مقارنه بين بودرات الوجه !!

f

fay fay

عروس برونزية

12-04-2005 | 03:14 PM

السلام عليكم

عزيزاتي موضوعي عباره عن سؤال لكن بنفس الوقت استفاده لنا كلنا

لاحظنا كثير اسئله بالقسم عن بودرات معينه وزكريمات اساس سواء سائله او كيك او بودره حره او مضغوطه ..

طيب من فتره اختي ميمي بيبي نزلت موضوع

تصويت يابنات شنو احسن نوع بودرة وأساس استعملتيه وتفضلينه

وكانت نتيجه التصويت :

كريولان 5 7.46%
ماك 24 35.82%
ديور 13 19.40%
شارمل 2 2.99%
BN 5 7.46%
غيرلان:ديفينورا 9 13.43%
كانيبو 14 20.90%

يعني الاغلبيه ذكروا ماك بالمترتبه الاولى وكانيبوا بعدها واخر مرتبه كانت من نصيب شارمل ..
النتاايج هذي الموجوده حاليا يومكن تتغير عقب ساعه وحده بمعنى انها مو نهائيه لكن انا ذكرتها من باب ايجاد مقارنه ..

سؤالي الحين ..

ليش انتي فضلتي هالماركه على الباقيات ؟؟
شو مميزاتها ؟
ومتى تستخدمينها " بمعنى تناسب لاي الاوقات "؟؟
وش اللي يخليها افضل بنظرك ؟

وان كنت جربتي الاسوء من بين هالماركات ياليت بعد تذكرين لنا ليش حسيتيها الاسوء ؟؟

تكفون مو تذكرون لي وش تستخدمون وبس .. لا نبي السبب والميزه اللي خلتك تفضلينها ..

اجمل تحيه

ا

البارونه توته

عروس نشيطة

12-04-2005 | 03:51 PM

[CENTER]

السلام عليكم ,,,

أشكرج عالموضوع حبوبه فاي فاي ... واايد بنستفيد منّه ...

أنا مادخلت التصويت ... لكن لو دخلته كنت بختار ماك أكييد .. أنا استخدمت من عندهم:

+.+.+.+.+

-كريم أساس سائل ( Hyper real SPF15) ... وهذا استخدمه للعزايم والحفلات ,

-كومباك فاونديشن أو كريم الأساس المضغوط ( studiotech ) .. وهذا استخدمه للنهار أكثر شي لأن تغطيته طبيعيه ورااائعه .. ,

- والكومباك باودر ( studiofix) ... وهذي استخدمها بعض المرات فالبيت بعد الكريم المرطب .. + بلاش ..

لكن ليش فضلت هالماركه على غيرها ... :

لأني جربت كذا ماركه لكن لقيت ماك الأفضل من ناحية انها ماتتشقق عويهي وتعطيني مظهر طبيعي natural ..
بس أنا بعد أستخدم ماركات ثانيه ما انطرحن فالتصويت ..

بالنسبة لكريولان ماحب استخدمها لأني احسها ثقيلة وخاصه بحفلات .. الشي الوحيد اللي استخدمته منها هو الكيك آي لاينر + فرشاته الرفيعه ... هذا خبااال أنصح الجميع فييه ..

الماركات الثانيه ما استخدمت ولا شي منهم ....

ووووشكــراً عالموضوع .. ^_^

f

fay fay

عروس برونزية

12-04-2005 | 04:13 PM

هلا بك عزيزتي البارونه

تسلمين لردك وان شاء الله الموضوع يعجب الباقيات وبالفعل يفيد الكل :)

بالنسبه للي استخدمتيهم .. فانا استخدم نفس كريم الاساس واستخدم البودر ستديو فيكس
احبهم لان مثل ماقلتي كلش طبيعات على البشره مع اني الكريم استخدم للمناسبات اكثر لان فيه لمعه خفيفه وانا ما احب المظهر المات في الاساس ،، افضله شوي فيه شفافيه او لمعه عشان ما احب اكون ببشرتي حيل متصنعه .. احبها طبيعيه اكثر .. عموما اللي لاحظته من الكريم هذا انه يعكس نور بشرتك نفسها ويحليها :) اخر مره حطيته الكل علق على مكياجي حتى اخوي الكبيررررر وهذا نسميه ابو الهول لانه ماينطق بس والله نطق ذاك اليوم قالي محلوه كثير هاهاها

