كثرت علاقاته إيش أسوي

حبيبتي ،، اتركيه انشاء الله بيرزقك بواحد يستاهلك ،، لانه ما يعرف قيمتك ،، صدقيني انو مش فارقة عنده يعني مستعد يحكي مع مليون بنت و مايفرق انا عرفت شب من هذا النوع ولما حكيتله ازا ناوي على زواج بالحلال او لأ اكتشفت انه بيلعب و هو يحبني بس علاقاته كثير،، تركته بدون اي تفكير لانه ما يستاهلني، انا ما احب زوجي يعرف مليون بنت غيري و اله كثير من المعجبات،، اضغطي شوي على قلبك و حاولي تطنشيه بالاول بعدين انسيه و صدقيني الله رح يرزقك باحسن منه لانك تستاهلي كل خير ،، والله يوفقك

اللي مافيه خير .. تركه اخيررررر


اذا هو ماخااف من الله ومن مراقبته له بيخاف منك انتي ؟؟؟


اتركيه .. وكما تدين تدان .... والاياام دووول بين الناس....... بيجيه يوم بيتعب فيه

أنتي تتكلمي عن مين زوجك أو خطيبك ؟؟؟

لأنه في هذه الحالة تختلف صيغة التصيحة اللي بقدمها لك

ام قليب ...شكرا جزيلا، كلامك كفى ووفى

شكرا ع ردودكم بس أعتقد صار لبس أنا أتكلم عن زوجي.
أترك زوجي ابو عيالي كيف؟

حاولي تشغلين وقته يعني اتفرغي له تماما
ما اقول انسي عيالج بس حطيه محور اهتمامج
شوفي متى وقت مكالماته و اشغليه بأي طلب و كوني دايما جدام عينه لا تخلينه بروحه وشوي شوي بيبتعد عن هالسوالف
و بينشغل في بيته وعياله
شوفي هو شو اللي يدوره برع و مب لاقنه عندج
كوني له الزوجة و الصديقه و الحبيبه و الأخت و الأم وكل شي
لكن الابتعاد عنه لا و ألف لا
لاتهدمين بيتج بيدج لكل مشكله حل حاولي و اكثري من الدعاء ان الله يسخره لج و يسخرج له

انا عندى سؤال مهم؟؟ كم عمر زوجك حاليا اذا عمرة فى بداية الاربعين هذى حالة طبيعية انة يحس انة لسة شاب وعاوز يعيش حياتة يسمونها مراهقة الاربعين وبذات اذا تزوجك وهو صغير فى بداية العشرين بعد تؤدي انة يبغى يجرب حياتة اللى فاتت فاهمتنى انا عارفة انة يجرح كثير الموقف اللى انتى فية بس انا وجهه نظرى تقولى حياتك انتى لازم تكون صح قولى لة تبتعد عن ما انت فية يا انفصل عنك؟ واسألية تقبل انا بعد اتكلم رجال فى التلفون واقولك الا بس علاقتى معاهم فى التلفون حطى نفسك فى نفس الموقف راح تشوفينة يرفض لسبب مهم الرجال الشرقين وايد عندهم غيرة على حريمهم بس ما يقدرون الجروح اللى يسببونها لهم للاسف.

اتمنى اكون افتدك حياتى

[CENTER]عزيزتي الله يصبر قلبك
ليش ماتخلين أحد من أهله يكلمه عن هذا الموضوع مثل والده أو أمه أوأحد إخوانه
الله يفرج لك ويهدي زوجك انشاء الله
حب البحرين

احيانا يكون الشخص متعود على هالشيء من يوم سنه صغير
مايقدر يصبر يوم واحد بدون هالشيء ويحس انه شيء ناقصنه

بس لكل شيء وله علاج

بس العلاج مايكون مرة وحده وفجاة
لا

يكون بشكل تدريجي

وهالشيء يحتاج الى الصبر والتحمل

بس اهم شيء

عليك بالدعاء بالدعاء خاصة اثناء قيام الليل

ادعي كثير

مثل وحده زوجها يحي يسمع الاغاني كثير وخاصة في السيارة

هي ماتقوله بشكل مباشر وتنهيه عنها

لا بس تبين له خفف الصوت لا تحط هالاغنية

بس هي دايما طول هالفترات كانت تدعي تدعي

دعاء انه يبتعد عن هالشيء

والحمدلله الحين الاغاني ابد ما تجي على باله لا في السيارة ولا في البيت

ورمى كل الاشرطة اللي عنده

شكرا ع وقفتكن معي والله يعيني.الله هو الذي يفضحه جدامي دوم لان زوجي من النوع المراوغ بس لما أصلي قيام الليل وأدعي ربي ماأظلمه.الله يطلع كل شئ بوضوح.اعتمادي ع الله ومافي أحسن منه.ع فكره أنا أقوله لو أنالي علاقات أيش بتسوي إنت هو يعصب ويقول ما تسوينها إنتي امرأه وأنا الرجال .ماأريد أحرجه وأصغره ولا أصغر نفسي.الله يهداه ويعرف الصح

حبيبتي انا آسفة ما كنت مفكرة انه زوجك..

