خبرتكم يا بنات الامارات (فستان عرس)

ب

بنت جميرا 6

عروس متألقة

13-04-2005 | 09:19 PM

[CENTER] السلام عليكم ورحمة الله وبركاته

خواتي حد يعرف مصمم فنان (شغله مرتب وحلوو ) يصمم لي فستان عرس ...

بس يكون (لبسه وحده ) يعني يصمم لي على ذوقي وعلى مقاساتي (بس تكون القطع من عنده)

وبعدين أرده لهم بعد ما ألبسه مره وحده .. فتكون لبسه وحده ..

ويا ريت يكون المصمم في دبي ...

خواتي لا تبخلون عليه بالمعلومات ..
ويزاكم الله الف خير ..

ا

الصيدلانيه

عروس متألقة

13-04-2005 | 10:49 PM

وعليكم السلام والرحمه اختي بنت جميرا 6

والله انا من فتره طويله وانا ادور مصممين اللي يصممون للبسه وحده بس للاسف ما لقيت مصممين اوكي.. بس اترومين اتفصلين عند اسكاليني اللي في جميرا بيفصلون لج الفستان بسعر واايد زين والقطع بعد بتكون من عندهم ( للعلم ان الفستان بيكون لج يعني مب للبسه وحده)

ربيعتي فصلت عندهم ب 16 الف بس والقطع من عندهم .. لانج لو رحتي عند مصممين اللي يفصلون للبسه وحده بيفصلون لج الفستان ب 15 الف يعني ماشي فرق

بس حبيت اخبرج ان معظم المصممين اللي يصممون كانوا قبل للبسه وحده وكانوا يفصلون ب 6000 و8000 قاموا يفصلون ب 15 الف و 16 الف هذا اذا مب اكثر وعندج مثال هزار اذا اتعرفينها يوم رحت عندها قالت لي بفصلج الفستان للبسه وحده ب 30 الف :think: اتخيلي

اخويتكم الصيدلانيه

ب

بنت جميرا 6

عروس متألقة

14-04-2005 | 12:07 PM

30 الف .. ولبسه وحده ..؟؟!!!

انا ربيعة اختي فصلت عند روزلينا ولبسه وحده ..

وحصلت مصممين في معرض عروس 2005 يفصلون لبسه وحده .. بس بعدني متخوفه .. انا بمكان شغله حلووو ومرتب ...

مشكوووووووووووره الغاليه على الرد .. وتواصلي ويا الموضوع .. وانشالله انا بعد بسأل واذا حصلت بخبركم ..

ويا ريت اللي تعرف لا تبخل علينا ...

ا

الصيدلانيه

عروس متألقة

14-04-2005 | 12:15 PM

بس حاسبي ولا اتجازفين بانج اتفصلين عند اي مصمم وخاصة فستان العرس ما يباله مجازفه اي غلطه فيه بتتوهقين

روحي عند مصممين حد امجرب وامفصل عندهم عسب اتأمنين على فستانج

وانا ان شاء الله بروح معرض العروس وبدور مصممين اوكي

اخويتكم الصيدلانيه

ع

عروس اللولو

عروس مبدعة

14-04-2005 | 12:17 PM

الغالية أنا بعد أنصحج بسكاليني .. هو جريب برجمان حذال سبلاش .... عندهم المصمم الفلبيني عارض شغله في المحل تقدرين اتسيرين و اتشوفين وتاخذين فكرة ... و في عندهم مصممة لبنانية يديدة من كم شهر عندهم بس ما عندي فكرة عنها وايد بس في ناس يمدحونها .. بس الفستان يكون حقج مب لبسة وحدة

و عن أسعارهم ما عندي فكرة بس انتي أتصلي و اسألي بالتلفون بخبرونج ... بس فساتين السهرة تبدأ من 3000

انتي مري على كم محل و شوفي .. و الله يوفقج و مبروك مقدما

ب

بنت ند الشبا

عروس متألقة

14-04-2005 | 06:24 PM

اختي انا اعرف وحده من الشارجة هي مصممه اماراتيه سوت حق وحده من اهلنا الفستان ب 20 الف حق لبسه وحده وفستانها كان واااايد حلو وغريب اذا حابه اتعرفين مكانها طرشيلي عالخاص

ا

اّاّسرة القلوب

عروس مشرقة

15-04-2005 | 07:44 PM

غواشي

m

meaw

عروس مشاركة

16-04-2005 | 09:59 AM

مرحبا بنت جميرا 6...
أنا يوم الخميس سرت ايزرا في جميرا 3 شوي عقب شويترام و الجمعية.. كان يشتغل في أروشي و طلع فتح له مشغل روحه.. الفستان قاللي بين 25 و 27 مع القطع بس مب لبسة وحدة.. لكن في وحدة يتعامل وياها تاخذ الفساتين اللي يسويها و تأجر، و اذا حد استأجرها تعطيج المبلغ و تاخذ نسبة..
أنا حبيت الديزاين لأنه كان وايد على ذوقي..!! و أعرف ناس شايفين و مادحين شغله.. وان شاء الله بتوكل على الله و بسوي عنده و بحاول بعدين أأجره أو أبيعه..

مري عليه طالما انتي من جميرا و ما بتخسرين شيء :yes:

و ألف مبروك .. :smile:

ب

بنت جميرا 6

عروس متألقة

20-04-2005 | 12:25 PM

اختي الصيدلانيه .. انا من جيه لجأت لبنات المنتدى ويالسه أسأل .. وانشالله الله يوفقني في اختيار المصمم ..