انا دوم احس ان الرجال يحبون يشوفون زوجاتهم متعدلات بس يحبون التعدل بذكاء يعني بطريقه مو واضحه حيل لكن ذوق وتجنن عشان كذا يعجبني الاساس الخفيف ^_^

بالنسبه لكريولان هالماركه ودي اجرب اساسها بس اخاف منها هي وبن ناي احسهم ثقال نفس شارمل

صديقتي انجنت لين شرت شارمل من كويت ويوم شرته الحين مرمي عندها كلش مب حابته تقول ثقيل حده

عموما مشكوره الغاليه ومنكم نستفيد

M

Manary

مشرفة سابقة

13-04-2005 | 09:06 AM

اذا شريت ستوديو تيك من ماك وجربته برد لكم خبر
:)
موضوووع راااااااائع

ا

الحسن كله

عروس متألقة

13-04-2005 | 05:10 PM

انا الكريم اللي استخدمه والبودره مو داخل التصويت بس بذكره للافاده استخدم كريم اش ار كلور كلون
وبودرة لانكوم المضغوطه اللي علبتها ازرق تعطيني تغطيه كامله ومناسبه لبشرتي وما احتاج للكونسيلر

L

Lovley_Eyes

عروس متألقة

13-04-2005 | 05:19 PM

«®°·.¸.•°°·.¸¸.•°°·.¸.•°®»
انا استخدم نوعين الاول غيرلان صراحة عادي جدا و الثاني ديور احسن من غيرلان....بس اليوم ابي اشتري ماك لانها افضل ماركه في نظري بس الاسبوع اللي طاف اشتريت الايلاينر ما عيبني حسيتة عادي استغربت اننه من ماك«®°·.¸.•°°·.¸¸.•°°·.¸.•°®»

L

Lovley_Eyes

عروس متألقة

13-04-2005 | 05:19 PM

انا استخدم نوعين الاول غيرلان صراحة عادي جدا و الثاني ديور احسن من غيرلان....بس اليوم ابي اشتري ماك لانها افضل ماركه في نظري بس الاسبوع اللي طاف اشتريت الايلاينر ما عيبني حسيتة عادي استغربت اننه من ماك

و

ورد الخريف

عروس ماسية

13-04-2005 | 05:37 PM

السلام عليكم

اللي أستخدمه من بودي شوب يعني مو داخل في التصويت لأنه يعطيني تغطية لكل العيوب

وديور مره حلو

أما ماك أنشالله لارحت السوق أخذته

وكريولان ما عجبني أحس ما يناسب بشرتي المختلطة

وبس

غ

غرشــوب

عروس مشاركة

13-04-2005 | 05:53 PM

studiotech من ماك طبيعي وما يتشقق
استخدم معاه بودره غيرلان اللي مثل الكور تعطي اضاءة وجمال للوجة

f

fay fay

عروس برونزية

13-04-2005 | 06:44 PM

حبايب قلبي والله
مشكورين لمشاركتكم اياي في هالموضوع

وتاكدو مو مهم ان الكريم او البودر دخلو ضمن التصويت بس انا كنت ابي اعرف الكريمات وهالبودر .. ليش نفضل نوع عن نوع .. ايهم اللي تغطيته ثقيله وايهم اللي يخلي ملامحك مصطنعه ومو طبيعيه واي واحد اللي يخلي بشرتك مخمليه وهكذا

يعني مجرد مقارنه حلوه تبين لنا الافضل في السوق والافضل لبشراتنا ..

يعني مثلا انا استخدمت استي لودر ووااااااااااااااااااااااايد ماعجبتني وماحبيتها وكلش ماناسبتني لانها دهنيه من الدرجه الاولى وتغير لون بشرتي مع العلم انها للبشره المختلطه !!

استخدمت بدي شوب وماحسيته يناسب للصيف .. ثقيل حبتين .. بس احسن من استي لودر ...

استخدمت ايف سان لوران .. العصار الابيض .. هذا قمه شوي عليه لكن للأسف هو تقريبا بودر في كريم وينفع للبشرات الدهنيه وحلو مره لكن بشرتك ماتصير حلوه فيه لانه يبين اذا في بشرتك قشور او حبوب .. يعني يطلع العيوب بقوه ..

