كل ماتحتاجه العروس البحرينية

حبيبتي رمش العيون ...

تحصلينهم في رامز
او تو بس تو
او الانوار ..


واذا تبين تفكين روحج
تسوين في محل حلويات وكل شيء من عندهم ...

بنات وينكم


محد عنده اى سؤال او شى نبى نفييد ونستفييد؟؟

على فكرة سمعت ان منتج زين الانات وصل البحرين

شنو هل منتج زين الانات أخت ريم

منتج اسمع عنه وايد


كريمات تكبير صدر واعشاب للبشرة والشعر وايد ناس تمدحه وناس تقول عادى


اتمنى اللى عندها فكرة تزودنه ؟؟

انه بقولج انه شغل صالون خوله بعد وايد حلو ونظيف

ورعه بعد

بس حبيت اسالج وين ايصير محل الذهب (داماس)؟؟خاص اذا ممكن

وتسلمييييييييييييين على الموضوع وان شاء الله
الا اكيد بستفيد منه لاني من البحرين

اختى ريم البحرين انا شفت حاطين اعلاان عنه بالوسيط و المحل فى الرفاع منطقة البحير اسم مركز زين

صوب المخبز الفرنسى

داماس في منه بسيف و في مجمع يتيم في المنامة
بس صراحة الي في يتيم ما عجبني كلش ما عندهم شي يتسنع
بس يمكن الي في السيف احلى

بنات آنه عروس شوي قديمة يعني متزوجة من سنة و9 شهور بس حبيت أفيد بنات ديرتي بالأماكن الى شريت منهم، البداية دبلتي من مجوهرات الكوهجي بالسيف ـ هاذي يبيع ألمسات حلوة وأسعاره معقولة،، فستان خطوبتي شريته من الخبر بلازا وبالمناسبة تقريبا نصف تجهيزاتي كانت من السعودية وبالخصوص من شارع سويكت حصلت قمصان نوم أطقم على 20 دينار ولو نفسها بالبحرين وصلت خمسين، أطقم العطور شريت بس Allure و Chance من شانيل لأن الكل قال لي بتحصلين هدايا وايد منهم، والكريمات والباقي من البودي شوب...

عن الشعر والماكياج في الخطوبة والعرس كنت عند خولة بوحجي ماشاء الله عليها سوتني غير شكل وخصوصا بالعرس كنت أروع من الخطوبة وحتى الشعر وايد حلو عندهم....

الشوكلاته مافي على الريفيرا ، بس الحين صاحبة المحل أنفصلت بمحل لوحدها أسمه نوال فلاورز سويت عنده هدايا التوزيع لولادتي( الفيلا موجودة بقرب مجمع النادي الأهلي ، شغلهم وايد راقي)

حق حفلة الحنة سويت بوفيه من الأبراج وايد كان روعة,,,,

بس هاذي الي عندي الحين، ونصيحة لا تكثرون من قمصان النوم، يعني كل فترة أشتروا شي جديد علشان ماتملون من الكم الهائل الي عندكم.....

FayFay مادري إذا رحت طابا أو لا، بس آقدر آدليج عليه، رحته مرتين وأستخفيت على شغلاته مال البيت حتى زوجي قال أول ماعرسنه مالبستى من هالشغلات المثيرة والحين يوم ولدتي لبستي,,,

الشكر الجزيل لكل من شارك في الموضوع

اختي رانيا البحرينية بس حبيت استفسر منش عن" خولة بوحجي " في وين وهل شغلها ضمان وحتى في المواعيد يعني في حالة حجزها في الموعد ما تعتذر في الاوقات الضائعه ....

:smile::smile::smile:

جروح الغد.. خولة بوحجي الله يسلمج عند مطعم الأسرة الي بالمحرق أسمه صالون خولة، وهاذي مو مثل الباقي لما تواعدج تخلف بالوعد بالعكس بس يمكن تتأخرين نصف ساعة أو ساعة إذا كان زحمة، العرايس بثلاثين والعادي بـ 15. وعندهم فلبينية ممتازة للتسريحات يمكن Grace مو متأكدة من الأسم والبنت البحرينية هناك بعد شاطرة.

تسلمممممممممم يانوف وألف مبرووووووك على الزواج مقدما....

