آآآآهوالله قهر تشبهني كاأم بالخادمه الاندونسية

السلام عليكم ورحمة الله وبركاته ..
.. ليش مكبره الموضوع كلمه انقالت من شخص ما يثمن كلامه .... اهم شي يا اختي في الدنيا كيف نوزن الامور .. الامر بسيط جدا .... انتي بعافيه وريلج بعافيه وبنتكم الله يخليها لكم بعافيه ... الحمدلله على كل شي ..ما يستاهل انج ما تنامين ولا يستاهل بعد انج تعوريين راس ريلج بالسوالف هاي ترى صدقيني حاولي تسويين مثلي الكلام يدخل من اذن ويطلع من الاذن الثانيه ... خليج اقوى ترى شوفي في الدنيا في ناس يحبون يقطون كلام جي طبعهم شو نسوي مو بيدج تغيرينهم بس بيدج طنشينهم ... وانتي اذا شفتيها مره ثانيه ابتسميلها وسولفي معاها ومهما قطت كلام قولي الله يسامحج حاولي تبينلها انج احسن عنها واكرم منها باخلاقج وصدقيني مع الوقت الله بيهديها وبينصلح حالها انشاء الله ... واذا لا سمح الله اتضايقت منها قومي واقري قرآن وكلام الله بينسيج همومج انشاء الله ..والله يوفقج يارب

يا حبيبتي ما عليج من كلامها .. شكلها فاضية وحياتها ما فيها شئ له معنى عشان جذي طايحة فيج إنتي..ولأنك إنسانة طيبة وما لج في سوالف المعاير والرد والإستهزاء هي مستغلة هالطيبة عشان تهينج .. بس أحسن شئ تسوينه إنك ما تردين عليها وتحقرين كلامها ولا كأنها قالت شئ .. يعني لا تزعلين ولا تتضايقين وخليك مطنشتها ولا تعبرينها ولا تخليم لكلامها أهمية.. وأهتمي بأم زوجك وأهله ولا عليكي منها لا تخليها تحسسك بالكره تجاه اهل زوجك وبعدين تبتدي المشاكل من بينكم .. كوني واثقة من نفسك ولا تنزلين روحك لها عامليها كأنها انسانة مريضة وتحتاج منكم الصبر .. لا تخلينها تنجح بالتأثير فيك وفي تصرفاتك مع أهل زوجك -

لازم في كل بيت يطلع أحد يسبب الضيق والمشاكل .. فإعتبريها مثل العقبة في طريق سعادتكم لازم تكونين اقوى منها عشان تجتازينها بدون ما تأثر فيج.

وبعدين مو من كثر روحاتكم لبيت أهل زوجك تحملي وخليكي صبورة وعودي روحج على اسلوبها عشان تكون عندك مناعة قوية ضد كلامها إللي يسمج..


ركزي في حبك لزوجك ولبنتك لأنهم أقرب الناس لج لا تخلين كلام فاضي ماله معنى يهدم عليج سعادتج وبعدين أهم شئ راي زوجك فيك وحبه لج ،، لا كلام اخته ولا امه ولا احد ثاني يقدر يغير نظرته لج إلا إنت بتصرفاتك معه ..

وبعدين عندج هالقمر الصغير الحلو (بنتج) بس طالعي في عيونها وإبتسامتها وإنسى الهم والحزن لأنه بصفاء ونقاوة عيونها راح تغسل لج الحزن كله ..

اتمنى اني ما طولت عليج

اختك

موووولي

والله انج خرعتيني على بالي شي عووووود .... ترى مثل ا قالت الاخت ذكريات كلمة وانقالت من شخص ما يثمن كلامه ... لا تكبرين الموضوع وتزيدينه أخاف تكبر السالفة وتصير مشكله عن جد .
استهدي بالله وهونيها وتهون

على قولك اكيد غيرانه عشانها ماجربت الامومه

كمان فيه ناس طبعهم كدا مايقصدو الكلام الي يقولوه يعني ساعات يخبصو الدنيا بالكلام ومايحسو..
طنشي حبيبتي و لاتشيلي فخاطرك

