مسلسل ثمن عمري

الرقابه الكويتيه وخيبتها في(ثمن عمري )

بسم الله الرحمن الرحيم
اطرح ايليكم موضوعاً اثار غضب الشارع الكويتي وعن مانسب له من عادات وتقاليد في المسلسلات (الهزيله ) مثل مسلسل ( ثمن عمري ) الذي رأينا به ما يتنافا مع عاداتنا وتقاليدنا العربيه و الاسلاميه وانا شخصياً احمل الرقابة الكويتية مسئولية مستقبل اطفالنا وشبابنا التي تسمح لمثل هذه المسلسلات السخيفه المرور دون ترقب ودون علم من يكون خلف هذه الشاشه من مراهقين ومراهقات لكي يتعلموا من هذه المسلسلات مايخالف الاسلام .

اخي العزيز اين تجد نفسك عندما تشاهد هذا المشهد انت وعائلتك حينما تقوم ساره بمكالمة حبيبها الحرامي وهو يقول لها ( شلونج ياعمري ويا حياتي انتي شنو لابسه !!! ) بالله وين تودي وجهك من الجلوس مع عائلتك ؟
علما بان الرقابه السعوديه قد قطعت هذا المشهد ومشاهد كثيره مثل المغازل في سوق شرق
وغيره وغيره الكثير .

واشيد بالشكر الجزيل بالمملكه العربيه السعوديه ورقابتها المنتازه التي تدل علي طيب وعراقة المجتمع السعودي .

وعجبا علي الممثلات الصغار الإناث الأشبه بعارضات أزياء واشكالهن لا يقرها المجتمع الكويتي فكيف أن هذه الأمور طافت على المؤلفة / فجر السعيد حيث ان فجر السعيد من عائله محتشمه ومعروفه بالأصاله .

و ان معظم الفنانين ليسم كويتيون وانما ( كوكتيل عرب )
وانا لا افرق بيننا لأنا عرب وعاداتنا متقاربه ولكن يجب التوضيح

بس اللي قاعد يحصل بالمسلسل غراميات غربيه لا نعلم من اين اتتنا
هل هي من الكاتبه او المخرج او مصمم الازياء !!!!!!!

والله حاله مو باقي الا يحطون برامج خاصه لتعليم الحب والمغازل علي القناه الاولا ويكون حصيلتها الأستهزاء بالشعب الكويتي .

هل الكاتبه تقتبس من مقالات وغراميات غربيه ؟
ما هي الفائده من قصة هذا المسلسل ؟


أرجو الادلاء بالرأي بصراحه

واسف علي الاطاله وتقبلوا تحياتي

[HR]
وصلني عبر البريد
وحبيت المداخله به حيث ان ثمن عمري هو الواقع في بعض العوائل بالكويت

وليس كل اهل الكويت بهذه الطريقه

وكان المفروض ان يكون السناريو بشكل افضل من ماشاهدناه


يعني بصراحه شي مهزله

شكرا على النصيحة

السلام عليكم

هلا اختي ام وائل و مشكووووووره انا رأي مسلسل ثمن عمري واين قلبي
وصادوووووووووووووه وبس

اخوي المعرس هلا فيك انت تقول انه الكلام هذا مو انت كاتبه ياك عبر الايميل مو جذي
المهم احب اقول انه فجر السعيد ماتكتب قصه الا وانها من واقع الحياه
واللي سار لساره حصل بالكويت صج ودول الخليج عامه وهذا شيء مو جديد علينا
وكل يوم قاعد يحصل والهدف من القصه انه فجر تحضر البنات من الشباب لان نهايتهم
راح تكون الفضيحه وانطرو في الحلقات اليايه لساره وشووف شنو راح يصير فيها
ومغازلات تصير بكل مكان مو بس بالكويت
وعلى ملابس الفنانات انت نسيت انهم بالمسلسل من عائله غنيه
واقولك شيء حتي الرقابه الكويتيه شالت لقطات وايد بالمسلسل
واذا مو مصدق شوفه على الكويت وبعدين شوفه على البحرين
وفجر السعيد ماتكتب شيء الا للفائده

تحياااااتي

محبتكم حورااء

رحمة من رب العالمين إني ما اشوف التلفزيون وما ادري وش فيه

ولا أتابع ولا شيء لا في رمضان ولا غيره

احسن انه مضيعة للوقت

هالوقت أفضل لي استغله في شيء مفيد يعود علي بالنفع والفائدة لديني ودنياي

أحيانا نادرة جدا اشوف لقطات الأخبار المهمة .. والأخبار عموما اقراها من الجريدة

وحياكم الله

سلااااام


ام وائل لاشكر علي واجب



اختي حوراء

!!!!!!!!!

يعني كل العوائل الغنيه بالكويت جذيه ماعتقد


يعني بذمتج لما تكونين جالسه مع اخوج العود وتجي لقطه موسى مع ساره لما يحاجيا بالتليفون ويقولها (شلونج عمري شخبارج ياحياتي ويقول لها عمري انتي شنو لابسه ) بذمتج جذيه يعلمون الاجيال والاطفال الصغار اللي يطالعون التلفزيون شنو ذنبهم يتعلمون الشي هذا واشياء وايد ماله داعي اقولها


معاج حق ان الكويت شالت لقطات بس المفروض تشيل زياده ويكون فيه مجال للأدب و الكرامه




بس حاب اقول ان الكويت ضااااااااااااااعت في خبر كان





ام محمد مرور جميل والله يحفظكي ويرعاكي
وكثر الله من امثالج وعسي الله يخلي ولدج محمد لج :)


وسلامتكم