يالله .. قبل الطواري ساعدوني ؟؟

شوفي اختي انا كنت مجهزة الشنطة من قبل ما ادخل التاسع يعني يمكن من الثامن ولين اخر يوم بروح فيه المستشفى بعدي تذكرت اشياء

المهم خذي لج لباس قطعتين تكفي ان شاء الله طبعا الللبس اقصد ملابس داخلية وملابس يعني كل شي تلبسيه خذي اثنين يكفي لانك ان شاء الله ما بطولي اكثر من يوم والثاني طالعة فيه باذن الله
وبعدين لا تنسي الصابونه علشان لما تستحمي وفرشة الاسنان والمعجون ومشط وكريم للشعر وعطر عشان تتعطري بعد للزوار لازم تستقبيلهم بشكل زين زطبعا الفوطة ولا تنسي الفوط الصحية ماا ظن بتحتاجي اكثر انا هذا الي كنت مسويتنه بس طبعا انا طولت لاني بعملية بعدين خواتي يابوا لي الزيادة الي احتجتها لاني ظليت اسبوع

اما بالنسبة للبيبي طبعا المستشفى فيه كل شي لكن لازم تاخذي احتياط يمكن تحبي تستخدمي اغراضك مو اغراض المستشفى

خذي صابونة البيبي وحفاظات وخذي له مفرشين تلفينهم فيه لان في المستشفى ما يخلونا نقمطهم بس نلفهم بدون ما نربطهم زين يقولون موب زين

المهم الصابونه
مفرشين للف البيبي
بطانية علشان لما تيويدنه وترضعينه علشان الجو البارد مو زين علشانه لانه متعود على جو دافي

بس عاد مو بطانية نار لان الجو زين بطانية خفيفة بس ادفيه
ومحارم ورقية لتنظيف البيبي ما ادري شريتي منها او لا هي من جونسن او بامبرز تكون مناديل رطبة فيها كريم تمسحي بها بشرة الطفل خاصة عند تغيير الحفاظات
وبودرة الطفل
وطبعا لباس للطفل خذي غيارين يكفي غيار لليوم الاول والثاني لليوم الثاني وان شاء الله بتكوني طلعتي

بس اظني هالاشايء اذا تذكرت شي بكتبه ويمكن البقية يكتوب الاشاياء افضل مني

مشكورة حبيبتي ...

وينهم البقية ...... ؟؟؟؟؟؟

الله يسامحكم ..

اخذي معاج الله يسلمج قميصين نوم اللي بتلبسينهم لين حد زارج ويكونون كشخة واثنين مثلاً للنوم عاديين اوكي ..علي حسب الايام اللي بتقعدين فيها بالمستشفى ..
ملابس داخلية .. / فوطة/ صابون/ شامبو / مزيل عرق / عطر / انا خذت معاي مجموعة كريم وشاور جل وبودرة من بودي شوب اللي لونها ازرق ماعرف اسمها / مشط / الفوط الصحية / معجون وفرشاة اسنان / ساعة لليد / استشوار / ... / القطن اللي يحطونه للصدر علشان الحليب .. خذت معاي بودرة ومسكرة بس ما ستخدمتهم خخخخخ ..

كفر للسرير / عطر للفراش بس خفيف مو ثقيل انا خذت معاي تعرفين مال الرصاصي اللي اسمه اكوا خذت اللي لونه وردي ريحته هااادية وحلوة ...



للبيبي .. خذي فوطة / 4 مهادات مع لباسهم / صابونة / بودرة / ماعرف يا ربي شسمه اللي تحطين فيه الياهل لين طلعتي من المستشفى بالسلامة ./ حليب / مرضاعة / حفاظات ..



آآآآآآآآآخ تعبت وانا اعصر مخي هاي اللي اتذكره الحين مع اني توني والدة من شهر بس ناسية ..لين تذكرت شي زيادة بخبرج ...


وترى الملابس انا حطيت زيادة بس ماستخدمتهم .. والله يقومج بالسلامة ويهون عليج الطلق يا رب

شجوون رايحه عرس الله يهداج لوووووووووووووووووول والله ضحكتيني يا اختي ملابس كشخه ليش؟؟؟؟؟؟؟ اهي مستشفى واكيد الي بيزورونها اهلها المقريبين وزوجها واهله ... خلي الكشخه في البيت وبعدين شحقه مكياج بودره ومسكره وقتها انتي بتكونين تعبانه مالج خلق نفسج مع اني مو مجربه بس هذا الي انا اعرفه واشوف رفيجاتي الي مجربين ... اخذي اغراض ضروريه انا عندي كلام الاخت قلوب صحيح وبعد كلام الاخت شجون بس شيلي الكشخه والمكياج لوووووووووووول حبيبتي بجعه اخذي شغلات ضررويه اسالي امج اكيد بتعرف اكثر .....



تحياتي لكم

اهة حاجة انك تاخدي ملابس لبسها سهل علشان ان حتكوني تعبانة و حركتك ثقيلة بس انا هذا يلي سمعت انو مهم للأم و لازم يكون حاجة حلوة

والله يوم كنت اجهز امي تقول لي شنطة عروس لوووووووول .. بس انا اقصد ملابس كشخة قمصان النوم اللي تكون للاستقبال يعني تكون راقية قطعتين احنا في قطر جذي مادري عن باقي الدول اشلون ؟؟


والمسكرة والبودرة حاطتهم او اني ابي اكون حلوة بس من التعب ما حطيتهم ..

مشكورة اختي بجعه لوضعك الموضوع

بصراحة جات في وقتها لاني محتاجتها

اول شئ اللة يقومك بالسلامة يابجعة انتي والبيبي ....

