ابنتي العنيده!

الله يعينج ..و يخليلج بنتج الاموره ...

حبيبتي...انا بنتي نفس الشي عنيده بشكل كبير

مع انه عمرها سنه و شهرين...بس المكتوب مبين من عنوانه...

اول شي...لازم تخلين بنتج تتعود على الناس...و على الاطفال اللي في سنها

يعني خذيها للحدايق و اماكن الالعاب اللي فالمراكز....عشان تتعلم المشاركه و تكون اجتماعية

فالبداية..راح تلصق فيج...بس شوي شوي...بتشارك الاطفال اللعب.., راح تنسجم و ياهم..و هذا بيخفف

العدوانية اللي عندها...طبعا توقعي بعض الحوادث...ولكن فهميها بحزم لو ضربت غيرها راح تحرمينها من المكان

و من اللعب...صح انها صغيره...بس صدقيني الياهل يفهم اكثر من تصورنا...و بالنسبه للفطام...بالتدريج قصري وقت الرضاعه

و قللي عدد المرات...و حاولي تعطينها حليب فالكوب...و شاركيها انتي و ابوها يعني كوب لها و كو ب لج و لابوها لانه الياهل

يحب التقليد..اذا رفضت..حاولي تسويلها اكل فيه حليب......يعني مهلبيه و عيش بالحليب...و حاولي معاها...و الله يخليلج بنتج يا رب

ياقلبي باين عليها في الصورة آخر براءة

حبيبتي يمكن الدلع الزايد هو اللي يخلي البنت تكون عدوانية

حاولي انك تبينين لها انك زعلانة عليها اذا مدت يدها عليك او على ابوها

قولي لها ماما زعلانة عليك وطالعي في عينها مباشرة

بس مو معناتها انك تقسين عليها حرام بعدها صغيرة ... اذا كنتي معاها في مكان وعضت طفل لا تضربيها خاصة قدام الناس بس اعتذري بدون مبالغة لام الطفل وقولي لبنتك ... عيب ماما ... وانتي تطالعين فيها بنظرة جادة ترى الاطفال يفهمون النظرات ... او خذيها من يدها وقولي لها راح نروح البيت لانك زعلتي البيبي .. قبل فترة كان فيه حلقة في برنامج اوبرا عن كيفية التعامل مع الطفل العدواني في البيت وجابت خطوات خطيرة بس فعلا بعد ماجربوا على طفلة عدوانية تحسن سلوكها بدرجة كبيرة