على العموم الله يهديه ادعيله بالهداية وانشاء الله بيترك هاي العادة السيئة

حبيبتي الله يعينك أعرف وحده مثل حالتك لكن هي وقت له عدل وهددته انها راح تتركه وتخلي العيال عنده وتروح بيت اهلها وعلى فكره هي مره مهتمه فيه بكل ما في الكلمه من معني يعني مهتمه ببيتها وعيالها وهي عمود البيت صحيح ولو راحت يراح يختل البيت مضبوط وفوق هذا مهتمه بنفسها وشكلها ومحافظه على رشاقتها ومش مخليه شي جديد الا وتعرف له يعني حبيبتي الرجال مهما سويتي له لازم تروح عينه لكن لما يكون البيت معتمد عليك غير ومن وقتها وهو يمشي على الصراط المستقيم فسؤالي هل انتي معتمده على الخدامه في امور بيتك وعيالك وهامله كل شي ؟؟؟؟؟

[CENTER]حبيبتي ......

اذا سكتي عن هالموضوع يمكن يتطور الى أشياء اخطر من كذا لأنه راح يقول هي راضية وساكتة

اذا انتي مو مقصرة معاه ولا مع بيته ولا اولادكم في شي

ماله حق يسوي هذا كله ...... اصلا حتى لو مقصرة ماله حق انه يسوي هالحركة

يكلم بنات في التلفون !!!

جلسي معاه و تفاهمي قولي له ليش تسوي كذا ؟؟ هل العيب فيني ؟؟ ناقصك كلام عاطفي ؟؟ ايش تقولون مع بعض ؟؟ ايش تستفيد من الكلام ؟؟ انا اقول لك نفس اللي هم يقولونه

لازم تصيرين شديدة معاه لأن المرأة لها مشاعر واحاسيس لازم يحافظ عليها

استعملي الحزم .. بس مو تصارخين وتنهارين بيني له انك قوية

وحاولي معاه المرة والمرتين

انا لو مكانك " الله لايقولها " والله لآخذ التلفون وأكلم اللي يكلمهم وامسح فيهم الأرض وهو بيخجل لأنه مايقدر يقول لك ليش سويتي كذا

حاولي ولو حسيتي مافي فايدة اطلبي مساعدة احد مقرب منكم هو يسمع كلامه من اهلك او أهله

بس يكون ثقة

قولي له يعني تبي تهدم علاقتنا او نبني هالبيت على أساس ضعيف ؟؟ هل تبي اولادنا يتأثرون باللي تسويه ؟؟ ترضى تنحط في موقف زوج اللي تكلمها او ابوها او اخوها ؟؟

صدقيني خليك حازمة معاه وهو ان شاء الله راح يتغير

والله يكون في عونك

اختي ادعيله انه الله يهديه و ان شاء الله الله يهديه و اهتمي فيه و حاولي انج تشرحيله انه يجرحج و اذا ما فيه فايده استمري على الدعاء و الله يهديه

.الله يعينك اعرف وحده عندها نفس مشكلتك بالظبط ولا موبس تلفون الاجوال وانترنت وبالتوك وبلاوي زرقه وكل يوم تزيد المشاكل بينهم بس هي صابره موعلشانه عشان عيالها وكل مره يوعدها ويرجع لنفس الشيء

الله يكون في عونك وعونها

عليك يا اختي بالدعااااااء الدعااااء والتوكل على رب العالمين والله يهدي انشالله ... ومثل ماقالت لج اخت رومي ... كلامها كلها صح خليج حااازمه معاه وجاده ولا تصيرين جدامه ضعيفه ومنهاره ... دوسي على نفسج وقلبج وصيري قويه ... اهو جذي يحط في باله انج ميته عليه وهذا الصح زوجج وما الومج تحبينه وتموتين عليه .. بس لا تبين هالشي له .. خلي يحس انه خلاص ماعاد يهمج وانه راح يخسرج للابد اذا تكرر هالشي ... ووقفي عند حده .. مع الدعااااااااااااااء ....

نفس راي رومي وشريفه

السلام عليكم ورحمة الله وبركاته

ما شاء الله الأخوات ما قصّروا...

الله يصبرك أختي و يهدي لك زوجك...حقيقي الخيانة شيء صعب...

إدعي في قيامك الليل...و لا تنسي إنه ربّك سميع قريب مجيب الدعوات

«®°·.¸.•°°·.¸¸.•°°·.¸.•°®»[size=1] السلام عليكم ورحمة الله وبركاته

بنصحج نصيحة مجرب ونفذي لي أقوله وجربيه عسى أنه خير
الريال الي يسوي جذيه ينكشف بسرعه سبحان الله وأول من يكتشف الموضوع
الحرمه تدرين ليش لأن الله سبحانه وتعالى ما يرضى الظلم خصوصا أذا هي مو مقصره
حد من الرياييل عنده شي يسمونه لا أكتفاء وشي ثاني يسمونه حب التغيير
الحرمه الي تكون بذلت كل شي بيدها له ول راحته وهو جازاها بها الشي
ريال مو قد حسافه نصيييييييييييحه لا تعتذرين ولا تراجعين نفسج وتتحسسين
عمرج بالذنب لا تبكين جدامه بس يوم بتكتشفين الموضوع لازم يكون بيدج دليل قاطع وأذا
أعترف بها الشي لج طنشيه وطنشي الموضوع خفي شوي من أهتمامج ولا تنظرين بعيونه أذا
كلمج وأستمري بها الموقف مده لين أيي روحه ويعتذر علشان ترضيين غرورج
لا تسامحينه بسرعه قوليله بفكر في الموضوع جربي ورديلي خبر وبتشوفين
الريال ما يرضى حتى لو غلطان أن الحرمه تتغير عليه وتتجاهله ولا تغار عليه
بيحس بالذنب والفشله من الشي لي سواه نصيحة مجرب
وعسى تالي الأمر خير«®°·.¸.•°°·.¸¸.•°°·.¸.•°®»[/size]