أبي أفكار لخطوبتي بناات بليييز

شراايج بالأحمر
والحفلة كلها تكون صينية بشوف لج جم صورة و بحط لهم لج
نطريني فكرة حلوة والله
:)

يعني يكون لون أحمر
عند الكوشة يكون نازل هذا بلون احمر هذي معلقة صينية


و تسريحتج يكون فيها عصايتين بس كشخة شوي فيهم ستراس او حركات مع مكياج احمرر
و اللي يقدمون يلبسون لبس صيني من الحرير الأحمر
هذا مفرش طاولات حرير


هذا شمعدان صيني بس حطي شمعه لونها احمر


هذي كوشية بيكون شكلها حلو على الكوشة خاصة اذا كان الكرسي ابيض

هذي اكسسوارات للشعر

شرايج؟؟؟
حلوة ترى ما اظن احد سواها من قبل انا فكرت فيها لحفلة خطوبتي بس لي الحين ما انخطبت لووووووووووووووووووووووول


اذا تبين قولي بفكر لج باشياء ثانية بعد<<<<<<ترى فنانه و عندي افكار خطيرة
:)

هلا عزيزتي الصيدلانيه ..

ألف الف مبرووك الغاليه على الخطوووبه ..

بارك الله لكما وبارك عليكما وجمع بينكما على الخير والحب والموده ..

عندي فكره ( بنت إخوي ) هيه اللي سوتها في حفلة خطوبتها ( الملجه )

الله يسلمج .. كل شي كاان بالفراشات .. يمكن ماتكون فكره يديده .. بس وااااايد حلووه ونعوومه وتناسب حفلة الخطوبه ..

فستانها طبعا فيه فراشات متناثره بسيطه وحلوه ورقيقه ...... خايطتنه عند مصمم ..

وكان لون فستانها وردي على ماروني و بنفسجي ... وكانت مسويه فراشات صغاار لتسريحة شعرها ..

والمسكه كانت عباره عن ورد طبيعي .. وصغيره مب واايد عووده .. وناثرين فيها لماعي .. وفراشات تلمع ..

ميك أبها كاان يجنن .. لأن الالواان تساعد .. وطلع شكلها رهيييييييييييب ...والروج طبعا خفيف مب غاامج ..

هيه بعد كانت حفلتها فالبيت ... حطوا طاولات وكراسي .. ويابوا كشافين .. وخدمه فندقيه .. ( من قوس قزح )

وهيه وخواتها اللي سون الكوشه .... بقولج كيف سووها بس ان شاااء الله توصل المعلومه ..

الله يسلمج خذت قطع من الساتان بلون هذا وخذت قطع أورجنزا بس بلون أفتح شرات هاللون ..

وخذت وسايل من المكتبه بلون هذا .. قصت شكل الفراشات بالوسيله ... وعقب حطت صمغ على كل شكل ونثرت عليه لماعي فضي

طبعا الفراشات مب وااايد عوده يعني حجمهم متوسط ومناسب المساحه اللي هيه مسوتنها ...

حطت قطعة الساتان وراها كخلفيه .. وعقب حطت عليه الاورجنزا ... سوتها على شكل ستاره مفتوحه ..

وعقب نثرت الفراشات عليهم ... وأجرت كرسي حديد فضي ... وطبعا باقة ورد كبيره .. وحلوه حطتها عند الكرسي ..

بس كان قمة في النعووومه .. خاصه ان الكوشه من فكرتها ... فا الكل عيبته .. والكل كان يمدح فيها ..

هيه نسيت أقولج عن الزفة ..

لما زفوها كان جدامها بنتين لابسين لبس الفراشه ماخذينه اعتقد من آدمز أو مذركير .. ماحيد من وين بالضبط .. المهم هو محل أطفال ..

وكل بنت شايله سله فيها نثووووور + فراشااااااااااااات ( طالبتنهم من محل تنسيق الزهور ) كانوا يمشون جدامها ..

لين وصلت الكوشه .. شلوا التووور اللي كااان ملفوف على سلات البنااات وطااااااارت الفراشات فالهواا .. بس كاان الشكل جنااااااااااان

وهاي الفكره اللي حبيت أخبرج عنها ..... وان شاااء الله تحصلين فكره تعيبج وتسوينها ...

