الدعاء في جوف الليل

مرحبا بنااااات

كيفكم؟

اليوم انا جايبتلكم قصة واقعية بطلتها عمتي الغالية:shy:

الله يسلمكم عمتي متزوجة من هي عمرها 16 وزوجها كان .............

بصراحة...معذبها وموريها الويل

يعني ما ابغى احش فيه افهموها انتم عاد

بس عمتي صبرت وكانت عندها صديقة من الامارات وكانت ماشاءالله عليها ونعم الصديقة

كان عمتي كلما تتضايق من زوجها تتصل فيها وتشكي لها

وكانت صديقتها تسمع لها وتنصحها بقيام الليل والدعاء والتمسك بالقرءان الكريم

عمتي سمعت نصيحة صديقتها وقامت تقرا القراءن كثير وهذا خلاها تصبر اكثر وتدعي ربها اكثر واكثر

زوجها كان كثير الاسفار والسهر خارج المنزل ايام تواجده في البلد
لذا صار بيتها فريسة سهلة للصوص

وعيالها كانوا صغار ياحليلها

وفي يوم من الايام..زوجها كان مسافر قامت كالعادة تصلي

بعد ما صلت ركعتين رفعت ايدها للسماء

وقامت تناجي ربها بكل عفوية وصدق وكلام من القلب ودموع حارة

وفي نفس الوقت كانت تسمع اصوات بحوش بيتهم فخافت كثير ياحليلها

قالت:ياااارب
يارب
يارب
ارحمني يارب
اهدي لي زوجي يارب
ارحمني يارب
يارب لاتحرمني منه يارب واصلح حاله يارب
يارب انا خايفة يارب
ساعدني يارب
يارب انا اسمع اصوات وخايفة ياربي انقذني يارب

وتمت تكرر من هالكلام العفوي كثييييييييييير مع بكاء مرير وقلب خاشع
على قولتها كاني اكلم شخص قدامي

وبعدها راحت تنام

هالكلام كان يوم الاربعاء
وزوجها رجع الخميس وهو ما يصلي رغم انه المسجد قريب واجد من بيتهم!!!!!

المهم...ربي ما خيب ظنها وما ردها خايبة ابدا
يوم الجمعة بدأ يصلي
وهي تلاحظ وفرحانة وساكتة وتحمد ربها
بدا الرجال يصلي المغرب والعشا
بعدين زاد عدد الصلوات الى 3 ثم الى 4 ثم صلاهم الخمس

يارب الف الحمدلله على نعمتك

وشوية شوية ترك كل الاشياء اللي كان يسويها

والحمدلله ربي هداه وراح اعتمر ودعى ربه انه يرجع للاراضي الطاهرة ما دام هو حي
وبالفعل بعد العمرة حج واخذ عمتي معاه

والحين انا اكلمكم وهو رايح العمرة ماشاءالله عليه:up:

ادعوا له بالثبات وانه الله يحفظه لعمتي من كل عين ونفس لامة لانها تحبه ماشاءالله عليهم

انا حبيت اقولكم هالقصة علشان تستفيدوا من الكنز اللي الله عطانا اياه
وهو الدعاء

الله الله والدعاء وخصوصا في جوف الليل مع البكاء بين يدي الله
(خصوصا وحدة في بالي احم احم)

وعلشان تقومي الليل وتدعي لازم تتقي الله في نفسك وتتركي المعاصي اللي انتي عليها

وان شاءالله راح اخبركم عن تجربتي في الحلقات القادمة:cool2:

واذا عندكم تجارب مثل هذي ياريت تذكروها علشان اللي يستهينوا بالدعاء يتشجعوا

في امان الله:)