بس عارفه ..قولي لزوجك تصدق فلانه قالت كدا وكدا بس انا مارديت عليها قلت حرام عشانها كبيره و..الخ
صدقيني تكبري فعينه

الله يكون بعونك أختي
بس نصيحه مني أنش ماتهتمي لكلامها وأهتمي بالشي الاكبر الا وهو زوجش وبنته
وخليهم نصب عينش لان هم الوحيدين الا انتي مسؤوله عنهم ولازم تحافظين عليهم مهما كان

ما شاء الله البنات كفوا ووفوا

لا تعتبري كلامها شيء .. وتعاملي معها فعلا بالطيب

ترى شكلها تعبانة نفسيا .. والله يكون في عونك

بس بصراحة بغيت أعرف وش سويتي لحظة الموضوع .. يعني وقت ما قالتلك هالكلام .. شلون تصرفتي؟؟

رديتي ولا سكتتي؟؟

السلام عليكم ورحمة الله وبركاته

ما شاء الله البنات ما قصّروا...

عادي أختي...ياما الواحد بيشوف...

ما تحطّي كل كلمة براسك علشان ما تتعبي...

السلام عليكم ورحمة الله وبركاته

ما شاء الله البنات ما قصّروااللةيعطيهم العافية.
وصدقيني انها مسكينة تحتاج الشفقة لان الكلام هذا ما يطلع من شخص طبيعي وعاقل من متى يقال لي الام الي تهتم بااولادها شغالة وانتي كبري عقلك واخسريها

الاخوات الغاليات(ذكريات-amooli-selen-ذات الخمار -أاحلى شهد-بنت فلسطين-مرموم-لوتس 30)

والله اقولها من قلبي الله يجزاكم خير ولايوريكم مكروه

فعلا ردودكم تشرح الصدر ونورتني وفي محلها لاني ساعات ارحمها واشفق عليها
الله يهديها ويصلح حالها مايعيبها الا لسانها ويعطيني خيرها ويكفيني شرها
الله يجزاكم خير حسستوني اني بين اهلي وربعي

حبيبتي .......وإذا أتتك مذمتي من ناقص فهي الشهادة بأني كامل

وياما في ها الدنيا كثير من ها الأشكال طنشييييييييييييييها وزوجك لا تدخليه بها الأمور عشان ماتكبر المسألة

وخليك واثقة من نفسك.....

الله معاك

صح والله كل الكلام المكتوب من الاخوات
وحتى لو قالت عنكي خدامة لبنتك وزوجك
ردي عليها وبكل فخر انش تخدمينهم بعيونش وقلبش قبل ايديش
شغلة ثانية ابغى أضيفها ان ساعات الواحد يسكت عن الاهانة لان الحكمة تقتضي ذلك
بس في ناس المفروض نرد عليهم بدون مانهينهم علشان يعرفوا حدودهم


وسلامتكم...............

أخواتي ( النجم الساطع -lma)الله يجزاكم خير والله ردودكم خففت عني كثير من اللي كنت اعانيه

بس تحسبوني سكت على كلامها في تلك اللحظة لا والله ..........حظنت بنتي وقلت بدلع والله اخدمهم بعيوني
وقلت يكفي انها أنيستي في البيت بعد ما يروح ابوها الله يحفظه لدوامه اناغيها واسولف معها ............
بس حسيت بتلك اللحظه اني مااشفيت غلي فيها .....كان ودي اقول لابوها .لكن اللحين وبعد ما نورتوني الله ينور دربكم
ابي افكر بحكمه واطنشها اذا احتاج الامر لذلك>>>>>>>>>>>>>>الله يكفيني شرها ويهديها ويصلحها

:clap::clap::clap:

أحسنت اختي العزيزة الماء العذب

ردك عليها رائع

يا ريت كلنا نقدر فعلا نعمل مثلك لحظة حدوث مثل هذا الموقف

أحسنت أحسنت احسنت

بارك الله فيك وربنا ينور طريقك للخير دائما

اخواتي مملكة القلوب -بنت فلسطين
بارك الله في ردودكم وتشجيعكم والله لايحرمني منكم