ثانيا الشنطة اللي بتجهزينها تكون ليومين اول اقل اذا كانت الولادة طبيعية ان شاء اللة وعلى هذا الأساس لا تكثرين اغراض زي عندنا بالسعودية اللي بتولد في المستشفيات الحكومية من يوم الى ظهر او عصر اليوم الثاني يعني ماأحد يزورها الإ اقرب المقربين وبتكونين تعبانة يادوب تروحين الحمام وتقومين للأكل وترضعين البيبي مرتين ثلاث ...

الشنطة تحتوي على (( قميصين نوم قطنية طويل .. غيار داخلي اثنين مع الفوط 6 حبات واذا احتجتي زيادة اطلبي الممرضات يجبونلك
طرحة لشعر على لون القميص حتى الهواء ما يبرد سواء المكيف او النافذة ... فرشة ومعجون ..صابونة .. مشط وربطة شعر ... و فوطة تكون كبيرة )) هذا انتي وماله داعي المكياج توك خارجة من الولادة وعيون الناس ما ترحم واستشوار لإنك بتغطين شعرك وهذا احسن لك ولصحتك لحد ماتروحين لبيتك وهناك استشورية واستحمي جيدا ويصير كل شئ تمام

وبالنسبة للبيبي (( حطيلة لفتين قطنية (مهاد) واثنين لباس داخلي ( بربتوز ) واثنين خارجي )) هذا المهم جدا
اما بقية الأغراض من الشامبو والبودرة والحفاظات . من تجربيتي الأولى ماراح تستخدمينها ياردوب ترضعينة وبيرجع للحضانة وكل شئ متوفر وراح يحممونة وبس انتي غير لبسة بشئ جديد ونظيف


هذا اللي عندي وسلامتك وانتي وراحتك بس نصيحة لا تكثرين اغراضك لان تعب الولادة كفيل انة يسد نفسك اي شئ استني روحتك لبيتك وخذي راحتك اضمن وانظف من المستشفى سواء حكومي او بفلوس

اللة يقومك بالسلامة (f)(g)(f)

مشكورين والله وما قصرتوا ..

ان شاء الله اليوم ولا باجر بجهز الشنطه ..

من كل شي قطعتين او 3 كفاية .. صح .. هالي فهمته ..؟؟

يالله عاد لا تنسوووني من الدعاء

[CENTER]


السلام عليكم ورحمة الله وبركاته


[align=right]


هلا بجعه

شوفى الرابط ده بيفيدك ياسكره


تجهيزات الام والمولود

وان شاء الله البنات يفيدوووك

وربنا يقومك بالسلامه ويسهللك ولادتك
[align=left]



[CENTER]حبـــيبـــــــــه ,,,

ههههههه
غريبه
دوم تحطين مواضيع تزيغ محد معقدني في حياتي غيرج ههههههههههههههههههههه
لا و ما اتوب ادخل مواضيعج و اطلع و انا زايغه من الولادة
اول مرة تحطين موضوع عادي ما فيه اكشن ولا رعب

يالله الله يسهل عليج و تقومين بالسلامة و تحطين موضوع عن الولادة اللي مزيغتنا فيها عسب نشوف شو بيكون مصيرنا بعدج خخخخخ

حبيبه 110 ...

مشكورة حبيبتي ...بس

هالموضوع الي انا اقصدة ان مافي عدد الاغراض ...

jami

خلاص طفح الكيل كل الرعب فريته ورا ظهري .. مستعيلة ابا اولد ..

ابا اشوف شكل البيبي

الأخ الغاليه أنا لي خبره في هذا المجال لأني أم عيال وطبعا بقولج شو الشي الي بيكون ضروري
أن شاء الله أغراضج أنتي فوطه للأستحمام+أربع جلابيات شكلهن بسيط وحلو+طقمين من الملابس الداخليه
صابون+معجون وفرشاه+مشط وربطت شعر+كريم مرطب للوجه وقلم كحل +مشدللبطن+قطن للصدر+غطاء للسرير يكون
خفيف ودافي+دهن عود أذا حبيتي تتعطرين أو تعطرين الزوار الي بيونج
أغراض البيبي لفه وحده ولبس داخلي ولبس حلو للطلعه من المستشفى مع الخش اللحاف الي يحطون الياهل فيه
ملاحظه الشياء الثانيه موفره بالمستشفى مثل الفوط الصحيه وصابون البيبي وكل شي البيبي بيكون عندهم ايبونه بس
ترضعينه ويرجعونه مره ثانيه الحضانه
ومبروك مقدما

*لهيب*


مشكورة اختي ..

بس ممكن اعرف انتي في اي مستشفى تولدين ...

انمنالك باذن الله يقومك اختي شوفي انا لمن الروح للولاده احط بشنطه روبين و ثوبين كشخه طبعا عشان الزوار

عطر مشط شالين حلوه الم فيهم شعري ولاهم من كذا الكلتات الجاهزه الي موجوده في الصيدليات تعرفين اول يومين

من الولاده الدم بيكون كثير وبتغيرين اكثر من ثلاث غيارات فليوم

بالنسبه للبيبي خذيله ثلاث بربتوزات دافيه اشوي ثلاث فنايل داخليه ومناديله وفرشته الناعمه وعطره بعد

وثلاث كوافل كامله بقطعها

لان ابصراحه لبس المستشفيات مررره مو حلو

مشكورة اختي بجعه لوضعك الموضوع

بصراحة جات في وقتها لاني محتاجتها

االله يهل عليك يااااااااااااااارب وتبشرينا

الله يسهل عليج

وأنا طبعا بدري على لأني بعد ما تزوجت ملكت بس

ومنكم نستفيد

العفو حبيباتي .. بس بلييييز ادعولي ما باقي الا اسبوعين ...