قصه .. وقصيده

قصه .. وقصيده ...

القصه لشايب تعب على تربيه ابناءه وعلمهم ووصلهم احسن المناصب ولا تركهــــــــــم الا وكل واحد في بيتــــــه
متزوج ومرتاح ... بس للاسف وش لقى منهم عقب هذا كله الا العقوق والنكران والجحود لكل اللي سواه لهـــــــــم وفيهم ... حتى انه اذا راح لاحد منهم في بيته اما انه يطرده ويوديه لبيت اخوه والا انه مايفتح له من الاصل وطبعا كل لزوجاتهم الدور الاكبر في هالشي ... وبعد ما مل وتعب وهو يترجاهم انهم يقومون فيه ويبرون به راح لاحـــــد البيوت المهجورة وعاش على صدقات ومساعدة اهل الخير حتى توفاة الله ... وقبل وفاته قال هالقصيدة .


الباكيـــــة


قـــــال اللي يـــقرا بلايا مكــــــــاتيــب ... ياللـــــي تلومون العمى من عناكـــم

ياعيــــال ياللي تشرفون المراقيـــــب ... تريثـــــوا لي واقصروا من خطاكــــم

خــــــــذوا كلام العُود مابه تكاذيــــــب ... مثــــــل السند مظموم للي وراكــــــم

ياعيال لا صرتوا ضيوف وماعازيــب ... تــــــرى الكلام الزين ملحة قراكـــــم

تـــــــرى النمامة من كبار العذاريــب ... وهـــــــرج البلايس مايطول لحاكـــــم

المذهب المذهب ترى المذهب الطيـب ... تــــــــرى ردى المذهب يبوّر نساكــم

ياعيـــــــال ما سرحتكم باللواهيـــــب ... ياعيــــــال ماعمر المعزب ولاكـــــــم

ياعيـــــــال ماعذبتكم بالمشاعيــــــب ... ولا سمعـــــوا الجيران لجة بكاكــــــم

يــــــــــاما توليت الخلايق تقل ذيـــب ... من خوفتي يقصر عليكم عشاكــــــــم

احميـــت رجليني بحامي اللواهيــــب ... وخليت لحم الريم يخالط عشاكـــــــــم

واليــــــوم هذي لحيتي كلها شيـــــب ... وهــــــذا مكان توضيعي في ذراكـــــم

ياعيــــــال بعتوني بصفر العراقيــــب ... ماهـــــــي حقوقي سوّد الله قراكـــــم

قمـــــت اوكا فوق عوجا المصاليـــب ... وقصرت خطانا يوم طالت خطاكــــــم

ياعــــــيال من حقي عليكم مطاليــــب ... عطوني القرضه جزاء ما وتاكــــــــم

المنسب الطيب على المنسب الطيــب ... المنســــــــب الطيب يزكي خفاكـــــــم

خوالكــــم بالطيب تروى المغاليـــــب ... ياعيـــــال مدري هالرداء منين جاكـم

ياعلكـــــم في حاميات اللواهيــــــــب ... ياللـــــــي على الوالد كثير لغاكــــــــم

قصيتـــكم واسميت وادي سلاحيــــب ... لقيــــــت بالصبخاء مدافيق ماكــــــــم

النـــــــاس تدرى بالردى والمعاييــب ... لأقبـــــــــل حديكم قيل جاكم بلاكـــــــم

مانـــي بفاضحكم بوسط الاجانيــــــب ... بفعالكــــــم يدرون كل اقرباكــــــــــــم


وش علمكــــم ياتاركين المواجيـــــب ... لـــــــو تتبعون الجد محد(ن) شناكـــم

شفت الجفاء والحيف والغلب والريب ... اهبــــــوا هبيتوا بدد الله نماكـــــــــــم

عســـــــى نساكم ماتولد ولا تجيـــــب ... تغيب شمس الصبح ويظلم سماكـــــم

صيـــــــور ماهو عاوين بيننا الذيـــب ... وبالقبر ما اسمع طيبكم من خطاكــــم


وفعلا قبل الله سبحانه وتعالى دعوة الشايب ولارُزق ولا واحد من عياله بولد او تلد
وانقطع من عقبها نسلهم

اخواني واخواتي ..
هذة فرصه لمراجعة النفس لمن هو مخطىء او مقصر في حق والديه
خاصـــــــه وانه حنــــا في هالشهر الفضيـــــل
الله يجمعكم واياهم في جنات النعيم بإذن الله ...

وتقلبوا خالص تحياتي ...

دايــــــــــــــــــــــــم الــــــــــــــــشــــــــــــــــــــــوق

مقول