وبالنسبة للورد الطبيعي جاردينيا أعرف صاحبه يعرف أبوووي وقال لي راح أعطيج باقة ورد بلاش في زواجج حتى يوم عيد ميلادي ياب لي حلاوة من هناك وااااااااااااايد كانت لذيذة

مرحبا بنات ...
أختي جروح الغد .. بالنسبة لـــ خولة بو حجي ... انا رحت لها يوم خطوبتي، بصراحه هو مكياجها حلو و مرتب بس ما يتغير شكلج كلللللللللللللللللللللللش !! يعني تخلي الوحدة تصير ناعمة بس انها ما تتغيير ... يعني كأنه مكياج عادي بس حق عروس !

اذا تبين، في صالون ثاني بعد في المحرق اسمه ( صالون لولو ) في وحدة تمكيج هناك اسمها (نجاة) .. يمكن الناس تستغرب من الصالون عشان محد يعرفه وووووووووووووايد بس تدرين ما شاءلله عليها نجاة، أي صورة تراوينها أياها حق مكياج تسويها لج .... انا رحت لها مرتين كانت عندي مناسبة، والناس كلها كانت تسألني انا وين متمكيجة، والكل قال لي اني أحلى من يوم خطوبتي، اليوم اللي رحت فيه حق خولة بو حجي............ وفعلا في فرق وايد في الصور ما بين يوم خطوبتي ويوم رحت حق نجاة... و ان شاءلله باروح لها الأسبوع الجاي حق جلوتي !

شباب ويش رايكم في مكياج نجلاء الاء في عالي

الشكر للأخت رانيا البحرينية وinsana على الرد واالتفاعل

أما بالنسبة للأخت aayatoos عن صالون نجلاء شغلها ممتاز وشفت عرايس واااايد مكيجتهم طلعوا اهبلووووووووون بس اسعارها واااااايد ارتفعت مقارنه يوم كانت في صالون العفراء

:clap::clap::clap::clap::clap:

رانيا البحرينيه نوال فلاورز في اي مدينه وعنداي مكان ردي علي الله يعطيك العافيه لان عندي مناسبه ورايحه البحرين

بصراحه حلويات ام خالد وام فواز روووووعه وراح اخذ من عندهم

وشكرا

بنات ماحب مكياج خوله ماعرف ليش فى عرس اخوى سويت مكياجى عندها طلعت ساحرة تحط طبقات كريم اساس


بس شفت مكياج صديقتى ذاك الاسبوع عند فاطمه شويطر كان حلو ومزج خطيير للشدوا ،،،،


عفراء للشعر حلو يسوووووووووووون،،

اختى رانيه وين يصير طابا انا اعرف سويكت واعرف الحياه بلازا والراشد لو سمحتى شرحى لى مكانه

أختي أميرة العشاق..
بالنسبة لــ نوال فلاورز محلهم يصير بجنب النادي الأهلي، أتوقع المنطقة اسمها (( أم الحصم )) المهم، أول ما توصلين النادي الأهلي ( إذا انتي جاية من ميناء سلمان - بتلاقين مجمع ناصر على يدج اليمين) أنتي لفي أول لفة على يدج اليسار وروحي ألين ما راح تحصلين الفلا راح تكون على يدج اليسار....

اتمنى اني فاديتج

إنسانة

السلام عليكم والله الموضوع يجنن وماقصرتوا
انا بعد اجهز عرسي وابي اجيب شوكلاتات وشغلات حلوه وغريبه حق عرسي من البحرين
اذا مافي ازعاج انصحوني ومايهمني السعر اهم شي ان حلويات لذيذه وغريبه

وتسلمون

نوال فلاورز في منطقة الزنج قرب الجزيرة والنادي الأهلي وصيدلية ناصر بيكون في لفة مخبز الكوكب او الكواكب مو متأكدة بالضبط عبارة عن فيلا كبيرة على يدج اليسار.

الي يبي يسوي ورد عند نوال فلاورز نصيحة لا يخسر فلوسة
لان شنو مأساة كانت باقة بنت خالي لوعة قليلة عليها


اما عن اماكن راقية للحلويات صراحة توني من كم يوم ذايقة شوكلاته من أم خالد الي في مدينة عيسى جنب مجمع مدينة عيسى
شنو كان الطعم رووووووووووووووووعة احنه بصراحة مو كنى رايحين عشان نشتري حلوة بس جدي فما شفنها الا مطلعة لينى صحن منوع بكل اصناف الكاكو عندها و تقول لينى ذوقوا صراحة ما كذبنا خبر ذقنى قطعتين شنو كان طعمه حلو بس استحينا و ما ذقنى الباقي
روحي انت و ذوقي اذا عجبش اخدي و اسعارها بعد حلوة مرة