أمســـــــــــــــــــاك حاد...أرجوكم ساعدوني !!

[CENTER] السلام عليكم ورحمة الله وبركاته

اختي الغالية عشق الروح

سلامة طفلك الف سلامة

إذا كان طفلك اكبر من شهرين إخلطي ربع ملعقة صغيرة من العسل مع فنجان صغير ماء دافيء واعطيه منه على الريق

إغلي ملعقة صغيرة من كل من نعناع جاف مطحون وبذور الحلبة وشمر مطحون وسكر نبات حبتين او ثلاث مع كوب ماء لمدة 10 دقائق واتركيه 10 دقائق ليتخمر وصفيه واعطيه منه مرتين الى 3 مرات في اليوم
من بعد اول مرة إن شاء الله تعالى تتحسن الحالة بشكل طبيعي بدون إسهال
طمنيني على طفلك بعد هذه الوصفة
تحيتي لك

كم عمر ولدك عشان نتقدر نساعدك

انا ولدي كان كذه وغيرت له نوع الحليب


والحين الحمد لله كل شي تماااااام

اذا كان طفلك اكبر من شهرين سينفع معه ما اقوم به لطفلي.. وهو عصر برتقالة في فنجان مع تخفيف العصير بالماء واعطائه قليلا منه... وسترين النتيجة :)

عشق الروح ممكن من الحليب اللي تستخدمينه شوفي اشمنه لأحظي انتي شو غيرتي عليه او ضفتي اكل يديد ممكن عشان جي صاده امساااااااك.

مممممممممممممممممم


مشكورين كلكم على تعاونكم وردودكم..

الصراحه انا اعطيه حليب ميلوميل 1 وولدي عمره 4 شهور وأسبوع ولله الحمد..
ما اعطيه شيء غير الحليب..

بس هوه لازم أحين أعطيه أكل طري مثل العيش مع الحليب و أعطيه عقب يوم بيكمل 5 تفاح مهروس ولا لا؟
بس هذا الامساك الصراحه مشكله


الله يعينا بس ..
أنا ان شاء الله باخذ بوصفاتكم وعصير البرتقال أحس به أوكيه ..
ولكن عن العسل أنا سمعت أنه مب زين نعطي البيبي عسل لين يكمل السنه الاولى من عمره ... والله أعلم



مشكورييييييييييييييييييييييييييييييييييييييييييييين وأنتظر ردودكم على أسألتي:smile:

[CENTER]

هلا حبيبتي

الغالية دام انه الامساك شديد

ممكن تساعدينه بوضع تحميله جلسرين الخاصة بالاطفال
(( تباع بالصيدلية و ليس لها اي مضار))
بعد وضع التحميلة انتظري دقايق و على طول يحصل الخروج
فلازم تكونين جاهزة و رافع رويلاته فوق شوي
هذا الحل الاول الي كنت اتبعه
لانه الامساك يخليهم يصيحون طووول الوقت

و بعد ذلك تعطينه الاكل الموصوف لج من قبل البنات

هلا اختي..


الصرااحه رااحه.. وبقووولج كلمه اذا حبيتي تاخذين راحه ولدج بالاعتبااار ولاتستهينين فيهاا..

انا نفس الشيء عندي ولدي *مهير* والله تعب وانا كنت اصيح علشاان اسووي شيء.. لحد م ان الوالده قالت لي جيبي شووي من الصابووون اللي نغسل فيه اليد..

والله اقووولج وحتى جربتها على ولدي.. وارتحت انا كثيرررررررر.. وحتى لماا يجيه الامسااك اعمل الاتي :

افرك الصابوون في يدي.. وبعدين افركه على مأخرته والله ... تقوووم الروائح والغازات وانتي بكراامه تخرج بسرعه البرق.. وتشووفين اكتئااب ولجد يصير الى فرح واللح ترجع له روووحه..

وهذه طريقه جدااااا مجربه... ولكن استعملي هالطريقه في الصعووبات وموووو كل مررره.. اذا صادفتك مشااكل..

لان الحليب عاامه يعمل غازاات له من عمرر شهر الى 4 شهووور.. وبعدين خلاااص..

والسمووووحه..

انا مع ام مهير فعلا انا بعد عمتي (ام زوجي )وصفت لي هذي الطريقة وبالاخص صابون لايف بوي وايد زين ولا تقولي انه بيحرقه او شي لا بالعكس وايد زين وما فيه مضرة..
واذا ما فاد ترى التحميلة زينة وبعد ماي وشكر شوي هم بعد زين والف لا باس عالياهل...

لا والله اختي مجربتنه انا رووحي.. والولد ارتااح والحمد لله.. كانت حراراته ترتفع بسرعه لماا يمسك.. فكنت اتبهدل والحين الحمد لله

انزين جربت هاي الطريقه بس مافي فايده :(







شوه اسوي؟؟؟؟؟؟؟؟؟؟ تعبت

شوفي اختي بنتي كانت اتعاني من الامساك من عمر شهر
و الشي اللي فادني هو مغلي الكمون بس يكون مخفف يعني تغلين شوية كمون و بعد ما يبرد اتضيفين عسل للتحليه لاتخافين صدقيني العسل ما بيضره و شوفي
اذا كنت مستعجله و الولد وايد ايصيح التحميله هي الحل الأمثل
وعصير البرتقال المخفف وايييد يفيد الياهل
كلها تجارب فادتني
وألف سلامة

اقصد بالكمون الأخضر مب الأسود

ما انصــحج بعصيــر البرتقال كبدايــه الان الحمضيــات تسبب حساسيه لليهــال الان بطونهم تكون جدا حساسه

انا يوم كان ولدي صغيـر وديته لدكتور فلسطيـني اسمه د خالد .. ونصحني اني اعطيه قصرات صغيره من زيت الزيتون الطبيعي

علشان يلين بطنه ( قبل النوم ) والحمدالله بعد فتره صار ولدي احسن .. اذا كنتي متخوفه من زيت الزيتزن ..

استخدميله العسل مع ماء دافي على الريق .. بس تاكدي ان العسل نضيف لانه فيه نوع من البكتريا تعيش بالعسل ..

وجدا مضره للطفال دون السنه .. اتمنى اني اكون فــدتج بشي اختج عيون القصيد .. والف سلامه على ولدج

وطمنيني عليه ..

[CENTER] السلام عليكم أختي عشق الروح
ألف سلامة على ولدج وما يشوف شر إنشاء الله ، الطرق السابقة الي تفضلوا بها أخواتي جداً راااااااااااااااااااااائعة ومفيدة بالإضافة إلى هاي الطريقة مجربتها أختي لبنتها وهي تجيبين زيت زيتون شوي وتدفينه على النار يكون دافئ مش ساخن وتدلكين فيه بطن ولدج صدقيني بيرتاح والإمساك بيروح على طول الله يكرمك بتطلع الغازات من بطنه وبتصير بعدها بشوي عملية الإخراج .
والسموووووووحة :o

ألف سلامه للننوس حبيبي ومايشوف شر ..أمي تقول عصير البرتقال .. زين



كمان لما تسويين الحليب حطي من نقطه لثلاث نقاط زيت خروع وبتشوفين النتيجه