وبالتوفيق ان شااااااااء الله

تسريحات ولا أروع

و هذي تسريحات بعد :)

و مبروووووووووووووووووووووووووووووووووووووووووووووك
و الفال لي وراج على طول :)

مشكوووووووووورين حبايبي على الافكار الحلوه

Manary

أفكااارج روووعه والله بس انا حبيت ابتعد عن اللون الاخضر والاحمر لان الاخضر ابا البسه في حفلة الملجه والاحمر بلبسه في اول يوم عرسي :o تعبتج ويايه

ريـــامـــي

انتي بعد أفكارج تجنن وبفكر فيها بس اخاف يقولون يينا خطبنا ياهل :D2 بس صدق بفكر فيها

مشكوووورين مره ثانيه واتريا بعد افكار جديده

اخويتكم الصيدلانيه

اممممممممم
شرايج بالأزرق السماوي؟؟؟
و يكون كل شي ابيض و أزرق
حلوو بالمكياج و يشرح القلب و يعطي مساحة للمكان
ياليت بعد لو تلقين كوشيات على شكل غيوم أو لوحات لطيور و سمااا بيكون لوووك الحفلة ربيعي

وعلى الطاولات مجسم لحمامات لونهم ابيض( سلام ونقاء )
وتحتهم مفرش سماوي من التور أو معلق بحلوجهم ورده والكراسي تلبيسهم أبيض و عليهم شريطه سماوية

أفكار حلوة حتى أنا أبي لملكتي ياليت تزيدون من أفكاركم الجهنمية

بس بصراحة أنا عتبانة عليكم يوم كتبت موضوع أطلب منكم أفكار ماعطيتوني :(..

حبيبتي شموخ يمكن ما شفته
حقج علي
شنو ودج بأفكار أو الوان<<<ترى انا فنانه :)

Manary

صدق انج فنانه وأفكاارج كشخه السماوي بعد واايد حلو

أنا كنت اتحرى ما يبالي اراكض في الاسواق حق الخطبه بس ظهرت السالفه صدق يبالها مراكض في الاسواق الله يعيني خخخخخ

شموخ

مبروك حبيبتي ... اترومين اتسوين تركوازي وكحلي واايد بيظهر حلو... انا ما اروم اسويه لان اختي سوته فأبا اغير شوي عن اختي

اخويتكم الصيدلانيه

شوفش أنا سويت خطوبتي
(( أزرق × أخضر ))

وطلع كلو حلوووووووو

[CENTER]الف مبروووك مقدما اختي الصيدلانيه
انا مع الاخت Manary
احس الفكرة وايد حلوة
والاغراض الصينيه بتحصلينها في القريه الصينيه الدائمه في دبي
ما ادري اذا تعرفينها هالقريه يبلغ طولها واحد كيلوميتر
يقولون عندهم اشياء وايد حلوة
حتى حق الكوشه تقدرين تحصلين المراوح الهوائيه (مهفات) اللي كانو يستخدمونها ملوك الصين

وطبعا القرار الاول والاخير لج عزيزتي
بالتوفيق ان شاء الله

شرايج باللون الذهبي؟؟
فستان ومكياج وديكورات
وبفكر لج بأفكار ان شاءالله وبرجع لج

أنا تركواز ماأبية عندي منة أبي شي غريب وفكرتة غريبة تكفين حبيببتي ساعديني ولبكوشة أبي شي نعوم وغريب بنفس الوقت بعني ولو هي خطوبة ماأبي شي كبير بس أبي يكون في ارتباط بين الفستان والحفلة من تنسيق وووووووووووو جلست أتدلع اللحين خخخخخخ يحق لي صح وأبي يعني زي الفراشات الطاووس زي كذا بس فكرة غير

شموخ
شرايج باللون البنفسجي؟؟!!!


الكوشة كرسي ابيض وعليه قماش بنفسجي طايح لي الأرض و مدخل الصالة حتى الكوشة سجادة بيضا وعند المدخل عمودين رومانيين و ملفوف عليهم نقس القماش البنفسجي اللي على كرسي الكوشة
و الطاولات تحطين شموووع بنفسجية
و بس مكياجج يكون بنفسجي و المسكة فيها ورد البنفسج




واذا مو حلووو جربي الطاوورس حطي عندي الكوشة فازتين كبار و حطي فيهم ريش طاوووس والفازات يكونو شفافين و حطي بارضيتهم صخر كريستال ملون بألوان الريش بتلاقينه في محلات الزهور وطالع لي برة ريش الطاووس و مكياجج يكون الوان الطاوووس و المفارش بيضا بس حطيها عليها ريش طااوووس بشكل منسق حلووو

او حطي ماي و خلطي معاه لون من النوع الزيتي لون وردي او بنفسجي او اللي تشوفين بيكون شكله مثل الفقاعات الملونه بالمااي

ترى الفكرة الصينية حلوة و مبتكرة خاصة لما تخلين اللي يوزعون العصير والأكل يلبسون لبس صيني