انا ما أحب استخدم الحاجات الجاهزة خاصة لو كان في امكاني اسويها بنفسي
عشان كذا كل مرة اخترع تتبيلة جديدة dressing واجرب
عندي تتبيلات كثيرة بس اليوم جايبة لكم وحدة جديدة جربتها هالاسبوع وطلعت رهيبة
بس طبعا الناس أذواق خاصة في الأكل
المهم انتي تقدرين تحطينها على اي سلطة
مثلا انا جربتها مع سلطة نسميها سلطة شندني على اسم المطعم اللي نطلب منه هالسلطة وهي عبارة عن
خس اخضر - ذرة - فاصوليا حمراء - حمص حب - زيتون
بالعادة بهالتتبيلة
( ليمون - زيت زيتون - كركم - كمون ) وتطلع لذيذة
بس هالاسبوع قلت خليني اجرب تتبيلة جديدة شفتها في التلفزيون
المقادير
( طبعا المقادير اكبر بس انا سويتها لسلطة شخصين )
ربع كوب زيت زيتون
ملعقة من المسترد
نصف فص ثوم مهروس
نصف ملعقة صلصة Worcestershire
ملح وفلفل مطحون طازج مثل ما أحبه ( حسب الذوق )
الطريقة
راح تخلطين كل المقادير مع بعضها وتحطينها في خلاط كاس الى ان تمتزج كل المقادير او تقدرين تسوين طريقة ثانية سهلة
تحطين المقادير في jar زجاج مع غطا مثلا زجاجة الجبن او ورق العنب وبعدين تغطينها بالغطا وتخضينها زين ( فكرة صح )
وآخر شي تتبلين فيها اي نوع سلطة
جربوها وقولي لي رايكم
ملاحظة : جميع الحقوق محفوظة الى منتدى عروس ويرجى ذكر المصدر في حال النقل