خواتي الخاطبات والمتزوجات ابي مساعدتكم

السلام عليكم ورحمة الله وبركاته ....


مبروك وعقبال العرس ...شعور عادي انج تحسين بالاحساس هذا لانه بالنسبه لج شي جديد ما عشتيه من قبل .. بس هذا شي عادي .. والله يجمع بينكم بالخير انشاء الله ويوفقكم وعقبال ما نسمع خبر زفافج بإذن الله ... وما تسين اختي انج تدعين الله ان يوفقك

شي طبيعي حبيبتي .. لازم مستقبل ماتعرفين شنو راح يصير شنو راح يصير تفكرين شلون راح يكون هذا الزوج ... معاج بتصرفاته ومعاملته لج ... فعادي وكثرة التفكير تخليج .. تحتارين ... وعادي عادي جهزي نفسج للملجة والله يبارك لج ويهنيج انشالله كلولولوولولولولولولولوش ،،،

هلا حبيبتي ..يمكن هالشي عادي.. بس انتي تبينه والا لا...اذا اتشوفين عمرج مترددة صلي صلاة الاستخارة احسن ....
واذا هو ولد طيب وولد حلال خلاص لا تخافين .. بس انا اقول صلي احسن قبل لا تتسرعين

هذا الشيء طبيعي ويمكن كل وحده تمر فيه اهم شيء ان الولد على خلق وملتزم واحسن شيء انك تستخيري
دام انكم ما ملكتوا وانتبهي اذا كان يكلمك في التلفون يمكن يحاول انه يختبرك بالكلام الحلو لاتعطيه فرصه قولي له دايما
لمن نملك هذا اضمن والله يتمم لك بخير يارب ولا تنسين تعزمينا

هذا شعور عادي اختي (بحرينية كوووول) لانكم في فترة اختبار لبعض ويبالكم فتره طويله لين تتعودون على بعض وعلى طبايع بعض

انا صارلي مخطوبه فوق السنتين ومب لواحد غريب لولد عمي بس بعد لين الحين يجيني هالشعور دايما

اتوكلي على الله ولا اتحاتين عادي

اخويتكم الصيدلانيه

شي عادي حبيبيتي و طبيعي

حاولي هدي عمرج صلي و ادعي الله يباركلكم

وعقبال العرس

[CENTER]السلام عليكم ورحمة الله وبركاته

رائعتي بحرينيه كوووووول

مبروك على الخطبة يا عزيزتي ... والله يوفقكم لما يرضاه ...

أختي الغالية اذا كان هناك احاسيس متضاده ولا تدري اين موضوعك

فانا انصحك ان تستخيري الله تعالى فمن استخار ما خاب وتوكلي

على الله ومن يتوكل على الله فهو حسبه ... من الممكن ان تقرأي

ردي ونصيحتي لك بصلاة الاستخارة شيء وقد ينصحك الكثير بها

ولكني أنا على يقين تام عزيزتي بأنك لو صلّيتيها بصدق وصفاء قلب

وتوكل تام ... بأنه لن يحدث لك الا كل خير ان شاء الله ...

عزيزتي اعتقد بأنك ايضا خطيتي خطوة غير صحيحة أو لم توضحي

الموضوع بكل تفاصيله ... الا وهي انك تتحدثين اليه وانت لم تحسمي الامر

بينك وبين نفسك وبين تلك الاحاسيس المتضادة التي تراودك ... من المفروض

غاليتي ان تحسمي الامر قبل ان تحادثيه ... احتمال انه ما يكون فيه نصيب

من الممكن انه يتعلق بيك وانتي ما تبيه أو العكس .... عزيزتي شعورك هذا

احتمال يكون عادي مثل ما قالوا البنات بس حددي موقفك من هذا الزواج

بالاستخاره ومن ثم التوكل ....

الله يبارك فيك واذا صليتي تواصلي معنا وان شاء الله خير يا رب ويوفقك ربي

أختك

العتب

مساء الخير...
أختي بحرينية تطمني وانشالله مثل ما قالو لك الخوات وأكيد هم أدرى من واقع التجربة..
أما انا نصيحتي انك بعد ما تصلين الاستخارة طبعا...تسمعي أشرطة جاسم المطوع بعنوان أحسن خطبة أكيد بتساعدك..
وتمنياتي لك بالتوفيق

مشكورين حبيباتي على الردود وما قصرتون معاي الحمدلله انا قريت دعاء وحسيت الخوف و التردد اللي عندي راح والظاهر مثل ما قلتوا ان هاذا الشي طبيعي يصير لكل وحدة وانا بحاول اهدا عمري وبستمر اقرا دعاء وان شاء الله الله يوفقني بس ابيكم تدعوا لي .

