ارجو المساعده

أختي (مها)

قولي بالضبط شنو تبين، و إن شاء الله أساعدج إذا أقدر...

اولا مبروك مقدما والله يوفق اخوك ويهنيكم

الفكره اللي براسي الحين هي انك تخلي ديزاين القاعه نفس الكوشه والمدخل وصواني التقديم والكاسات ... اذا ديزاين القاعه والكوشه بحر خلي سلال الفطاير و صواني الحلو على محار و دخلي معاهم شبك واحجار ..و كذلك المدخل خلي شكله ستايل البحر ...


واذا حديقه خلي السلال على اغصان و اوراق خضراء ملتفه و افرشي القاعه بالورد واللون الاخضر


والستايلات متعدده عندك ستايل البحر والحديقه و ستايل البيت الصيني و الستايل البدوي والهندي الخ


وممكن انتي وخواتك وبنات عمك لما تستقبلون الناس تلبسون لبس موحد على حسب ستايل العرس اذا بحر لبسوا لبس حوريات واذا حديقه ممكن تحطون ورده بشعركم نفس المكسيكيات واذا ستايل بدوي او خليجي لبسوا لبسنا الخليجي ثوب مسرح ( الثوب التور المشكوك )و هذا اسهل شي لانك بتلبسينه فوق بدلة العرس و تلبسون هامات و كفوف ... وبعدين تبدلون وتلبسون لبس العرس .. او تخلون الاطفال لبسهم موحد


وممكن تتلاعبون باضاءة القاعه و تطفون الاضاءة العاديه لدقايق قصيره بس و تحطون اضاءة ملونه نفس الوان القاعه و تركزون الاضاءه على الكوشه والمدخل و تسوون ليزر على الطوف ..ممكن تكتبون شي بالليزر او تخلونه يصير مثل الامواج ( اذا ستايل البحر ) وتدخلون صوت موج البحر


بس هذي الافكار بتكلفك كثيرررر ويبيلها ميزانيه


اتمنى عجبتك افكاري المتواضعه


جويل