تكفون بنات الامارات اختكم منار الكويت

انا مو من الامارات بس حبيت اساعد :)

ماشاء الله كل الخليجيات فنانات بهالشي
صج أهل سنع :)

أول شي بداية في الكبت اللي تخزنين فيه الشراشف حطي مكعبات مسك من القرشي و في من الشايع مفارش ورقيه معطرة هذا للكبت و اذا كنتي حاطه مسك ريحة البخور بتلزق بالفراش بسرعه
اما التعطير نفسه في مرشوش من محل اعرفه عجيب اسمه الامبراطور و حطيه على المخاد و بعدين اخذي المخاد و بخريهم و كفر السرير نفس الشي

محل الامبراطور عنده خلطات رهيبة يوصل لج لي البيت عارفة خلطة الشيخ اللي عند تاناغرا اللي ب 50 دينار؟؟!!! يبيعها ب 5 دنانير بس نفس الريحة وقويه و عنده الخلطة الملكية هذي روووعة للتعطير الشخصي بس مرشوشه واااااااااااايد حلوووو وايد وايد حلووو اعيز واقول حلووو

بعد عندج محل بالأوقاف اسمه أفراح الكويت عنده مرشوش اسمه اطياااب هذي ريحته واااااااااااااو للفراش والبيت
و في من امل الكويت خلطة مثبته للبخور هذي بتطلع حلوة مع بخور الشايع
جربي وان شاء الله تعجبج الأفكار

ووووووووووو
خليجنا واحد و دربنا واحد
:)

مناري شوقتيني اوصي اهل ريلي من الكويت ...
على كل هالاشياء
بس خبريني كم اسعارهم ما يصير يسيرون الكويت و انا اتشرط بدون ما اعطيهم البيزات هههههههههههه

-----------

منار شوفي يالغاليه اهم شي رش الغرفه و تشغلين المكيف و تخلين الغرفه باردة
و بعدين ترشين الغرفه بالرش و تبخرينها و ترجعين ترشين مرة ثانيه .. و كل ما كان البخور حلو و ثابت كل ما كانت الريحه احلى و دوم اكثر

شوفي الغاليه

فيه في الرصاصي دخون اسمه دخون جبل علي صراحه حلو اكيد فيه اشياء احلى ودخون احلى بس هذا يبيعنه الحريم اللي عندنا فصعبه في الكويت تحصلينه فلو تاخذين دخون جبل علي وتبخرين الغرفه بس تحطين كميه وتسكرين الغرفه عشان تتشبع الغرفه من ريحة البخور وعقب ماتخلصين ترشين عطر الغرف في كل مكان واحلى عطر من عطورات البيت الجاهزه صراحه حسيته هو من الرصاصي اسمه الكوثر هذا ريحته روعه وفيه خلطات ثانيه بتحصلينها في المنتدى

وفيه شي ثاني للغرفه عقب ماتبخرين وكل شي ،،،، فيه مداخن تكون مسكره من فوق وفيها فتحات (اكيد بتعرفينها شكلها انتيك من فضه) هذا عاد للزينه عقب ماتخلصين الدخون والعطور تحطين الفحم فيها وشوية دخون وتخلينه عشان تتجدد ريحة الدخون وماتروح،،، انا اختي تحط المدخن الكهربائي عقب ماتدخن يعني والضيوف عندها تكون مخليه المدخن عشان اتم ريحة الدخون بس انا اخاف من المداخن الكهربائيه مادري ليش فطريقة الانتيك وايد احلى

عاد الفراش قبل ماتعطرين الشرشف (بعد بالكوثر او خلطة عطور ثانيه تعجبج) لازم تبخرينه نحنا صراحه العرايس عندنا لازم نبخر شراشفهم ولبس المخدات ليلة العرس ونعطرها وعقب ماتبخرين الشرشف ولبس المخدات وتعطرينهم عدل (بس لاحظي اللون يكون غامق واذا فاتح لازم تجربين العطر على طرف الشرشف تشوفين اذا يبقع ولا لا،،،، وقبل ماتحطين الشرشف على السرير لازم تعطرين الدوشك اللي تحت بس كثري من العطر وخليه ينشف شوي قبل ماتحطين الشرشف

مادري انا اكتب بسرعه احس كلامي مخربط ،،، سوري

jami


والله على حسب
الخلطات تتراوح من دينارين الى 5 و البخور اللي عجبني تولته ب 12 دينار ومثبت البخور مال امل الكويت ب 3 دنانير تقريبا
يعني اذا تبين عطيهم تقريبا 50 دينار
والاحسن لو تقولين لي بالضبط شنو تبين وانا اطرشهم لج من عيووووني
:)

[grade="00008B FF6347 008000 4B0082"]مرررررررررررحباااااااااااا

شــــــوفي اخــــتي مـــــنار احســــــن طرـيقــــــه لتعـــــطير الغــــــرفه

نـــــفس مـــــا قـــالت اختـــــي (jami)

هـــاي احســـــن واســــــهل طريــــــقه

واتمـــــنى انـــنــــــا افـــــدنـــــاج عزيـــــزتــــــي

اختــــــج.................... بـــــــــدويـــــــــه حــــــــلـــــــوه[/grade]