اختي صمت من وين اقدر احصل هالاشرطه وهل هي متوفرة على النت؟؟ اذا متوفرة على النت اذا ما عليش امر تعطيني الوصلة...

واشكركم مرة ثانية خواتي على مساعدتكم ما تدرون شكثر ارتحت لما قريت ردودكم

أنا مب باقي شي واتزوج وأنا مترددة :pain:

أختي العزيزة .. مبروك الخطوبة وربنا يتمم لك على خير

مسألة الحيرة هذه قد تكون مسألة طبيعية في حال عدم وجود شيء واضح أو خلل واضح في الشخصية

يعني سائلين عنه وطلع رجل صاحب خلق ودين وفقط تخافين من المستقبل وكيف راح تكون الحياة فهنا مشاعر طبيعية لكن أيضا مع كل ذلك يجب الاستمرار في صلاة الاستخارة .. وربنا يكتب اللي فيه الخير

مسألة الكلام قبل العقد بدون محرم هذا غير جائز شرعا .. حاولي ألا تبدأي حياتكم بمعصية حتى يبارك الله لكم فيها

وربنا يكتبلك الخير ويبعد عنك الشر .. وطمنينا عنك عزيزتي

هلا

شعور عادي بس نصيحة لا تطولين بالخطوبة واااااااايد يعني اكثر عن 4 شهور. بتيج المشاكل بدون سبب, فالفتره الطويله تراني امجربه والله . ولاتخافين دامه طيب وكريم وخلوق وعلى دين واتحسين انه بيسعدج ومابيقصر عليج.
الله يسعدج . ادعيلي.

مشكورين خواتي على مساندتكم ليي وعلى دعائكم وانا الحمدلله الحين راح التردد شوي وانا مستمرة على الادعية وان شاء الله الله يوفقني

اختي بنت فلسطين انا ما قعد معاه انا اكلمه في التلفون بس

أختي الكلام في التليفون خلوة .. وهي محرمة شرعا دام ما في عقد

هذا اللي أقصده .. وربما يغيب عن الكثيرات هذا الأمر

ربنا يوفقك للخير

عزيزتي اذا الأهل سألوا عنه وطلع انه رجل كفؤ وزين وملتزم فطمني والبنات نصحوج بصلاة الأستخارة فصليها واتكلي علي الله فأذا عزمت فتوكل علي الله واحب اطمنك ان هالشي عادي تمر ابه كل بنت وخصوصآ ليلة الملجة يتضخم هالأحساس عندج يعني اشوف بنت خالتي ليلة ملجتها اتغير وجهها وقعدت ترجف من الخوف وهم بنت خالي وصديقتي فأطمني والله يتمم لج علي خير

بسم الله الرحمن الرحيم
اختي العزيزة احب ان ابارك لك الخطوبه وانشاء الله تتوج بزواج سعيد جدا
[movek=right]اطمئني اللي تمرين فيه شيء طبيعي وصار لي ولكثيرمن قريباتي[/movek]
حبيبتي اذا انتي مقتنعه فيه واخلاقه عاليه مدين لاتترددين
ازيدك من الشعر بيت تدرين مابني في الاسلام بناء افضل من التزويج(مامضمون الحديث)
تركي وساوس الشيطان لانه لايريد لهاذا البناء ان يتم
عيشي هذه اللحظات فلهاطعم لاينسى
وطلبي من الله التوفيق


:yes:ونشاء الله تدعينا على الزفه:clap:


وبالرفاه والبنين

بحرينية كوووووووول اول شي مبروووووووووك على الخطبـــــــــــة


وثاني شيء اسمعي الزغروطة كلوووووووووووولوووووووووووووووولووووووووووووووووش


وثالث شيء لا تخافين ولا تحتارين (((( لنه البنت معظم الوقت تكون مترددة ))) لا تخافين خطيبج يحبج ويموت فيج ^_^

مبرووووووووووووووك حبيبتي ألف مبروووووك ، انا مع البنات أهم شي انك تستخرين

والله يوفقكم ويجمع مابينكم بالخير،،،،،،،،،،،،، ياالله يعروسنا لاتنسين تدعين لنا ان الله يوفقنا ويسر لنا مثل مايسر لك

الله يوفقج ان شاءالله ويبعد عنج وعني وساوس الشيطان