ولدي مزكم وكاسر خاطري .. افيــــدوني

عزيزتي مرافئ سلامة ولدك

قطري له في انفه نقطه زيت زيتون أزيت سمسم

ولاتخافين انا مجربه وام لأربعة الله يحفظ لك ولجميع الامهات

بصراحة ما اعرف يا ريت كنت اقدر افيدك


بس حبيت ادعي لولدك بالعافية ان شاء الله

وطمنينا عليه


والبنات الي تعرف شي تخبرنا ترا الاطفال نعمة يجب ان نحافظ عليها

حفظهم الله

سلامة عمره الحلو السعنطوط
مايشوف شر



بالنسبه للعلاج
اشوف اختي تدهنه بزيت زيتون دافي وتلفه وبعدها يناااااام وهو مرتاح:handup:

وسلامته الف سلامه


ان شالله يقوم بالسلامه وتفرحين بعافيته ياااااااااااااارب
وان شالله تفرحين فيه عريس
قولي آآآمين:smile:

اختي الماضي الجميل
مشكوره حبيبتي وبسويله ان شاء الله زيت زيتون
رغم اني والله اخاف اسويله اي شي بس بما انك قلتيلي مجربه
فان شاء الله بسويله دامه بيتفتح انفه وبيرتاح من الزكام ...
كل الشكر لج يالغاليه


اختي الغاليه .. قلوووووووب
شكرا على دعواتج الطيبه .. وعسى ربي يحفظج ويرعاج



اختي العزيزه .... طولون
كل الشكر على وصفتج الحلوه ..بس ماقلتيلي وين تدهنه الزيت بالضبط
ياريت توضحيلي واسألي اختج للتاكيد اكثر وانا بانتظار ردج

اهم شي ماتكثرين الزيت الي بالأنف لأن ممكن يسوي له شي بصدره يدوب نقط صغااااااااار وحده هنا وحده هنا ولا تكثرين

وادهني جسمه كله ولفيه عشان مايبرد

وحليب الأم احسن دوا كلما كانت الرضاعه طبيعيه كلما عجلتي بشفاءه بإذن الله لأن حليب الأم يحتوي علي مضادات طبيعيه

الله يشفيه لك ويبلغك فيه يارب

اشكرج حبيبتي تركيه
وباخذ بنصيحتج ان شاء الله ..
وبالنسبه للرضاعه انا ارضعه الحمدلله بس احس حليبي مايكفيه
لذلك ازيده شوي حليب صناعي بس رضعه او رضعتين باليوم .

عندج ماء وملح البخاخ اللي يعطونه الاطفال اسمه اوشن اسبري ..وزيت الزيتون تحطيله الزيت في القطنه مال الاذن وادخلينها في انفه بحيث انها تلمس الانف من الداخل...والزيت يخفف عنه لانه ما بيخليه يعطس وايد

بالضبط الأوشن سبري وايد زين
والرضاعة الطبيعية بعد
بس زيت الزيتون أول مره اعرف شكلي بجرب زيت الزيتون بس الله لايقول يردون يتعبون

السلام عليكم ورحمة الله ..

أول شي سلامة ولدج الصغيرون .. الله يشفيه ويعافيه ويخليه لج ذخر يارب ..

حبيبتي .. أول شي لازم ماتعرضين ولدج للبروده .. ولاتسبحينه إلا وقت الضحى او الظهر ..

وبعدين نشفيه عدل .. ولفيه بالقماط ..

سيري الصيدليه وخذيله قطرة الاطفال اللي هي عباره عن ماي وملح

شرات ما قالتلج الاخت الفجر البعيد اسم القطره ( اوشن اسبري )

ولاتنسين يوميا ... تدهنينه بزيت الزيتون على الجسم كااااااامل .. لأنه يدفي الجسم بشكل عام ..

وخذي أعواد الاذن القطنيه .. وخرسيها ( بلليها) بالزيت .. ونظفي خشم ولدج .. بس تحملي ادخلين الاعواااد بزياااااده عشان ماتسببيله بالجرح ..

اما بالنسبة للحليب ... أنصحج تشربين حليب بالحلبه .. وتاكلين رهش ... لزيادة إدرار الحليب ..

والله يعطيكم الف صحة وعااافيه ... وماتشوفون شر ..

حبيبتى مرافئ الفيروز
كل ما عليك هو انت تستخدمى له قطره ميه وملح موجوده في الصيدليات للاطفالالرضع+ انه يوجد كريم ايضا للرضع يدعن على الصدر وبخاره يساعد على فتح الانف 0
واتمنى الشفا لطفلك الجميل

تسلمون اخواتي العزيزات الله يديمك ذخر لي ياااااااااارب
انا استعمله البخار هذا واللي يتكون من الماي والملح بس ماجايب اي مفعول وياه
بس بجرب ادهن له زيت الزيتون مثل ما خبرتوني وان شاء الله يستفيد يارب ويرتاح

كل الشكر والتقدير لكم حبيباتي وعسى ربي مايحرمني منك ان شاء الله