بنات البحرين .. ساعدوني !!!

i

insana

عروس نشيطة

04-04-2005 | 10:29 AM

السلام عليكم ورحمه الله ...
خواتي ... بإذن الله زواجي بعد شهر بس انا متوهقة عشان ما حجزت حناية !!!
كل ما اتصل حق وحده تطلع محجوزة ... ممكن أحد يساعدني و يخبرني إذا يعرف حناية حناها حلو ؟؟؟؟؟؟؟؟

انتظركم ...

f

fay fay

عروس برونزية

04-04-2005 | 10:55 AM

الرشنه حلو
جوليانا بالمحرق هم حلو

واذا تقدرين تجين السعوديه عندك كوافير اشراقه العنود يجنن :)

i

insana

عروس نشيطة

04-04-2005 | 10:59 AM

هلا أختي فاي فاي ....
والله شاقولج ... صالون رشنا أنغشيت فيه يوم أتحنى حق خطوبتي ... أول مرة أشوف حنا جذي .. يلوع الجبد ... كل الناس أستغربوا لما خبرتهم اني متحنية في رشنـــــــــــــــا .... وحلفت اني ما راح اعودها واتحنى عندهم مرة ثانيه !!!

بالنسبة لصالون جوليانا اللي بالمحرق .. فعلا حناهم حلو بس اللي اعرفه انهم ما يرضون يجون البيت .. وأنا أبغي وحدة تجي البيت عشان راح أسوي حفل حنة تقليدي ...

أشكرك على مرورك ....

ا

الفرس

عروس ماسية

04-04-2005 | 11:03 AM

[CENTER][grade="00008B FF6347 008000 4B0082"]
ألف مليون مبروك عليج حبيبتي ويارب يتمم عليكم بالخير والسعادة
في وحدة اسمها ليلى من الماحوز حناها واااايد حلو
وصالون وصال في جد علي عندهم حنايات يحنون حلو وحدة منهم اسمها دلال[/grade]

i

insana

عروس نشيطة

04-04-2005 | 11:18 AM

هلا أم الوله ....
أشكرج عزيزتي بس ممكن تعطيني رقم ليلى (على الخاص)... انتي شفتي حناها؟؟ وشرايج فيه ؟؟
وبالنسبة حق اللي اسمها دلال ... تتوقعين توافق تجي البيت؟ ولا لازم في الصالون ؟؟
انا اتصلت حق كذا وحده مثلا.. فاطمة - راس رمان / زهراء - شهركان / عواطف - المالكية / .... ألخ
وهذولا انا واثقة ان حناهم لا يُعلا عليه عشان كذا مرة شايفته ......... بس يوم صار دوري طلعوا كلهم محجوزين !!!!!!!

حبوبة .. إذا عندج رقم ليلى ارجوج لا تبخلين عليه به ....

A

Anan_Me

عروس مشاركة

04-04-2005 | 03:29 PM

ما ابي احبطش بس ليلى عادة يحجزونها قبل شهرين .. مشغوله اكثر من فاطمة\ راس رمان

بس جيكي يمكن نصيبش ما يكون عندها شي

ا

الفرس

عروس ماسية

04-04-2005 | 03:38 PM

[grade="00008B FF6347 008000 4B0082"][CENTER]
إن شاء الله حبيبتي يعجبج حناها هي اللي حنتني وحنة بنات العائلة بأعراسنا وحتى صديقاتي بس للأسف غاليتي على حظج غاليتي بطاقتي أحترقت وفيها كل الأرقام بسأل لج البنات وبرد عليج ولا يهمج وبالنسبة لدلال أظنها تروح للبيوت بس الأحسن انج تتصلين فيها وتسألينها وتحجزين بالأول

بالتوفيق[/grade]

ن

نوف البحرين

عروس مشرقة

04-04-2005 | 11:43 PM

انا اعرف وحده اسمها شهناز باكستانية عايشة بالمحرق
حنها والله حلو......

و

ورد الخريف

عروس ماسية

05-04-2005 | 05:43 AM

إذا مل حصلت في البحرين

السعودية وأهلها حاضريين

i

insana

عروس نشيطة

05-04-2005 | 08:57 AM

أخواتي العزيزات ....
الشكر الجزيل لكم على تجوابكم .....

