(( !ღღ! تراني ملّيت ღღ بترككم وبغيّر جو !ღღ! ))

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

شحالكم يا احلا اعضاء في احلا منتدى شفته بحياتي
في هذي الأيام حسّيت بالملل من كثرة الجلوس على النت والمنتدى
وانا من النوع اللي مايعطى كل شيء حقه، ومثل ما تدرون الرسول الكريم قال : (إن لنفسك عليك حقا و إن لجسدك عليك حقا و إن لزوجك عليك حقا)، ولازم اعطي كل ذي حق حقه

اسمحوا لي ماودّي اجامل، احب اكون صريح لأبعد الحدود، ماودّي اقولكم اني بموت من الشوق اذا ابتعدت عن المنتدى، لكن بفتقد شيء كان ملازما لي طيلة الايام الماضية منذ تاريخ تسجيلي في المنتدى.....

ابصراحة ملّيت من الكيبورد، اصابعي تقولي شف لك شغل ثاني، ملّيت من كتابة الاسم المستعار و الباسورد، ملّيت من الماسنجر وسوالفه، ملّيت المجاملة التي تفرضها طبيعة المنتديات، ملّيت من السهر، باختصار ملّيت من حالتي ودّي انسحب شوي واغيّر جو........

فمن هذي اللحظه، اقولكم وداعا عسى الله ان يجمعنا وإياكم في جنّات النعيم
سامحوني اذا غلطت في حقكم، وانا بسامح اللي غلط في حقّي
والى لقاء آخر بإذن الله

الياسي