تزوجت .. بس للحين تحبه وموقادره تنساه

السلام عليكم ورحمة الله وبركاته ومغفرته وهدايته لنا جميعا يارب

إلى كل عضوات المنتدى .. أهدي هذا الموضوع وأتمنى من الكل يشارك بأفكاره وآرائه لأن صاحبه القصه مقطعه قلبي أنا وكاسره خاطري من كثر ما تبجي وتتألم وتعذب وتذبل مع الأيام

إهي من أهلي .. عشنا طفولتنا وتربينا مع بعض .. كانت فري يعني غير ملتزمه بالزي الإسلامي الشرعي .. وكانت تطلع وتروح وتجي من غير حساب وماحد يكلمها حريه تامه

لين بيوم من الأيام تعرفت عليه عن طريق الإنترنت .. وكانت فكرتها إنها تلعب وبس .. لين عرفته .. كان إنسان ملتزم جدا .. حتى في كلامه كان ملتزم وعفيف غير عن كل الناس في نظري أنا لأني كنت أشوفه شلون يكلمها

وتطورت علاقتهم لين صارت بالتلفون .. ومع الأيام شفتها قامت تلبس العبايه والزي الإسلامي والحجاب إللي فرضه الله سبحانه وتعالى على بنات حواء .. وحبته وعشقته بجنون

تقدم لخطبتها لأنه شاف إنها بنت زينه وليست سيئه إنما تربيتها كانت تفرض عليها الشغلات إللي كانت تسويها قبل .. لا رقيب ولا حسيب

طلبها للزواج .. وافقت بدون تردد .. أمه كلمت أمها .. بس والدتها ما رضت بحجه إن بنتها جامعيه وهالولد هذا يحمل شهادة متوسطه وفقير .. كان جدا فقير يالله يالله يعيل أسرته .. وعايش بشقه صغيره كان يبي يعيشها فيها مع أمه وأخته وإهي كانت قابله بالوضع لأنها تحبه وتعشقه ولأن أهو السبب بعد الله عز وجل في هدايتها وعن قول رسولنا الكريم محمد صلى الله عليه وآله وسلم (منرضيتم دينه وخلقه فزوجوه)

المهم إهي تغيرت وااااااااااايد بهالأيام والتزمت بصلاتها أكثر من قبل ولاحظت عليها التغير كان بشكل مفاجيء وحلو وغير طبيعي

المهم .. مرتين كلموا والدتها بس مارضت .. وبعدين تقدم لخطبتها شخص مواصفاته أحسن من السابق .. وافقوا عليه .. فبلغت حبيبها .. قالها توكلي على رب العالمين وتزوجي والله يوفقج في حياتج وأنا مستحيل أوقف جدام مستقبلج

بكت كثييييييير .. وتزوجت .. ومن أول يوم زواج لها كانت تتألم وتتعذب لأنها ما تخيلت نفسها مع هذا الشخص .. تخيلت نفسها مع الشخص إللي اختاره لها قلبها .. قلتلها إن هالشخص رب العالمين حطه في طريقج علشان يصلحج ويهديج ونصيبج مو معاه .. اقتنعت وكملت مسيرة حياتها مع زوجها ..

في بدايه حياتهم كان زوجها يحبها موووووووووت ويدللها .. وإهي مسكينه كانت تحاول تبادله نفس الشعور .. كانت تضغط على أعصابها ومشاعرها علشان تردله حبه واحترامه لها .. بس مع الأيام اكتشفت إن أم زوجها الله يهديها ماكانت تحب تشوف ولدها يدلل زوجته أو سعيد وياها .. فكانت تختلق المشاكل لهم وتربط عصاعص .. بينهم .. وشوي شوي .. صار بينهم تباعد مو طبيعي .. بالمشاعر والجسد .. ويوم واحد ما نست حبيبها السابق كان جدام عيونها بكل شي تسويه .. وكلللللللللللللللللل شي يذكرها فيه .. أقولها بس يا بنت الحلال إنسيه خلاص راح إنتي تزوجتي وعندج بنت جميله الحين عيشي لبنتج .. بس تقولي ما أقدر .. وتبجي .. تبجي وايد مسكينه .. ليييييييييين بيوم الأيام عرفت عن طريق الصدفه إن حبيبها الأولي تزوج وحده من أهلهم بس بعيده شوي .. أهو ماكان يدري إن هذي البنت إللي بيتزوجها تصيرلها

يوم من الأيام ياتلها زوجة إللي تحبه كانت تشوفها ساعات ويصير بينهم سلام مو أكثر من جذي .. بس الحين ياتلها وحابه تتعرف عليها أكثر .. إهي هني عرفت إن حبيبها السابق قايل حق زوجته عنها .. ومع الأيام صاروا صديقات .. وبيوم قالتها لها زوجة حبيبها أنا عارفه إنج كنتي على علاقه بزوجي

ما تفاجأت طبعا لأنها عارفه إنه قايلها .. وصارت تدخل وتطلع بيتهم وصاروا صديقات حييييييييل ... كل وحده تتمنى فعلا الخير للثانيه وتساعدها إن احتاجت شي .. مع إن قلبها كان يتقطططططططططع كلما تشوفه ياي ياخذ زوجته من بيتهم ..

