاحه ما اشوف وجها هههههههههههه مسكينه ..

بس في ايام اخليها تطلع عن خاطرها بعد هي ادميه مسكينه الجمعيه وايد عليها خخخخخخخخخخخخخخخخخ

يا كثر هذرتي هههههههه


والله يوفق الجميع ..

فوايدها:
التنظيف و الغسيل (الوعايين + الملابس)
الكواي

وبس

آنه مع الأغلبية وجود الخادمة شبه ضروري للمرأة العاملة، لأن الصراحة الواحد يقوم من الصبح وينهد حيله بالدوام ولما يكون في أطفال متى راح تنتبهين لهم وتشوفين نفسج،

آنا بقيت بدونها من تزوجت والى ماصار عمر ولدي خمس شهور لما كنه أثنين الوضع يختلف ماكان في مشكلة ناكل اي شي وكان عندي وقت لنفسي شوي ، بس لما كان عندي ولدي كنت ارجع من الدوام تعبانة ومانام واغسل وأكوي واربي ولدي يعني معاناة وماكنت اشوف نفسي الا لما يرجع زوجي ويمسكه بس شالفايدة يكون شافني وحالتى حالة، بس الحين أهتم بولدي أكثر وهي تغسل وتكوي وتكنس أما الطبخ علي كل شي اسويه لزوجي وأتعدل له قبل مايرجع، بس هذه عن تجربتي آنه....

العامله مافيها فايده غير انها اتشيل عبئ التنظيف والترتيب بالبيت والكواي
تريح البدن وتتعب القلب من تصرفاتهم