أختي أنان مي ... باين من كلامج ان أختنا ليلى فنانة ما شاءلله عليها اللي الناس تحجزها قبل شهرين .. الله يوفقها ان شاءلله و يوفقنــا معاها .... أنا غلطت غلطة أني ما تحركت على روحي من قبل .. توني متفرغه ومثل ما خبرتكم من قبل، طلعوا كلهم محجوززززززززززززززززين !!!!!!

أختي أم الوله .... شفيهم البطايق هالأيام كله يحترقون؟؟؟ على العموم أشكرك وما أبغي اتعبك معاي أكثر ..... وان شاءلله مثل ما ليلى حنتج .. ان شاءلله تحني بناتج .. قولي آمين ... :)

أختي نوف البحرين ... كأني سمعت عن شهناز .. اممممممم هي نفسها اللي يسمونها (أم أبليب) ولا هذي وحدة ثانيه ؟؟؟؟ والله هي فرصه بعد عشان انا من المحرق وبيكون أقرب وأسهل لنا أحنا الثنتين .....

أختي مرايم السعودية ... مشكورة وما قصرتي .. وهذا من طيبج .. ومثل ما انتي عارفه ان البحرين والسعودية حبايب وما يستغنون عن بعضهم بعض .... جزاج الله ألف خير ...

أنا خبروني عن وحدة أسمها (خلود) من المحرق .... يقولون ان حناها لا يُعلا عليه بشهادة الجميع .... ان شاءلله الليله ترد علي خبر اذا أي أو لا ...... أدعو لي بس انها تكون مش محجوزة ...........................

شاكرة لكم مروركم الكريم .....

أختكم ...

إنسانة

P

P I N K

عروس مشاركة

08-04-2005 | 10:47 AM

أختي (insana)..

على ما أظن الحناية خلود اللي قلتي عنها، نفسها اللي تحني في جوليانا، يات حنت أختي في البيت..

و إذا تبين رقم شهناز الحناية، قولي لي، و أنا باطرشه لج ع الخاص...

i

insana

عروس نشيطة

09-04-2005 | 09:16 AM

أختي PINK
الحمدلله رب العالمين حصلت خلود (اللي كانت في جوليانا)... بس بصراحه انا مادري عن حناها ...
كل اللي سألتهم قالوا لي انه (رهيـــــــب ) بس انا شخصياً ما شفته ..
أنتي شرايج فيخ ؟؟

ا

ابتسامة الامل

عروس جديدة

13-04-2005 | 05:31 PM

في حناية حنتها رووعه حنت زوجه اخويي ..

بسألها عن رقمها وبرد عليش ..

f

fay fay

عروس برونزية

13-04-2005 | 07:07 PM

انسانه
حبيبتي باخر زواج عندنا جبناها للبيت ،، بس ما اخذناها بوقت دوامها الرسمي

لا يوم بتسكر الظهر قالت لنا بروح معكم البيت تعرفين يعني بتاخذ المبلغ لها مو للصالون فعشان جذي جات معانا

انتي متى بيكون حناك ؟؟؟

اذا كنتي بتتحنين بنفس الحفله بالليل مابتناسب لك وخبريني عندي وحده بعد تحني حلو بس حناها كلششششششششششششش ناعم ،، مدري اتمنى تجربينها اول لان يمكن تعجبك ويمكن لا ،، عن نفسي شفت بعض نقشاتها جنيت عليها وبعضها حسيتها عاديه ،،

على كل حال قولي لي وبجيب لك رقمها

اعتقد هي من الحد او عراد

i

insana

عروس نشيطة

19-04-2005 | 01:10 PM

السلام عليكم بنات ....
تخيلوا .. الأخت خلــــــــود توها متصله تخبرني ان السعر راح يكون (***) يعني سعر خيالي
انا كل اللي اعرفهم و أسمع عنهم ما ياخذون أكثر من 25 دينار !!!

خبرتني : اذا تبيني أجي البيت لازم تاخذ علي دبل السعر الأصلي .... بصراحه انصدمت من السعر عشان كلش ما توقعته

يا بنات .. عرسي قرب .. و انا للحين ما حصلت حناية !!!

فاي فاي ... أو أي أحد ثاني .. ساعدوني عشان أحصل حناية !!!!!!

مو مشكلة طرشوا لي الأرقام بالخاص وانا أتصرف

وبادعي لكم ....................