معرفة جنس المولود

سبحان الله هالشي مثل علامات بس مب شرط يكون دليل او شي اكيد ...

يعني مثلاً انا بطني على عرض وقالوا لي في المستشفى انه ولد ان شالله ... وانتي تقولين بنت ..

حتى الناس يقولون لي بنت لكن في المستشفى طلع لي ولد وكذا مرة انا شفت هالشي بنفسي بعد ...

اما عن الأكل ما اعرف والله ..

انا بطني على برع وحامل ببنت

شكل البطن ما يخصة بجنس المولود لاني قريت مقالة في المجلة انة كل امرأة يختلف رحمها وحجم رحمها عن الاخرى

فعشان جذه كل وحده بطنها غير عن الثانية

كلام البنات صحيح
انا بطني عريض وكان ولد

ما يبين الا بالالترا ساوند وبعد فيه شك انهم ما شافوا عدل

تحياتي

:eek2: لاتعليق

انا بعد بطني عريض ويادوب يبين .. مع اني في نهاية الثامن .. وقالولي ولد ولد ولد

خلاص لاتزعلون الله يعطي كل وحده منكم ماتتمناه ان شاءالله :clap:

انا بحملي الاول قالو لي بنت وطلع بنت والحمل الثاني قالو لي اذا كانت الوحده خفيفه يكون ولد وامس وحده قالت لي شكل فيك بنت لان بطنك عريض فهل هذا صحيح ؟؟؟؟؟

انا بالنسبه لي لما يكون بطني عريض ايكون بنت ولما ايكون بارز ايكون ولد بعد تجربتي لكن انتوا
الله اعلم

انا لاحظت انه الشي الشائع انه لما يكون البطن عريض يقولون بنت .. لكن انا لاحظت العكس ... :)

يعني انا ان شالله فيني ولد وبطني عريض وكذلك اختي في اولادها الاثنين كان بطنها عريض وكثير من صديقاتي ...

وغير جي الي فيها ولد تنتفخ من ناحية الويه والجسم بعكس البنت .. والبطن ما يبين اللا في السادس شوي او بداية السابع اما الي فيها البنت بطنها يبين قبل .. هذا الي اعرفه وشفته ... والله اعلم ...

وبعد يقولون اذا كانت السرة في الوحدة ظاهره لبرا هذي فيها ولد .. واذا حلمة الصدر اغمقت بعد ولد وانا كل هالاعراض فيني ...

والــــــــــــــــــــــــــلــــــــــــه اعــــــــــــــلـــــــــــــــــــــم

انا بطني عريض وقالولي يمكنننننننن بنت ما
يبين واااضح.. قهررررر.
بس بالنسبه للاكل.. انا فى بدايه حملي توحمت
على الفلفل والمخللااات وكرهت شي اسمه
حلوياااات ولما عديت الاربعه اشهر
اشتهييييت الحلويات وكرهت الفلفل والمخللات.
شي يحيييييير يعني فيني ولد ولا بنت؟؟
اموت واعرف ههههههه.

والله ياعسوووله انا احترت فعلا الحمدلله في تصوير انعرف منه الجنس المشكله اني ماعدت اعرف من اللي يزعل لما ايقولون له بنت المرأه ولا الرجل في بنتي لما بشرت زوجي اني صورت وقالوا لي بنت شفت في وجهه الوان قوس قزح مش من الفرح طبعا من الزعل عطاني ابتسامه تخفي ورائها الغضب الحمدلله مادعم فيني واختي كذلك لما صورت وقالوا لها بنت اتقول حدثت سكينه وهدوء من وراء الصدمه00000
سبحان الله الرجل يقول عادي عادي بنت ولما انقول صورنا وطلعت بنت وجهه ينطق بعكس ذلك
بس نفسي لما الوحده اتجيب بنت والزوج ايكون مش عاجبه ايجرب الآمها لمده نصف ساعه عند الولاده 00000

انا بحملي الأول كل الدلائل كانت تشير انه ولد
البطن مكور
ووجهي منفوخ وخشمي خاصة:pain:
واحب آكل الفلفل وخاصة لما كان موسم المانجو الأخضر الغض كنت اموت فيه لدرجة اني آخذه معي للدوام

وكل شيء كل شيء كان يقول أني حامل بولد
لدرجة انا صدقت كلام الناس

ولما رحت اكشف بالألترا ساوند قبل ولادتي قالوا لي ما يبين

بس كان في احساس بداخلي انه بنت وكنتادعي ربي انه يرزقني ببنت وابكر بالبنت



حتى لغاية قبل آخر يوم من المخاض والولادة بطني كانت مرتفعه وما نزل بطني ابدا

ولما ولدت










طلعت امورة صغيرونة حلوة بنوتي سارونة

وانا ساعتها قلت لأبوها شفت انا ما قلت لك انه بنت ((( الناس في ايش وانا في ايش ))))



اللي اريد اوصل له انه ما دايما هالكلام صحيح يمكن احيانا تصير بس مودايما ومثل ما قالت الاخت حلوة المحيا انه يعتمد على شكل الرحم وحجمه


مع تمنياتي لجميع الحوامل بالصحة والعافية والله يقومهم بالسلامة

أنين الجراح
انا مثلج استغرب من الرجال اللي يزعل
اذا جابوا له بنوته؟؟
اشفيهم البنات والله اشحلاتهم اشزيييينهم
البنات رحمه من رب العالمين ويقول لج ان
اللي عنده اربع بنات ضمنننن دخوله الجنه
بعد اش يبون اكثر من جذيه؟؟
انا الحمد لله والشكررر عندي ولد وبنت وما
عندي اي مانع اني اجيب بنوته ثانيه بعد
يا ليييييييييييييت السونار يصدق معاي
واجيب بنوته يا رب يا رب يا رب.
ادعووولي يا بنات انا اموت فى البنات
الله يخليهم لنا يا رب.