اختي عروس اللولو أنا اتصلت في سكليني .. وقالولي انهم ما يفصلون للبسه وحده .. :sad:
وانا فصلت عندهم حق عرس اختي ب3500 والفستان في قمه الروعه .. بس يا خساره ما طاعت يفصلون للبسه وحده ..

اختي بنت ند الشبا ... 20 الف حق لبسه وحده مب جنه شوي غالي ... :think:

اختي آسره القلووب ... انشالله بتصل في غواشي وبسألهم ..

اختي meaw انا ربيعتي خبرتني عنه .. وعرفت الحرمه اللي تتعامل وياه .. ويا ريت يفصلون للبسه وحده .. انا انشالله بسيره وبكلمه بنفسي .. لأنه هالمصمم واايد ناس مدحولي اياه...

ب

بنت جميرا 6

عروس متألقة

20-04-2005 | 12:27 PM

والله يبارك فيكم .. ويوفقكم جميعا انشالله ..

واذا في اي معلومات يا ريت تخبرونا .. ومب شرط يكون المصمم في دبي .. المهم يكون في الامارات ...

ب

بنت الممزر

عروس جديدة

21-04-2005 | 04:15 AM

[CENTER]بسم الله الرحمن الرحيم

انا عرووس بس من العيله:no: سرت فصلت عند خالد خليل وحسب عليه الفستان والقطعه 32 الف لان عرسي الشهر الياي ان شاءالله
بس اختي فصلت عند غريس هذا مصمم في ديره يو سالتها عن فسان العروس قالت بفصلج حق لبسه 12 الف حق لبس وحده ويوم رواتني الفساتين رووووعه ندمت انتي ستعيلت:confused: وفصلت عند خالد خليل سيرلهم اختي خذي فكره مابتندمين

ا

الصيدلانيه

عروس متألقة

21-04-2005 | 05:45 PM

اختي بنت الممزر...

لو اترومين اتيبين لنا رقم المصمم اللي سوت عنده اختج بنكون شاكرين لج

اخويتكم الصيدلانيه

ب

بنت جميرا 6

عروس متألقة

28-04-2005 | 12:58 PM

مبرووك عليج يا بنت الممزر .. ومشكووره على المعلومه ..

وانا اتصلت في البداله 181 .. وعطوني هالرقم .. ومدري اذا هو ها اللي تقصدينه ...

2686889 ...

( وما زال البحث جاري عن مصمم للبسه واحده )

أ

أحلى عروسه

عروس مشاركة

28-04-2005 | 02:15 PM

رحبا خواتي قريبت موضوعكم و عيبني واااايد انا ان شاء الله جريب عرسي و ابا افصل و الفتان يكون ملكي

ممكن تعطوني رقم ( بسكاليني )

بس ابي اعرف اسعار فساتين الزفاف عنده كم بيوصل تقريبا ممكن بيوصل 7000 او 8000 ؟؟

N

Nuriko

عروس جديدة

28-04-2005 | 02:42 PM

اختي بنت جميرا
انا مرت اخوي فصلت فستانها لبسه وحده والقطع والاكسسوار كله من عنده
ب 7500
وكان وااااااااااااااااااااااااايد حلو ومرتب ( يمكن لانه رايحه والموديل في راسها )
وصراحه شكله غاوي
وكل الي شافوه ما عطوه هالسعر
المصمم في الشارقه
شارع الوحده
اسمه كومو

اتمنى اني فدتج
والله يسرلج و يسعدج و يهنيج

ب

بنت جميرا 6

عروس متألقة

28-04-2005 | 03:00 PM

اختي احلى عروسه .. انا اتصلت في اسكاليني .. وقالي انه ما يفصل للبسه وحده .. بس يسويلج فستان يكون لج ..

مشكوووووووووووره Nuriko على المعلومه .. وانا انشالله بخطف على هالمصمم ..

أ

أحلى عروسه

عروس مشاركة

28-04-2005 | 07:20 PM

بنت جميرا

انا ابا الفستان يكون حقي ............

بس عطيني رقمه لانه عرسي جريب و ابا افصل فستان حق عرسي

ب

بنت الممزر

عروس جديدة

01-05-2005 | 11:43 AM

بسم الله الرحمن الرحيم

سوري اختي على اتخير بس تعرفين ربشة العرس هيه حبيبتي نفس الرقم

والف مبروووووووك

م

ملاك_بـوظبي

عروس نشيطة

01-05-2005 | 02:22 PM

مرحبا أنا أعرف مصممه في بوظبي

ربيعاتي كلهن يتعاملن وياها...........

و فساتينها فقمه الروعه و أسعارها ما بين 10 إلى 12 ألف

تلبسينها لبسه وحده و ترديلها إياها

اسم محلها تقاسيم و موجود في السوق اليديد في بوظبي

م

مريم الحب

عروس جديدة

04-05-2005 | 03:04 AM

السلام عليييييييييييييكم والرحمة:
شخبااااااااااااااااااركم جميعا ان شاء الله بخير
اولا مبررررررروك عليج الزوواج وان شااء الله يسعدج ويهنيج امييييييييين
جميع العراايس علشان محد يزعل
حبووووووبة انتي تبغين تفصلين وتردنيه عليهم والا كيف عندج لمسات وووايد حلوووووووو لانة خالتيه مسوية من عندة الحين في شهر ستة عرسها 11000 بس شغلة مرتب وعلى الموضة هو الي يصمم فلبيني بس داخل مصرية سيري وشوفيه عندج لادونا حلوو بعد عارض في المجله فساتين كانت رروعة والمنصوري الي في بوظبي وووايد حلوو يفصل بس تردينه بنت خالتيه مسوتنة 7000 مفصل بس ترجعة اذا حبيتي اتشوفينة سيري وشوفي
الله يسعدج
مع السلامة