هذا اللي اذكرهم للحين ..

واخر شي مثل ماقلت من قبل استخدمت ماك وبالفعل رااااااااااااااقي ولا عيوب بالعكس .. جمل بشرتي في وقت بشرتي ماطقها الحلى هع هع

اتمنى الفائده للجميع واتمنى هالموضوع يساعد الكل ..

وقريب بنزل لكم مقارنه قديمه انا رتبتها من جميع المواضيع لكل الماراكات سواء في الكريم او البودر وغيره .. فمن الحين لذاك الوقت اتمنى اسمع اكثر من مقاراناتكم الحلوه بين الكريمات ..

موفقين

M

Manary

مشرفة سابقة

13-04-2005 | 07:29 PM

انا بقول جم شغلة عندي بس احتمال أطول لووووووووووول

انا وايد جربت ماركات اساس بودرات و اساسات سائلة و كله
بقول لكم عن كل ماركة و شنو حسيت بعد استعمالها
أول شي ماك
أنا جربت الاساس السائل حسيته يلمع ويهي وااايد قمت بس استخدم البودرة
ستوديوو فكس

والله حلوة بس لاحظت مؤخرا انها تدهن ويهي قمت استخدم تحتها كريمات قابضة للدهون و مشى الحال اوكي

ودي اجرب ستوديووو تيك وان شاء الله عن قريب

جربت بعد بودرة من شيسيدوو اللي اهيا المبيضة
واااااااااااااااااااايد حلوة بس عيبها شي واد انها شوي تميل للبياض اكثر من اللون الطبيعي فاهمين قصدي وهالشي حلووو بس مو للدوام لاني احب للدوام شي طبيعي اكثر

واستعملت بعد جيرلان لذهبية ماااعليها كلام واااااااااايد حلوة وناعمه وريحتها حلوة و اساس جيرلان روعة بعد :)

ديوور وايد حلوة للاستعمال اليومي عندي الفلويد و عندي ساتين اكلا الفلويد وايد حبيته اكثر و استخدم فوقه بودرة مضغوطة او بودرة سايبة

الاساس النهاري الحلووو من هلينا وااااااااااو روعة ويعطي لمعه صحية و فيه حماية و تغطيته متوسطه

للحفلات والمناسبات اشتريت هذاااا من نارس تغطيته حلوة وثااااااااابت ما تتخيلون شكثر و يخلي الوجه كله قطعه وحدة

Balanced Foundation

و شكرا لج على الموضوع الحلووو :)

م

مجنونة زماني

عروس رائعة

13-04-2005 | 09:22 PM

منورة انا ودي اجرب ماركه نارس هذه شكلها حلو بس ما اعرف وين تنباع في الامارات

ما قلتي تنفع حق البشرة المختلطه ؟

M

Manary

مشرفة سابقة

13-04-2005 | 10:18 PM

انا بشرتي مختلطة والكريم يسوي توازن للبشرة والله حلووو بشوف لج وين ينباع بالامارات :)

M

Manary

مشرفة سابقة

13-04-2005 | 10:20 PM

في محل ساكس مجمع البرجمان- دبي :)

م

مجنونة زماني

عروس رائعة

14-04-2005 | 12:05 AM

مشكووووووووووورة ما قصرتي يالغاليه

الحينه دزيلي الدريول يوديني برجمان هههههههههههههههههه

:mad2: الشهر اللي طاف كنت هناك ليش ما قلتي قبل .. الحينه منو بيوديني برجمان

M

Miss_dodo

عروس جديدة

14-04-2005 | 07:40 AM

لو سمحت يا جماعة عايزة اسماء الماركات اللى فيها كيك اى لاينر

M

Manary

مشرفة سابقة

15-04-2005 | 04:08 PM

كريولان

Cake Eye Liner

أ

أشواق لا تنتهي

مشرفة سابقة

15-04-2005 | 07:07 PM

[CENTER]مرحبا بنات
عاد انتو تتكلمون عن الاساس واااخ خذي مشكلتي خصوصا بالصيف وبالذات مع الدوام:mad2:
انا لقيت الحل لبشرتي الدهنيه

اولا احط استوب شايننغ من فور ايفر