القصه مو هني ... القصه إنهم ردوا علاقتهم فبعض ... وأهما عارفين وعندهم علم اليقين إن هذا حرااااااااااااااااااااام وزنااااااااااااااااا والعياذ بالله

نصحتها وااااااااااااااااايد لين تعبت ... تقولي ما أقدر .. أحس إني أمووووووووت من غيره .. بس أدري فيها إنها ما ترضى تزني معاه وأهو ما يرضى إنه يزني معاها والعياذ بالله لأن حبهم أرفع من جذي بوايد أحسه حب نظيف وطاهر .. بس الله يهديهم وصخوه برجعتهم حق بعض هالأيام

أشوف نظرات عيونها لما تتكلم معاه أشوفها طايره من الفرحه ... وكنت أسمع كلامهم كله .. كانوا يشكون حق بعض عن مشاكلهم .. وكل واحد يحاول يعطي حلول للثاني تساعده إنه يحاول يحل مشاكله ... وبس تسكر التلفون أقولها ... مايصير جذي .. تذكري زوجج وبنتج .. وصديقتج وقبل كل هذا تذكري ربج .. إللي تسوينه ماحد يرضى فيه لا الله ولا رسوله

اتفقوا إنهم يتركون بعض .... ويقطعون علاقتهم فبعض لأنه حرام ... ظلت 3 أيام تتصل علي وتبجي بحرقه وألم وعذاب ... مو قادره تتركه ... وتروح مره عند باب بيتهم لمجرد إنها تشوف سيارته بس .. تروح بيت أهل زوجته .. ماتبي شي بس تبي تشوف سيارته

ومره كان مسافر العمر 3 أيام وحاط سيارته مخليها فمكان بعيد عند الجمعيه .. كانت تروح باليوم الواحد 4 مرات .. بس علشان تشوف سيارته وإهي عارفه إنه مسافر

وبهالثلاث أيام إللي تركوا بعض .. اتصلت فيه وقالتله بشوفك الحين ... يوم شافته إنصدمت من ويهه ... ويهه محتقن وتحت عيونه أسود وذبلان ومعفوس فوق تحت

وإهي نفس الشي .. كانت تتصل فيني أقعد وياها أشوفها ذبلانه وحتى بنتها وزوجها مسكينه كانت تضغط على أعصابها علشان ما تحسس أحد منهم بشي كلش .. وكانت تبي تعطيهم حقوقهم ولا تحسسهم بأي نقص .. مع هذا النقص إللي كان موجود بداخلها شي مو طبيعي

والمصيبه إن زوجة حبيبها لما تقعد معاها تسولفلها شنو سوا زوجها لها وشنو من كلام غزل ودلع يقوله لها وشلون ( آسفه على هالكلمه ) ينام معاها بالفراش

وإهي كانت بداخلها تحترق .. بس من بره تشجعها وتعطيها من أفكارها بدلع الزوج وكيفيه العنايه فيه .. تقولها ديري على جسمج خلج رشيقه على طول .. واهتمي بنفسج وشعرج ولا تزعلين زوجج بأي كلمه دايما خليه راضي عنج .. وكثر ما تريحينه يريحج .. ومره راحت معاها علشان تختارلها قمصان نوم لأن عيد زواجهم قرب

تخيلوا .. قاعده تزين البنت حق حبيبها إهي .. صحيح إنها زوجته .. وإهي نفسها متزوجه لكن مو قادره تنساه ولا قادره تتركه

الله يخليكم دلوني على حل يخليها تتركه

وطبعا هذا كله صوب .. وبالوقت الحالي مشاكلها مع زوجها وعدم احترامه لها جدام أهله وعدم احترامه لأهلها إهي صوب ثاني أهانها وايد .. وأكثر من مره يجرحها بكلمات مالها والي .. إهي وأهلها .. لأنهم أمه وأبوه مربينهم على الغرور الزايد والعياذ بالله

ساعدوها الله يخليكم .. إهي من زمان كانت تدش منتدى عروس .. بس بقولها تدش هالأيام علشان تشوف ردودكم


الله يخليكم ساعدوها .. صديقة عمري تذبل جدام عيني وأنا مو قادره أسويلها شي ؟ علشان جذي فكرت أكتبلكم


مع تحياتي